Mɛni Esa Akɛ Ofee?

50 Ani oosumɔ ni ohi shi kɛya naanɔ yɛ nakai paradeiso fɛfɛo lɛ mli?

Belɛ kasemɔ babaoo yɛ nɔ ni Nyɔŋmɔ kɛɔ lɛ he. Bɔɔ mɔdɛŋ ni okase Biblia lɛ kanemɔ.—Yohane 17:3; Kpojiemɔ 1:3

51 Kasemɔ Yesu he nii babaoo.—5 Mose 18:18, 19; Yohane 3:16; Bɔfoi lɛ Asaji 3:19-23

52 Bɔɔ mɔdɛŋ ni ofee nibii ni hĩ pɛ ni obo Yehowa toi.—Romabii 6:17, 18, 22

53 Kaimɔ akɛ Yehowa kɛɛ esaaa akɛ wɔgbeɔ gbɔmɛi.—2 Mose 20:13; 1 Yohane 3:11, 12

54 Esaaa akɛ wɔkɔlɔɔ mɛi krokomɛi anibii.—2 Mose 20:15; Efesobii 4:28

55 Esaaa akɛ nuu kɛ yoo hiɔ shi aloo amɛwɔɔ yɛ he kome ja eji lɛ diɛŋtsɛ eŋa.—2 Mose 20:14, 17; 1 Tesalonikabii 4:3

56 Ani okaiɔ ŋamɛi abɔ ni Nyɔŋmɔ ŋmɛɔ wu lɛ gbɛ ni ena? Be enyiɛ esa akɛ wu lɛ kɛ ŋa lɛ ahi shi?—1 Mose 2:22, 24; Mateo 19:5, 6; 1 Korintobii 7:2, 10, 11

57 Kaimɔ hu akɛ, esa akɛ wɔja Yehowa pɛ.—Mateo 4:10; 1 Korintobii 8:6

58 Amagai kɛ wɔji nyɛŋ aye abua wɔ. Mɛni hewɔ?—1 Korintobii 8:4

Ani ehi akɛ wɔɔfee amagai?—5 Mose 27:15; 1 Yohane 5:21

59 Mɛni hewɔ ehiii akɛ wɔɔye ŋkunyaa ni wɔkɛ wɔji atsu nii lɛ?—5 Mose 18:10-13; Kpojiemɔ 21:8

60 Ŋwɛibɔfoi fɔji loo daimonioi lɛ tse atua amɛshi Nyɔŋmɔ. Amɛtsɔɔ ashwaifeelɔi anɔ amɛlakaa mɛi.—Bɔfoi lɛ Asaji 16:16

61 Esa akɛ wɔsɔle wɔha Nyɔŋmɔ. Sɔlemɔ tsɔɔ wiemɔi ni okɛ Nyɔŋmɔ wieɔ, ni wɔɔkɛɛ lɛ akɛ wɔmiisumɔ ni wɔsɔmɔ lɛ ni wɔbi eyelikɛbuamɔ.—Filipibii 4:6, 7

62 Esa akɛ wɔbo Yesu toi ni wɔhe lɛ wɔye.—Hebribii 5:9; Yohane 3:16

63 Kaimɔ akɛ egbo ni ekɛhere wɔyiwala.—Romabii 5:8

64 Kaimɔ akɛ Yesu ji wɔ Maŋtsɛ ni anaaa lɛ lɛ. Esa akɛ wɔbo lɛ toi.—Filipibii 2:9-11; Kpojiemɔ 19:16

65 Yesu kɛɛ akɛ esa akɛ ogba nibii kpakpai ni okaseɔ lɛ he sane otsɔɔ mɛi krokomɛi ni esa akɛ abaptisi mɛi ni sumɔɔ akɛ amɛaasɔmɔ Nyɔŋmɔ lɛ.—Mateo 28:19, 20; Yohane 4:7-15

66 No hewɔ lɛ obaanyɛ ogba nibii kpakpai nɛɛ ahe sane otsɔɔ onanemɛi.—Mateo 10:32

67 Kɛji akɛ okase nikanemɔ jogbaŋŋ lɛ, obaanyɛ okase nibii pii ofata he, ni obaanyɛ oye obua mɛi krokomɛi jogbaŋŋ.—2 Timoteo 2:15

