Bɔ ni Wɔɔfee Wɔkɛ Please Follow Up (S-43) Wolo lɛ Atsu Nii

Esa akɛ oŋmala wolo nɛɛ nɔ nii kɛ́ okɛ mɔ ko ni yɔɔ wiemɔ lɛ he miishɛɛ ni bɛ oshikpɔŋkuku lɛ mli loo mɔ ko ni wieɔ maŋsɛɛ wiemɔ kpe. Eyɛ mli akɛ be ko ni eho lɛ wɔkɛ wolo nɛɛ tsuɔ nii kɛ́ wɔkɛ mɔ ko ni wieɔ maŋsɛɛ wiemɔ kpe, ni ejie miishɛɛ kpo loo ejieee miishɛɛ kpo po, shi amrɔ nɛɛ wɔkɛtsuɔ nii be mli ni wɔna mɔ ko ni yɔɔ sane lɛ he miishɛɛ pɛ. Nɔ pɛ ni yɔɔ srɔto yɛ enɛ he ji kɛ́ mɔ lɛ ji mumui. Kɛ́ wɔkɛ mɔ ko ni ji mumui kpe lɛ, esa akɛ wɔŋmala S-43 wolo lɛ nɔ nii kɛ́ ejie miishɛɛ kpo loo ejieee miishɛɛ kpo po.

Kɛ́ wɔŋmala wolo lɛ nɔ nii wɔgbe naa lɛ, mɛni esa akɛ wɔkɛfee? Esa akɛ wɔkɛha asafoŋ woloŋmalɔ lɛ. Kɛ́ ele asafo ni esa akɛ ekɛha amɛ lɛ, ebaanyɛ ekɛmaje onukpai ni yɔɔ nakai asafo lɛ mli lɛ koni amɛto gbɛjianɔ ni amɛye amɛbua mɔ ni jie miishɛɛ kpo lɛ. Kɛ́ eleee asafo ni ekɛ wolo lɛ baaha amɛ lɛ, esa akɛ ekɛmaje nitsumɔhe nine lɛ.

Kɛ́ mɔ ni yɔɔ wiemɔ lɛ he miishɛɛ lɛ wieɔ maŋsɛɛ wiemɔ ni eyɛ oshikpɔŋkuku lɛ mli lɛ, obaanyɛ oya nɔ osara lɛ koni miishɛɛ ni ená lɛ akagbo kɛyashi shiɛlɔ ko ni yɔɔ asafo ni wieɔ nakai maŋsɛɛ wiemɔ lɛ mli lɛ baabasara lɛ.​—Kwɛmɔ April 2010 Wɔ Maŋtsɛyeli Sɔɔmɔ lɛ, baafa 6.