Saji Ni Atsɛ Yisɛɛ Yɛ Wɔshiɛmɔ Kɛ Wɔshihilɛ Kpee Nifeemɔ Wolo Lɛ Mli

NOVEMBER 4-10

NYƆŊMƆ WIEMƆ LƐ MLI JWETRII | 1 YOHANE 1-5

Pɛimɔ Ŋmalɛi Lɛ Amli Jogbaŋŋ

it-1 862 kk. 5

Eshaifaa

Ejeee tɔmɔ akɛ wɔbaasɔle wɔhã Nyɔŋmɔ ni ekɛ mɛi krokomɛi loo asafo muu fɛɛ po ahe eshai ake amɛ. Mose fee nakai yɛ Israel maŋ lɛ gbɛfaŋ; ejaje esha ni maŋ lɛ efee lɛ etsɔɔ, ni ebi ni akɛke amɛ, ni Yehowa bo esɔlemɔ lɛ toi. (4Mo 14:19, 20) Kɛfata he lɛ, be ni ajɔɔ sɔlemɔ shĩa lɛ nɔ lɛ, Solomon sɔle koni Yehowa kɛ emaŋbii lɛ ahe ake amɛ kɛ́ amɛfee esha, ni amɛtsi amɛhe kɛje amɛgbɛ fɔŋ lɛ nɔ lɛ. (1Ma 8:30, 33-40, 46-52) Ezra damɔ Yudafoi ni eku amɛsɛɛ lɛ anajiaŋ ejaje amɛhe eshai lɛ yɛ faŋŋ. Etsuiŋ ni ejɛ esɔle kɛ wiemɔ ni ewie etsɔɔ maŋbii lɛ hã amɛfee nibii ni baahã Yehowa kɛ amɛhe ake amɛ. (Ezr 9:13–10:4, 10-19, 44) Yakobo wo mɔ ni bɛ hewalɛ, loo efite ekɛ Yehowa teŋ lɛ hewalɛ koni etsɛ asafoŋ onukpai lɛ ni amɛsɔle amɛhã lɛ, ni “kɛ́ efee eshai lɛ, akɛbaake lɛ.” (Yak 5:14-16) Shi, “esha ni kɛ mɔ yaa gbele mli yɛ,” ni no ji esha ni afeɔ ashiɔ mumɔ krɔŋkrɔŋ lɛ, esha ni mɔ hiɛ kãa he efeɔ. Ni esha ni tamɔ nakai lɛ, akɛkeee. Esaaa akɛ Kristofoi sɔleɔ amɛhãa mɛi ni feɔ esha yɛ nɛkɛ gbɛ nɔ lɛ.​—1Yo 5:16; Mat 12:31; Heb 10:26, 27.

NOVEMBER 11-17

NYƆŊMƆ WIEMƆ LƐ MLI JWETRII | 2 YOHANE 1-13; 3 YOHANE 1-14–YUDA 1-25

Pɛimɔ Ŋmalɛi Lɛ Amli Jogbaŋŋ

it-2 279

Suɔmɔ Okpɔlɔŋmɛi

Biblia lɛ etsɔɔɔ bɔ ni aŋmɛɔ suɔmɔ okpɔlɔ nɛɛ ahãa, ni etsɔɔɔ shii abɔ hu ni aŋmɛɔ. (Yuda 12) Nuŋtsɔ Yesu Kristo loo ebɔfoi lɛ fãaa ni aŋmɛ okpɔlɔ nɛɛ, ni etamɔ nɔ ni akɛfiii Kristofoi anɔ. Mɛi komɛi kɛɛ bei komɛi lɛ, Kristofoi ni ji niiatsɛmɛi lɛ ŋmɛɔ okpɔlɔ, ni amɛfɔ̃ɔ Kristofoi ohiafoi lɛ nine ni amɛba. Awusai, yei okulafoi, niiatsɛmɛi, kɛ mɛi ni bɛ nɔ ko tsɔ lɛ, feɔ ekome kɛyeɔ nii akɛ nyɛmimɛi.

it-2 816

Tɛsaa

Ekã shi faŋŋ akɛ, Greek wiemɔ kroko ni ji, spi·lasʹ lɛ kɔɔ tɛsaa ni etee yɛ nu shishi lɛ he. Yuda kɛtsu nii kɛfee hii komɛi ni ehiɛɛɛ jwɛŋmɔ kpakpa, ni ju shi kɛbabote Kristofoi asafo lɛ mli lɛ ahe mfoniri. Akɛni tesai ni etee yɛ nu shishi lɛ baanyɛ ahã meelei ayasha shi hewɔ lɛ, nakai nɔŋŋ hii nɛɛ baanyɛ aye mɛi awui yɛ asafo lɛ mli. Ewie hii nɛɛ ahe akɛ: “Mɛnɛɛmɛi kɛ nyɛ yeɔ nii yɛ nyɛsuɔmɔ okpɔlɔŋmɛi lɛ ashishi, shi amɛji tɛsai ni etee yɛ nu shishi.”​—Yuda 12.