Gbɛjianɔtoo kɛha Otsi ni ji December 24

OTSI NI JEƆ SHISHI DECEMBER 24

Lala 5 kɛ Sɔlemɔ

□ Asafoŋ Biblia Nikasemɔ:

jr yitso 3 kk. 1-6 (Min. 30)

□ Teokrase Sɔɔmɔ Skul:

Biblia kanemɔ: Zakaria 9-14 (Min. 10)

No. 1: Zakaria 11:1-13 (Ekaye fe min. 4)

No. 2: Namɛi Asɔlemɔi Nyɔŋmɔ Sumɔɔ akɛ Ebo Toi?—rs-E bf. 292 kk. 1–bf. 293 kk. 2 (Min. 5)

No. 3: Mɛɛ Shihilɛi Amli Wɔbaanyɛ Wɔkɛ Abɛi 15:1 lɛ Atsu Nii? (Min. 5)

□ Sɔɔmɔ Kpee:

Lala 75

Min. 30: Mɛɛ Gbɛ nɔ Wɔbaanyɛ Wɔkɛ wɔ-Wɛb Saiti lɛ Atsu Nii Jogbaŋŋ Kɛmɔ Shi. Sanegbaa ni yɔɔ baafa 3 kɛyashi 6 lɛ. Kɛ́ nyɛmiisusu baafa 4 lɛ he lɛ, ha akɛ minitii etɛ afee nɔkwɛmɔnɔ ni kɔɔ weku ko ni kɛ amɛgbɛkɛ Weku Jamɔ lɛ miiba naagbee lɛ he. Weku yitso lɛ bi weku lɛ mli bii lɛ ni amɛtsɔɔ nɔ ni amɛbaasumɔ ni akase yɛ otsi ni nyiɛ sɛɛ lɛ mli, ni gbekɛbii lɛ tsɔɔ akɛ amɛbaasumɔ ni asusu Wɛb Saiti lɛ fã ni wieɔ “Teenagers” ahe lɛ he. Ha toibolɔi lɛ atsɔɔ bɔ ni amɛkɛ jw.org lɛ etsu nii eha loo bɔ ni amɛkpɛ amɛyiŋ akɛ amɛkɛ baatsu nii amɛha yɛ amɛ aŋkro nikasemɔ loo weku jamɔ mli. Kɛ́ nyɛmiisusu baafa 5 lɛ he lɛ, ha akɛ minitii etɛ afee nɔkwɛmɔnɔ ni miitsɔɔ shiɛlɔ ko ni egbele wɛb saiti lɛ yɛ emobail foŋ lɛ nɔ kɛmiiha shiatsɛ ko sanebimɔ ni kɔɔ wɔhemɔkɛyelii lɛ ahe lɛ hetoo, kɛ́ afeɔ nakai yɛ he ni nyɛyɔɔ lɛ. Kɛ́ nyɛmiisusu baafa 6 lɛ he lɛ, ha akɛ minitii ejwɛ afee nɔkwɛmɔnɔ ni miitsɔɔ shiɛlɔ ko ni kɛ mɔ ko ni yɔɔ wiemɔ lɛ he miishɛɛ ni miisumɔ ni ekane nii yɛ wiemɔ kroko mli lɛ miigba sane. Shiɛlɔ lɛ tsɔ emobail foŋ lɛ loo shiatsɛ lɛ kɔmpiuta nɔ egbele kɛtee Le Anɔkwale Lɛ dɛhiɛmɔ wolo lɛ loo Biblia lɛ Tsɔɔ wolo lɛ baafa ko yɛ shiatsɛ lɛ wiemɔ mli ni ekɛlɛ susu he. Ha toibolɔi lɛ atsɔɔ bɔ ni amɛkɛ jw.org lɛ etsu nii yɛ shiɛmɔ nitsumɔ lɛ mli amɛha.

Lala 101 kɛ Sɔlemɔ