Nyɛtsua he Nii Oya Nɔŋŋ

Kɛjɛ be ni wɔkɛ wɔ-Wɛb saiti ni afee lɛ ehee lɛ bɔi nitsumɔ nɛɛ, mɛi ni tsɔɔ wɔ-Wɛb saiti lɛ nɔ amɛbiɔ ni akɛ amɛ akase Biblia lɛ ayi efa waa. Agbɛnɛ hu, gbɛi hei ni atsɔɔ nɔ ayeɔ odase yɛ maŋ lɛ ehã mɛi babaoo ebi ni akɛ amɛ akase nii. Nitsumɔhe nine lɛ bɔɔ mɔdɛŋ akɛ ebaatsu nibimɔi nɛɛ ahe nii oya nɔŋŋ. Akɛ nɔkwɛmɔnɔ lɛ, bei pii lɛ, kɛ́ mɔ ko tsɔ jw.org lɛ nɔ ebi ni akɛ lɛ akase nii lɛ, ahãa asafoŋ onukpai ni mɔ lɛ yɔɔ amɛshikpɔŋkuku mli lɛ leɔ yɛ gbii enyɔ pɛ mli. Kɛ̃lɛ, amaniɛbɔi ni nine eshɛ nɔ lɛ tsɔɔ akɛ, bei komɛi lɛ otsii babaoo hoɔ ni mɔ ni bi ni akɛ lɛ akase Biblia lɛ nuko nɔ ko. Mɛni wɔbaanyɛ wɔfee koni anyɛ aye abua mɔ ko ni ená wiemɔ lɛ he miishɛɛ lɛ dani emiishɛɛ lɛ naa aba shi?​—Mar. 4:14, 15.

Kɛ́ mɔ ko ni bɛ nyɛshikpɔŋkuku lɛ mli lɛ ná wiemɔ lɛ he miishɛɛ lɛ, nyɛŋmalaa Please Follow Up (S-43) wolo lɛ nɔ nii oya nɔŋŋ ni nyɛkɛhã woloŋmalɔ lɛ kɛ́ nyɛtee asafoŋ kpee ni baanyiɛ sɛɛ lɛ. Esa akɛ woloŋmalɔ lɛ kɛ mɔ lɛ he saji lɛ ahã asafo ni mɔ lɛ yɔɔ amɛshikpɔŋkuku mli lɛ, loo ekɛmaje nitsumɔhe nine lɛ kɛtsɔ jw.org lɛ nɔ he ni aŋma Congregation yɛ lɛ nɔ yɛ gbi kome loo gbii enyɔ mli. Esa akɛ asafoŋ onukpai lɛ afɔ Wɛb saiti lɛ nɔ yaa. Kɛ́ aŋma amɛ akɛ amɛyasara mɔ ko lɛ, esa akɛ amɛtsu he nii oya nɔŋŋ. Esa akɛ shiɛlɔ ni abaakɛɛ lɛ ni eya mɔ lɛ ŋɔɔ lɛ abu lɛ akɛ eji hiɛdɔɔ sane. Kɛ́ otee ni mɔ lɛ bɛ shĩa lɛ, obaanyɛ oshi ogbɛ́i, otɛlifoŋ nɔmba, kɛ nibii krokomɛi ni he hiaa lɛ.