SEPTEMBER 29–OCTOBER 5

JAJELƆ 3-4

Lala 93 Kɛ Sɔlemɔ | Hiɛkpamɔ (Min. 1)

NYƆŊMƆ WIEMƆ LƐ MLI JWETRII

Nuu ko kɛ eŋa efee ekome kɛmiikane Biblia lɛ kɛ miishɛɛ. — Nyɛnáa be nyɛhãa nyɛhe kɛ Yehowa

1. Hã Nyɛkpãi Etɛ Ni Alo Kɛfee Kpãa Kome Lɛ Mli Awa

(Min. 10)

Nyɛtoa be kɛgbaa saji ni he hiaa kɛ saji ni woɔ mɔ hewalɛ (Jaj 3:1; ijwhf sane ni ji 10 kk. 2-8)

Nyɛfea ekome kɛfea nibii komɛi (Jaj 4:9; w23.05 23-24 kk. 12-14)

Kwɛmɔ ni naanyobɔɔ ni yɔɔ nyɛ kɛ Yehowa teŋ lɛ mli awa (Jaj 4:12; w23.05 21 kk. 3)

BI OHE AKƐ, ‘Kɛ́ mikome miyeɔ bei pii yɛ he ko ni mihefatalɔ fataaa mihe, mikome miyajɔɔ mihe yɛ he ko ni mihefatalɔ lɛ fataaa mihe loo minitsumɔ lɛ hewɔ lɛ be fɛɛ be nɛɛ miifã gbɛ lɛ, te ebaaná migbãla lɛ nɔ hewalɛ ehã tɛŋŋ?’

2. Pɛimɔ Ŋmalɛi Lɛ Amli Jogbaŋŋ

(Min. 10)

Jaj 3:8—Mɛɛ be jeee “suɔmɔ be”? (it “Suɔmɔ” kk. 39)

Your answer
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

Your answer

3. Biblia Kanemɔ

(Min. 4) Jaj 4:1-16 (th nikasemɔ 2)

KASEMƆ BƆ NI ASHIƐƆ JOGBAŊŊ

4. Kɛ́ Oyaaje Sanegbaa Shishi

(Min. 3) SHĨA FƐƐ SHĨA. Okɛ Buu-Mɔɔ, No. 1 2025 lɛ atsu nii kɛje sanegbaa shishi. Kɛ́ mɔ lɛ tsɔɔ akɛ enyaa sane kroko he lɛ, tsakemɔ sane ni okɛ lɛ gbãa lɛ. (lmd nikasemɔ 2 oti 5)

5. Kɛ́ Oyaatsa Nɔ

(Min. 4) ODASE NI AYEƆ BE NI ANYIƐƐƐ SHIƐMƆ NƆ. Bi mɔ ko ni ohã lɛ Buu-Mɔɔ, No. 1 2025 lɛ eko lɛ kɛji ebaasumɔ ni okɛ lɛ akase Biblia lɛ. (lmd nikasemɔ 9 oti 4)

6. Wiemɔ

(Min. 5) lmd saji krokomɛi A oti 12—Saneyitso: Nyɔŋmɔ Kwɛɛɛ Mɛi Ahiɛiaŋ; Ejieee Nii Amli. (th nikasemɔ 19)

HII SHI AKƐ KRISTOFONYO

Lala 131

7. Kɛ́ Naagba Ba Okɛ Ohefatalɔ Teŋ Lɛ, Nyɛhãa Yehowa Ayea Abuaa Nyɛ

(Min. 15) Sanegbaa.

Yehowa ehã Kristofoi fɛɛ ni ebote gbãla mli lɛ nibii fɛɛ ni he baahia amɛ koni amɛgbãla lɛ asɔ ni amɛná miishɛɛ. Fɛɛ sɛɛ lɛ, bei komɛi lɛ amɛkɛ naagbai baakpe. (1Ko 7:28) Kɛ́ amɛtsuuu naagbai nɛɛ ahe nii lɛ, fiofio lɛ amɛmiishɛɛ baatã kwraa ni amɛbaasusu akɛ amɛgbãla lɛ efite bɔ ni anyɛŋ he nɔ ko afee. Shi kɛ́ okɛ naagbai nɛɛ ekomɛi miikpe yɛ ogbãla lɛ mli hu?

Vidio ni ji Mɛni Ji Anɔkwa Suɔmɔ? lɛ kɔɔ oblanyo kɛ oblayoo ko ni kɛ naagbai ni yɔɔ hiɛdɔɔ miikpe yɛ amɛgbãla lɛ mli lɛ he. Ani okaiɔ ŋaa ni papa lɛ wo ebiyoo lɛ be ni ebiyoo lɛ yaakpɛ yiŋ ko ni ebiii ni Yehowa aye abua lɛ lɛ?

Jiemɔ VIDIO nɛɛ: Mɛni Ji Anɔkwa Suɔmɔ?—Vidio Lɛ Fã Ko. No sɛɛ lɛ bi toibolɔi lɛ akɛ:

Kɛ́ wɔkɛ naagbai miikpe yɛ wɔgbãla lɛ mli lɛ, mɛni hewɔ esa akɛ wɔhã Yehowa atsɔɔ wɔ gbɛ lɛ?—Yes 48:17; Mat 19:6

Your answer

Kɛ́ okɛ naagbai ni yɔɔ hiɛdɔɔ miikpe yɛ ogbãla lɛ mli lɛ, yaa nɔ ofee nibii ni ofeɔ kɛjáa Yehowa lɛ koni okɛ lɛ teŋ ahi jogbaŋŋ. Nyɛbɔa mɔdɛŋ waa ni nyɛkɛ Biblia mli ŋaawoi atsu nii kɛtsu nyɛnaagbai lɛ ahe nii, ni nyɛtaoa nii amli yɛ asafo lɛ woji kɛ vidioi lɛ amli koni no ahã nyɛna bɔ ni Yehowa naa nyɛshihilɛ lɛ ehãa, kɛ nɔ ni eesumɔ ni nyɛfee. Kɛ́ ofee nakai lɛ, no tsɔɔ akɛ, oosumɔ ni Yehowa awa bo ni ejɔɔ bo.—Abɛ 10:22; Yes 41:10.

Vidio ni ji, “Kaahã Je Lɛ Laka Bo Akɛ Ebaahã Oná Toiŋjɔlɛ!—Darrel Kɛ Deborah Freisinger” lɛ mli mfoniri ko. Ahã nyɛmi yoo ko efee ehe tamɔ Nyɛmiyoo Freisinger beni eji oblayoo lɛ, ni eekwɛ mfoniri ko.

Jiemɔ VIDIO nɛɛ: Kaahã Je Lɛ Laka Bo Akɛ Ebaahã Oná Toiŋjɔlɛ!—Darrel Kɛ Deborah Freisinger. No sɛɛ lɛ bi toibolɔi lɛ akɛ:

Mɛni wɔkaseɔ yɛ Nyɛminuu kɛ Nyɛmiyoo Freisinger sane lɛ mli yɛ bɔ ni atsuɔ gbalashihilɛ mli naagbai ni yɔɔ hiɛdɔɔ lɛ he nii ahãa lɛ he?

Your answer

8. Asafoŋ Biblia Nikasemɔ

(Min. 30) lfb nikasemɔ 22, fã 5 hiɛkpamɔ kɛ nikasemɔ 23