Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ January mli lɛ nɔ

“Wɔbaasumɔ ni wɔbi osusumɔ yɛ sane ko he. Mɛni obaakɛɛ eji Nyɔŋmɔ gbɛ́i diɛŋtsɛ? [Ŋmɛɛ gbɛ ni eha hetoo.] Kadimɔ nɔ ni aŋma yɛ biɛ lɛ.” Okɛ January 1 Buu-Mɔɔ lɛ aha shiatsɛ lɛ, ni okɛ sane ni yɔɔ esɛɛgbɛ lɛ atsɔɔ lɛ, koni okɛ lɛ asusu sane ni yɔɔ klɛŋklɛŋ yitso bibioo lɛ shishi lɛ he, ni kɛ́ hooo lɛ okɛ lɛ akane ŋmalɛi lɛ ateŋ ekome. Okɛ woji tɛtrɛbii lɛ aha lɛ, koni okɛ lɛ ato be ni obaaku osɛɛ okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ January 1

“Mɛi babaoo miiwie je lɛ naagbee lɛ he. Ani osusuɔ akɛ je lɛ naagbee lɛ ji nɔ ko ni esa akɛ wɔshe he gbeyei? [Ŋmɛɛ gbɛ ni eha hetoo.] Yɛ nɔ ni aŋma yɛ biɛ lɛ naa lɛ, mɛi komɛi ayi baaná wala. [Kanemɔ 1 Yohane 2:17.] Wolo tɛtrɛɛ nɛɛ kɛ Biblia mli hetoi haa sanebimɔi ejwɛ ni mɛi babaoo fɔɔ bimɔ yɛ je lɛ naagbee lɛ he lɛ.”

Awake! January

“Wɔmiisara wekui koni wɔkɛ amɛ agba saji komɛi ni he hiaa waa. Ani osusuɔ akɛ ehe miihia ni wekui kɛ Yesu wiemɔi nɛɛ atsu nii? [Kanemɔ Bɔfoi lɛ Asaji 20:35b. No sɛɛ lɛ, ŋmɛɛ gbɛ ni eha hetoo.] Ní aaatsɔse gbekɛbii ni amɛkafó amɛ pɛ amɛnɔ mli yɛ jeŋ ko ni etamɔ nɔ ni mɛi babaoo foɔ amɛ pɛ amɛnɔ mli lɛ baanyɛ afee nɔ ni wa waa. Sane nɛɛ tsɔɔ fɔlɔi gbɛi komɛi ni amɛaatsɔ nɔ amɛtsɔse amɛbii lɛ koni amɛsusu mɛi krokomɛi ahe.”