Shiɛmɔ Wiemɔi

Kɛhã Biblia mli nikasemɔi ashishijee yɛ klɛŋklɛŋ Hɔɔ ni yɔɔ June mli lɛ nɔ

“Wɔkɛ be kukuoo ko miisara mɛi ni wɔkɛ amɛ asusu sane ni yɔɔ miishɛɛ nɛɛ he.” [Okɛ klɛŋklɛŋ sanebimɔ ni yɔɔ June 1 Buu-Mɔɔ lɛ sɛɛ lɛ atsɔɔ lɛ.] Te osusuɔ tɛŋŋ? Ŋmɛɛ gbɛ ni ehã hetoo. Okɛ lɛ asusu sane ni yɔɔ klɛŋklɛŋ sanebimɔ lɛ shishi lɛ, kɛ kɛ́ hooo kwraa lɛ ŋmalɛi ni yɔɔ jɛmɛ lɛ ateŋ ekome he. Okɛ woji tɛtrɛbii lɛ ahã lɛ koni okɛ lɛ ato gbɛjianɔ ni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ June 1

“Tawa shɛremɔ gbeɔ mɛi aaashɛ 6,000,000 daa afi. Te osusuɔ tɛŋŋ, ani nɔ ko yɛ ni abaanyɛ afee kɛgbɔ mɛi abɔ ni shɛreɔ tawa lɛ nɔ? [Ŋmɛɛ gbɛ ni ehã hetoo.] Aye abua mɛi babaoo ni amɛkpa loo amɛkpoo tawa shɛremɔ kwraa kɛtsɔ Nyɔŋmɔ susumɔ ni ahã amɛna yɛ sane lɛ he lɛ hewɔ. Akɛ nɔkwɛmɔnɔ lɛ, Ŋmalɛ nɛɛ eye ebua mɛi babaoo ni amɛsusu bɔ ni tawa shɛremɔ yeɔ mɛi krokomɛi awui lɛ he. [Kanemɔ 1 Korintobii 10:24.] Wolo tɛtrɛɛ nɛɛ tsɔɔ bɔ ni kɛ́ mɔ susu bɔ ni Nyɔŋmɔ naa tawa shɛremɔ ehãa lɛ he lɛ, ebaanyɛ ekanya lɛ ni ekpa shɛremɔ.”

Awake! June

“Social network lɛ ehã mɛi ená nanemɛi babaoo fe bei fɛɛ ni eho. Mɛɛ su ni he hiaa fe fɛɛ kɛ́ mɔ ko hiɛ lɛ, abaanyɛ akɛɛ akɛ eji naanyo kpakpa? [Ŋmɛɛ gbɛ ni ehã hetoo.] Naa ŋaawoo kpakpa ko he nɔkwɛmɔnɔ ni Biblia lɛ kɛhãa yɛ naanyobɔɔ he. [Kanemɔ Yakobo 1:19.] Wolo tɛtrɛɛ nɛɛ etsɔɔ gbɛi ejwɛ komɛi ni baanyɛ aye abua wɔ ni wɔfee mɛi ni mɛi baasumɔ akɛ amɛkɛbɔ naanyo.”