Jɔɔmɔi Ni Mɛi Ni Yeɔ Amɛbuaa Mɛi Ni Ehia Amɛ Lɛ Náa

Ewa kɛhã mɛi pii yɛ je lɛ mli akɛ amɛbaaná niyenii kɛ wɔɔhe. Yɛ mɛi komɛi agbɛfaŋ lɛ, nɔ ni he hiaa amɛ kɛkɛ ji, ni amɛbaaná nɔmimaa akɛ nibii baahi wɔsɛɛ. Mɛɛ gbɛ nɔ yelikɛbuamɔ ni wɔkɛbaahã mɛi nɛɛ baahã wɔhiɛ aba nyam yɛ Nyɔŋmɔ hiɛ ni ejɔɔ wɔ?

NƆ NI ŊMALƐ KRƆŊKRƆŊ LƐ KƐƆ

“Mɔ ni naa mɔ ni bɛ yelikɛbualɔ mɔbɔ lɛ, ekɛmiifa Yehowa, ni Nyɔŋmɔ baato lɛ najiaŋ yɛ nɔ ni efeɔ lɛ hewɔ.”—ABƐI 19:17.

NƆ NI TSƆƆ AKƐ WƆMIIYE WƆMIIBUA MƆ KO NI EHIA LƐ

Yesu gba abɛbua ko ni kɔɔ nuu ko ni julɔi yi lɛ ní amɛshi lɛ ni egbo fã kɛ fã lɛ he. (Luka 10:29-37) Mɔkpɔŋ ko banina nuu ni epila waa nɛɛ, ni eye ebua lɛ. Eye ebua nuu ni epila lɛ, tsɛbelɛ esoro maŋ nɔ ni ejɛ.

Jeee akɛ nuu ni mli hi nɛɛ fimɔ nuu lɛ pilamɔi lɛ anɔ ni ehã lɛ nibii ni he hiaa lɛ lɛ kɛkɛ, moŋ lɛ eshɛje emii, ni ejie lɛ kɛje ehaomɔ lɛ mli hu.

Mɛni wɔkaseɔ yɛ abɛbua nɛɛ mli? Yesu miitsɔɔ akɛ, wɔtsɔ gbɛ fɛɛ gbɛ ni wɔbaanyɛ nɔ wɔye wɔbua mɛi ni ehia amɛ lɛ. (Abɛi 14:31) Ŋmalɛ Krɔŋkrɔŋ lɛ tsɔɔ akɛ, etsɛŋ Nyɔŋmɔ baafo ohia kɛ nɔnaa sɛɛ. Shi ekolɛ wɔbaabi akɛ, mɛɛ gbɛ nɔ Nyɔŋmɔ baatsɔ efee enɛ, ni mɛɛ be ebaafee nakai? Sane ni nyiɛ sɛɛ lɛ baawie jɔɔmɔi ni o-Bɔlɔ ni yɔɔ suɔmɔ lɛ esaa eto bo lɛ ahe.