Yehowa, Toiŋjɔlɛ Nyɔŋmɔ Lɛ

1. Oo toiŋjɔlɛ Nyɔŋmɔ,

Osuɔmɔ lɛ bɛ naagbee.

Ha wɔ toiŋjɔlɛ kɛ miishɛɛ,

Ni wɔwo yibii kpakpai.

Ofainɛ wo wɔ ŋaa;

Okɛ Kristo lá he wɔ.

Ofainɛ ha wɔ toiŋjɔlɛ

Ni fe gbɔmɛi ajwɛŋmɔi.

2. Je nɛɛ bɛ toiŋjɔlɛ.

Piŋmɔ yibii amɛkpaa.

Mɛi ni hiɛ yɔɔ nyam yɛ ohiɛ,

Yɛ anɔkwa toiŋjɔlɛ.

Wɔyoɔ otsuinaa nii

Ni wɔyeɔ wɔshiwoo nɔ,

Jɔɔmɔ wɔmɔdɛŋbɔi anɔ

Ha wɔná toiŋjɔlɛ pii.

3. Omumɔ haa wɔnaa

O-Wiemɔ lɛŋ la jogbaŋŋ.

Otsɔɔ wɔ gbɛ yɛ jeŋ ni mli

Ewo duŋ diɛŋtsɛ nɛɛ mli.

Ha wɔ toiŋjɔlɛ pii,

Jɔɔmɔ wɔjwɛŋmɔi ahe,

Ha wɔtsuii kɛ wɔjwɛŋmɔi fɛɛ

Aŋmɛ dɛmm yɛ hejɔlɛŋ.