FÃ 9

Mɛɛ Be Paradeiso Baaba?

Naagbai ni yɔɔ shikpɔŋ lɛ nɔ lɛ tsɔɔ akɛ, etsɛŋ ni Nyɔŋmɔ Maŋtsɛyeli lɛ baatsu shihilɛ lɛ he nii. Luka 21:10, 11; 2 Timoteo 3:1-5

Nibii gbohii ni miiya nɔ yɛ naagbee gbii nɛɛ amli—aashwɛ asɔ, aawu ta, hela emɔ mɔ ko, hɔmɔ miiye mɔ ko, gbekɛbii miigbo amɛfɔlɔi anɔ toi, ni mɔ ko miiyi eŋa

Nibii pii yɛ ni miiya nɔ ŋmɛnɛ ni Biblia lɛ egba efɔ̃ shi. Biblia lɛ egba akɛ gbɔmɛi baatsɔmɔ shikasuɔlɔi, fɔlɔi anɔ toigbolɔi, mɛi ni hiɛ yɔɔ la, kɛ mɛi ni sumɔɔ shwɛmɔ-kɛ-ŋɔɔmɔ.

Shikpɔŋhosomɔi wuji, tai, hɔmɔ, kɛ tsɛŋemɔ helai baaba. Nibii nɛɛ miiya nɔ amrɔ nɛɛ.

Yehowa Odasefonyo ko miishiɛ Maŋtsɛyeli lɛ he sane kpakpa lɛ eehã nuu ko

Agbɛnɛ hu, Yesu kɛɛ akɛ, abaashiɛ Maŋtsɛyeli lɛ he sane kpakpa lɛ yɛ shikpɔŋ lɛ nɔ fɛɛ.—Mateo 24:14.

Maŋtsɛyeli lɛ baahã efɔŋfeemɔ fɛɛ sɛɛ afo. 2 Petro 3:13

Aakpãtã mɛi fɔji ahiɛ yɛ Harmagedon ta lɛ mli, ni aagbala Satan kɛ edaimonioi lɛ atoi

Etsɛŋ ni Yehowa baakpãtã mɛi fɔji lɛ fɛɛ ahiɛ.

Abaagbala Satan kɛ edaimonioi lɛ atoi.

Yesu ta emaŋtsɛ sɛi lɛ nɔ yɛ ŋwɛi ni mɛi ni jɛ maji srɔtoi anɔ ená miishɛɛ

Nyɔŋmɔ baahere mɛi ni boɔ lɛ toi lɛ ayiwala, ni amɛbaahi jeŋ hee ni mɛi fɔji bɛ mli lɛ mli. Mɔ ko mɔ ko sheŋ nɔ ko gbeyei dɔŋŋ, ejaakɛ mɔ fɛɛ mɔ baahe enyɛmi eye ni ebaasumɔ esane.