Wɔbaafã Ta Krɛdɛɛ Ko Yɛ November Mli Kɛtswa Nyɔŋmɔ Maŋtsɛyeli Lɛ He Adafi

Yesu shiɛ “Nyɔŋmɔ Maŋtsɛyeli lɛ he sane kpakpa lɛ.” (Luk 4:43) Etsɔɔ mɛi ni amɛsɔle ni Maŋtsɛyeli lɛ aba hu. (Mat 6:9, 10) Wɔbaafã ta krɛdɛɛ ko yɛ November mli kɛtswa Nyɔŋmɔ Maŋtsɛyeli lɛ he adafi. (Mat 24:14) Too obe he gbɛjianɔ koni onyɛ okɛ ohe awo tafãa nɛɛ mli kɛmɔ shi. Mɛi fɛɛ ni baasɔmɔ akɛ gbɛgbalɔi awalɔi yɛ nyɔɔŋ nɛɛ mli lɛ baanyɛ ahã ŋmɛlɛtswai 30 loo 50.

Okɛ mɛi babaoo asusu ŋmalɛ ko ni kɔɔ Nyɔŋmɔ Maŋtsɛyeli lɛ he lɛ he yɛ oshikpɔŋkuku lɛ mli, bɔ ni ooonyɛ. Hã jamɔ mli ni otoibolɔi lɛ yɔɔ lɛ ahi ojwɛŋmɔ mli be ni ohalaa ŋmalɛ lɛ. Kɛ́ mɔ ko nya wiemɔ lɛ he yɛ klɛŋklɛŋ sanegbaa lɛ mli lɛ, hã lɛ Buu-Mɔɔ, No. 2 2020, ni ji maŋbii anɔ lɛ eko. No sɛɛ lɛ, kaahã osɛɛ miitsɛ ni ofee sɛɛkuukɛsaramɔ, ni obɔ mɔdɛŋ okɛ wɔ-Nitsɔɔmɔ Dɛŋdadei Titrii lɛ eko atsu nii kɛje Biblia mli nikasemɔ shishi. Be ni eshwɛ ni Nyɔŋmɔ Maŋtsɛyeli lɛ baakpãtã nɔyelii fɛɛ ni teɔ shi woɔ lɛ lɛ ahiɛ lɛ faaa kwraa. (Dan 2:44; 1Ko 15:24, 25) No hewɔ lɛ, nyɛhãa wɔmɔa hegbɛ krɛdɛɛ nɛɛ mli waa, ni wɔkɛtsɔ̃a akɛ wɔfiɔ Yehowa kɛ e-Maŋtsɛyeli lɛ sɛɛ!