Nɔ ni Esa akɛ Owie yɛ Woji Tɛtrɛbii lɛ Ahe

The Watchtower January 1

Kanemɔ 1 Mose 2:16, 17 lɛ. No sɛɛ lɛ kɛɛmɔ akɛ: “Mɛi komɛi kɛɔ akɛ Nyɔŋmɔ le eto momo akɛ Adam baafee esha. Mɛi krokomɛi hu susuɔ akɛ, kɛ́ Nyɔŋmɔ le enɛ eto momo lɛ, belɛ beni ebɔ Adam kɔkɔ lɛ, eefee osato. Te bo hu osusuɔ tɛŋŋ? [Ŋmɛɛ gbɛ ni eha hetoo.] Sane ni jeɔ shishi yɛ baafa lɛ 13 tsɔɔ bɔ ni Nyɔŋmɔ kɛ nyɛmɔ ni eyɔɔ akɛ eeele wɔsɛɛ lɛ tsuɔ nii ehaa.”

Awake! January

“Mɛi komɛi susuɔ akɛ jamɔŋ hemɔkɛyelii fɛɛ damɔɔɔ nɔ ko ni ayɔɔ nɔmimaa yɛ he lɛ nɔ. Te bo hu osusuɔ tɛŋŋ? [Ŋmɛɛ gbɛ ni eha hetoo.] Biblia lɛ tsɔɔ akɛ, esaaa akɛ jamɔŋ hemɔkɛyeli feɔ nɔ ko ni nɔdaamɔnɔ bɛ he. [Kanemɔ 1 Yohane 4:1.] Sane ni jeɔ shishi yɛ baafa 28 lɛ tsɔɔ bɔ ni wɔɔfee wɔná nɔmimaa akɛ wɔhemɔkɛyeli lɛ yɛ nɔdaamɔnɔ kpakpa.”

The Watchtower February 1

“Gbalamlitsemɔ ebu waa ŋmɛnɛ. Kɛ okwɛ lɛ, mɛni tuuntu haa ebaa lɛ nakai? [Ŋmɛɛ gbɛ ni eha hetoo.] Naa ŋaawoo ko ni gbalashihilɛ mli hefatalɔi babaoo ena he sɛɛ. [Kanemɔ 1 Korintobii 10:24.] Wolo tɛtrɛɛ nɛɛ wieɔ wumɛi kɛ ŋamɛi anaagbai ekpaa komɛi ahe, ni etsɔɔ bɔ ni abaanyɛ akɛ Biblia mli shishitoo mlai atsu enɛɛmɛi ahe nii.”

Awake! February

“Etamɔ nɔ ni mɛi babaoo nyaa sisai kɛ ayɛi kɛ ŋkunyaayelɔi asaji ahe waa. Ani osusuɔ akɛ mumɔi atsɛmɔ nifeemɔi ni akɛ he woɔ mli lɛ yeee mɔ awui? [Ŋmɛɛ gbɛ ni eha hetoo.] Kwɛmɔ kɔkɔbɔɔ nɛɛ ni Nyɔŋmɔ kɛha blema Israelbii lɛ. [Kanemɔ 5 Mose 18:10-12.] Wolo tɛtrɛɛ nɛɛ tsɔɔ nɔ ni Biblia lɛ kɛɔ yɛ mumɔi atsɛmɔ he.”