Wɔbaafã Ta Krɛdɛɛ Ko Kɛtswa Nyɔŋmɔ Maŋtsɛyeli Lɛ He Adafi Yɛ September Mli!

Wɔbaafã ta krɛdɛɛ ko yɛ September mli kɛtswa Nyɔŋmɔ Maŋtsɛyeli lɛ he adafi akɛ no pɛ ji nɔyeli ni baanyɛ atsu adesai anaagbai lɛ ahe nii. (Mat 24:14) Mɛɛ gbɛ nɔ obaanyɛ okɛ ohe awo tafãa lɛ mli? Okɛ mɛi babaoo asusu ŋmalɛ ko ni kɔɔ Nyɔŋmɔ Maŋtsɛyeli lɛ he lɛ he yɛ nyɔɔŋ nɛɛ mli, bɔ ni ooonyɛ. Kɛ́ mɔ ko nya wiemɔ lɛ he lɛ, hã lɛ Buu-Mɔɔ, No. 2 2020, ni ji maŋbii anɔ lɛ eko. No sɛɛ lɛ, kaahã osɛɛ miitsɛ ni ofee sɛɛkuukɛsaramɔ, ni obɔ mɔdɛŋ okɛ Oyi Aná Wala Kɛya Naanɔ! broshuɔ lɛ atsu nii kɛje Biblia mli nikasemɔ shishi. Mɛi fɛɛ ni baasɔmɔ akɛ gbɛgbalɔi awalɔi yɛ nyɔɔŋ nɛɛ mli lɛ baanyɛ ahã ŋmɛlɛtswai 15 loo 30.

Etsɛŋ Nyɔŋmɔ Maŋtsɛyeli lɛ baakpãtã nɔyelii fɛɛ ni teɔ shi woɔ lɛ lɛ ahiɛ kwraa. (Dan 2:44; 1Ko 15:24, 25) No hewɔ lɛ, nyɛhãa wɔmɔa hegbɛ krɛdɛɛ nɛɛ mli waa, ni wɔkɛtsɔa akɛ wɔfiɔ Yehowa kɛ e-Maŋtsɛyeli lɛ sɛɛ!