SEPTEMBER 22-28

JAJELƆ 1-2

Lala 103 Kɛ Sɔlemɔ | Hiɛkpamɔ (Min. 1)

NYƆŊMƆ WIEMƆ LƐ MLI JWETRII

1. Nyɛyaa Nɔ Nyɛtsɔsea Yinɔ Ni Nyiɛ Sɛɛ Lɛ

(Min. 10)

[Jiemɔ VIDIO ni ji, Jajelɔi Awolo Lɛ Hiɛkpamɔ lɛ.]

Esa akɛ yinɔ fɛɛ yinɔ atsɔse yinɔ ni nyiɛ sɛɛ lɛ (Jaj 1:4; w17.01 27-28 kk. 3-4)

Kɛ́ wɔtsɔse mɛi ni wɔkɛ nitsumɔ wo amɛdɛŋ yɛ Yehowa sɔɔmɔ lɛ mli lɛ, no waa amɛ ni amɛnáa miishɛɛ ni anáa kɛ atsu nii waa ahã Yehowa lɛ eko (Jaj 2:24)

Nyɛmi nuu asafoŋ onukpa ko ni edako tsɔ miikwɛ “Buu-Mɔɔ” Nikasemɔ lɛ nɔ, ni nyɛmi nuu onukpa ko ni miikane mli lɛ miikwɛ lɛ ni ená miishɛɛ. — Kaahã bɔ ni onyaa onitsumɔ he waa lɛ tsĩ onaa ni okatsɔse mɛi krokomɛi koni akɛ nitsumɔi awo amɛdɛŋ

2. Pɛimɔ Ŋmalɛi Lɛ Amli Jogbaŋŋ

(Min. 10)

Jaj 2:11—Mɛni Solomon kase yɛ nii ni atsuɔ waa kɛnáa nii babaoo lɛ he? (w18.12 22 kk. 14)

Your answer
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

Your answer

3. Biblia Kanemɔ

(Min. 4) Jaj 1:1-18 (th nikasemɔ 11)

KASEMƆ BƆ NI ASHIƐƆ JOGBAŊŊ

4. Kɛ́ Oyaaje Sanegbaa Shishi

(Min. 2) ODASE NI AYEƆ BE NI ANYIƐƐƐ SHIƐMƆ NƆ. Kwɛmɔ akɛ mɛɛ sane mɔ lɛ nyaa he. Okɛ lɛ ato be ni nyɛtsa sane ni nyɛgba lɛ nɔ. (lmd nikasemɔ 3 oti 5)

5. Kɛ́ Oyaaje Sanegbaa Shishi

(Min. 2) MAŊ ODASEYELI. Okɛ mɔ lɛ agba “Saji Ni Wɔbaanyɛ Wɔtsɔɔ Mɛi Kɛjɛ Biblia Lɛ Mli” lɛ ateŋ ekome he sane. Atsɔɔ gbɛ ni wɔbaanyɛ wɔtsɔ nɔ wɔkɛ mɛi agba saji nɛɛ yɛ Suɔmɔ Mɛi broshuɔ lɛ fã ni ji saji krokomɛi A lɛ klɛŋklɛŋ kuku lɛ mli. (lmd nikasemɔ 2 oti 3)

6. Kɛ́ Oyaatsa Nɔ

(Min. 2) ODASE NI AYEƆ BE NI ANYIƐƐƐ SHIƐMƆ NƆ. Nyɛsɛɛ be ni nyɛgba sane lɛ, mɔ lɛ bi bo sane ko; hã lɛ hetoo. (lmd nikasemɔ 9 oti 5)

7. Kɛ́ Oofee Mɛi Kaselɔi

(Min. 5) MAŊ ODASEYELI. Okɛ lɛ akase wolo ni wɔkɛfeɔ Biblia mli nikasemɔ lɛ fã ko, koni ena bɔ ni wɔkɛ mɛi kaseɔ Biblia lɛ wɔhãa, ni no sɛɛ lɛ, okɛ lɛ ato be ni nyɛtsa nyɛnikasemɔ lɛ nɔ. (lmd nikasemɔ 10 oti 3)

HII SHI AKƐ KRISTOFONYO

Lala 84

8. Nibii Etɛ Ni He Hiaa Ni Obaanyɛ Okase Yɛ Bɔ ni Atsɔseɔ Mɔ Ahãa He

(Min. 15) Sanegbaa.

Mfonirii ni ato naa: Nyɛmimɛi hii miitsɔse mɛi yɛ shihilɛi srɔtoi amli. 1. Aama asafo tsũ ko, ni nyɛmi nuu ko miitsɔɔ nyɛmi yoo ko bɔ ni akɛ ilɛtrik saalai ko tsuɔ nii ahãa. 2. Nyɛmi nuu oblanyo ko miihã wiemɔ ko ni ebaahã lɛ eetsɔɔ nyɛmi nuu onukpa ko yɛ Maŋtsɛyeli Asa ko ni mɛi bɛ mli lɛ nɔ. Nyɛmi nuu onukpa lɛ hiɛ broshuɔ ni ji, “Okɛ Ojwɛŋmɔ Ama Nikanemɔ Kɛ Nitsɔɔmɔ Nɔ” lɛ. 3. Nyɛmi nuu ko miitsɔɔ oblanyo ko bɔ ni atsakeɔ maikrofoŋ mli batri. 4. Papa ko kɛ ebihii enyɔ miisaa Maŋtsɛyeli Asa lɛ nɔ. Papa lɛ kɛ ebinuu onukpa lɛ kɛ vacuum tsɔne ko miibɛɛ, ni ebinuu fioo lɛ miitsumɔ wiemɔ okpɔ̃lɔ̃ lɛ he. — Suɔmɔ tsirɛɔ wɔ ni wɔtsɔse mɛi koni amɛbafata wɔhe kɛtsu nitsumɔ ni Yehowa kɛwo wɔdɛŋ lɛ

Bɔ ni atsɔseɔ mɛi ahãa lɛ he nɔkwɛmɔnii kpakpai babaoo yɛ Biblia lɛ mli. Wɔbaanyɛ wɔkase nii babaoo yɛ bɔ ni Samuel tsɔse Saul, bɔ ni Elia tsɔse Elisha, bɔ ni Yesu tsɔse ekaselɔi lɛ, kɛ bɔ ni Paulo hu tsɔse Timoteo lɛ mli. Ŋwanejee ko bɛ he akɛ, Yehowa ji tsɔselɔ ni fe fɛɛ. Mɛni wɔbaanyɛ wɔkase yɛ bɔ ni etsɔseɔ mɛi ehãa lɛ mli?

Jiemɔ VIDIO nɛɛ: Kasemɔ Bɔ Ni Yehowa Tsɔseɔ Mɛi Ehãa Lɛ (Yoh 5:20)—Vidio Lɛ Fã Ko. No sɛɛ lɛ bi toibolɔi lɛ akɛ:

Mɛni ji nibii etɛ ni wɔbaanyɛ wɔkase yɛ Yehowa dɛŋ yɛ bɔ ni atsɔseɔ mɛi ahãa lɛ he?

Your answer

9. Asafoŋ Biblia Nikasemɔ

(Min. 30) lfb nikasemɔ 20-21