Otsi Teŋ Kpee mli Tsakemɔi

Kɛjɛ otsi ni jeɔ shishi September 3 lɛ nɔ kɛyaa lɛ, akɛ minitii 30 baafee Asafoŋ Biblia Nikasemɔ lɛ, shi jeee minitii 25 dɔŋŋ. Esa akɛ nikasemɔ lɛ nɔkwɛlɔ lɛ kɛ miniti kome awie nyɛsɛɛ otsi lɛ nikasemɔ lɛ mli otii lɛ ahe yɛ ehiɛkpamɔ wiemɔ lɛ mli. Abaatse be ni akɛfeɔ Sɔɔmɔ Kpee lɛ hu nɔ kɛjɛ minitii 35 kɛba minitii 30. Akɛ adafitswaa nifeemɔ lɛ woŋ mli dɔŋŋ. Moŋ lɛ, kɛ́ adafitswai komɛi yɛ lɛ, esa akɛ mɔ ni baatsu klɛŋklɛŋ nifeemɔ lɛ he nii lɛ atswa adafii nɛɛ kɛje enifeemɔ lɛ shishi. Bei pii lɛ, adafii fioo komɛi pɛ (kɛji eko yɛ po lɛ) ehe baahia ni atswa, ni kɛfata he lɛ, ehe ehiaaa ni atsɔɔ nifeemɔi ni abaatsu he nii yɛ Sɔɔmɔ Kpee lɛ shishi lɛ. Esaaa akɛ atswaa adafii ni kɔɔ shiɛmɔyaa kɛ Asa lɛ nɔ saamɔ, kɛ agbɛnɛ hu ŋamɔi ahe. (km 10/08 bf. 1, kk. 4) Kɛ́ abaatswa adafi ko ni sɛɛ kɛ lɛ, ebaahi akɛ aaatsɔ hiɛ aha mɛi ni yɔɔ nifeemɔi yɛ Sɔɔmɔ Kpee lɛ mli lɛ ale koni amɛnyɛ amɛtse be ni amɛkɛbaatsu amɛnifeemɔi lɛ ahe nii lɛ anɔ.