Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ January mli lɛ nɔ

“Soro bɔ ni mɔ fɛɛ mɔ naa Nyɔŋmɔ ehaa. Mɛi komɛi kɛɛ eji hewalɛ ko ni anyɛŋ shishi anu. Mɛi komɛi hu kɛɛ eji Tsɛ ko ni yɔɔ suɔmɔ ni yɔɔ ŋwɛi. Bo hu te osusuɔ tɛŋŋ?” Ŋmɛɛ gbɛ ni eha hetoo. Okɛ sane ni yɔɔ January 1 Buu-Mɔɔ lɛ sɛɛ lɛ atsɔɔ lɛ, ni okɛ lɛ asusu sane ni yɔɔ klɛŋklɛŋ sanebimɔ lɛ shishi lɛ he, ni nyɛkane kɛ́ hooo lɛ ŋmalɛi ni yɔɔ jɛmɛ lɛ ateŋ ekome. Okɛ woji tɛtrɛbii lɛ aha lɛ, koni okɛ lɛ ato gbɛjianɔ ni okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ January 1

“Wɔkɛ be kukuoo ko miisara mɛi ni wɔkɛ amɛ asusu sane ko ni kɔɔ wɔ fɛɛ wɔhe lɛ he, no ji suɔlɔ ko gbele. Ani okɛ mi kpaaa gbee akɛ kɛ́ naanyo loo wekunyo ko gbo lɛ eyɛ dɔlɛ waa? [Ŋmɛɛ gbɛ ni eha hetoo.] Ŋmalɛ nɛɛ eshɛje mɛi babaoo amii. [Kanemɔ Yesaia 25:8.] Wolo tɛtrɛɛ nɛɛ wieɔ Biblia mli shiwoo ko ni woɔ mɔ hewalɛ waa lɛ he; shiwoo lɛ ji akɛ, gbele sɛɛ baafo ni wɔsuɔlɔi ni egboi lɛ baaba wala mli ekoŋŋ.”

Awake! January

“Ani okɛ mi kpaaa gbee akɛ ŋmɛnɛ lɛ wekui kɛ naagbai babaoo miikpe? [Ŋmɛɛ gbɛ ni eha hetoo.] Biblia mli abɛ nɛɛ tsɔɔ wɔ nɔ ni esa akɛ wekui aná bɔni afee ni amɛnyɛ amɛkpee naagbai lɛ anaa. [Kanemɔ Abɛi 24:3.] Mɛi babaoo ena akɛ Biblia lɛ ji nilee jɛɛhe ni abaanyɛ akɛhe afɔ̃ nɔ. Wolo tɛtrɛɛ nɛɛ wieɔ Wɛb-saiti ko ni kɛ ŋaawoo ni damɔ Biblia lɛ nɔ haa lɛ he. Akɛ saji babaoo ni baanyɛ aye abua wekui ewo Wɛb-saiti nɛɛ nɔ, ni obaanyɛ oŋɔ eko yaka.”