68 Yesu tsɔɔ gbekɛbii bibii anii hu ni amɛbo Nyɔŋmɔ toi. Enaa amɛhe deka ni ekɛ amɛ wieɔ yɛ be fɛɛ mli.—Mateo 19:13-15

69 Esa akɛ fɔlɔi atsɔɔ amɛbii ni amɛbo Nyɔŋmɔ toi ni amɛsumɔ lɛ yɛ be fɛɛ mli.—5 Mose 6:6, 7; Abɛi 6:20-22; Efesobii 6:4

70 Sɔlemɔi sɔrɔtoi babaoo yɛ. Amɛtsɔɔmɔi lɛ pii jɛɛɛ Biblia lɛ mli. Yehowa kɛɔ wɔ akɛ wɔshi jamɔi ni amɛtsɔɔɔ anɔkwale lɛ.—Kpojiemɔ 18:4; Yohane 4:23, 24

71 Yehowa yɛ gbɔmɛi yɛ shikpɔŋ nɔ ni baanyɛ atsɔɔ bo ehe nii babaoo. Ani ole mɛi ni amɛji?—Bɔfoi lɛ Asaji 15:14; Romabii 10:14, 15

72 Amɛji Yehowa Odasefoi. Toiŋjɔlɛ yɛ amɛteŋ. Ani ole nɔ̃ hewɔ? Ejaakɛ amɛsumɔɔ amɛhe.—Yesaia 43:10-12; Yohane 13:34, 35

73 Akɛni amɛsumɔɔ Yehowa hu hewɔ lɛ, abaptisi amɛ. Enɛ ji gbɛ ni amɛtsɔɔ nɔ amɛtsɔɔ yɛ faŋŋ mli akɛ amɛshi amɛshihilɛ gbɛ fɔŋ lɛ, ni amɛmiisumɔ ni amɛkɛ amɛshihilɛ be ni eshwɛ lɛ asɔmɔ Nyɔŋmɔ.—Bɔfoi lɛ Asaji 2:41

74 Yehowa Odasefoi yɛ hiɛnɔkamɔ akɛ amɛbaahi shi yɛ paradeiso hee ni yɔɔ fɛo lɛ mli.—Lala 37:9-11, 29

Mɛni obaanyɛ ofee koni bo hu okɛ amɛ ahi jɛmɛ?—Yakobo 1:22, 25; 2:20-26

75 Okɛ ohe abɔ amɛhe ni okase bɔ ni asɔmɔɔ Yehowa. Amɛsumɔɔ Yehowa kɛ Kristo Yesu ni amɛboɔ amɛ toi. Ani obaasumɔ ni oye obua mɛi krokomɛi ni amɛle Nyɔŋmɔ he sane?—Yohane 6:45-47

76 Yehowa kɛ Kristo Yesu sumɔɔ bo ni amɛmiisumɔ ni ohi shi kɛya naanɔ yɛ paradeiso.—Yohane 3:16

Eka shi faŋŋ akɛ nɔ ni okase yɛ mfonirii nɛɛ kɛ amaniɛbɔɔ ni yɔɔ wolo bibioo nɛɛ mli lɛ eha oná suɔmɔ akɛ ooshwe ni oná shihilɛ mli ŋɔɔmɔ kɛya naanɔ yɛ shikpɔŋ nɔ. Kɛji akɛ obaasumɔ ni okase babaoo yɛ enɛ he lɛ, belɛ wɔmiiwo bo hewalɛ ni okɛ Yehowa Odasefoi ni yɔɔ akutsoŋ ni oyɔɔ lɛ awie. Aloo, ekolɛ obaanyɛ oŋma wolo, aloo oha mɔ ko aŋma kɛya nine nitsumɔ he ni bɛŋkɛ he ni oyɔɔ lɛ, taakɛ atsɔɔ yɛ adrɛs srɔtoi ni yɔɔ wolo bibioo nɛɛ baafa enyɔ lɛ aha bo.