NIKASEMƆ 18

Hã Otoibolɔi Lɛ Akase Nɔ Ko Kɛjɛ Mli

1 Korintobii 9:19-23

NƆ NI ESA AKƐ OFEE: Wiemɔ nibii ni baahã otoibolɔi lɛ asusu nii ahe, ni amɛnu he akɛ amɛkase nɔ ko.

Susumɔ nɔ ni otoibolɔi lɛ le momo lɛ he. Kaakɛɛ amɛ nibii ni amɛle momo lɛ pɛ kɛkɛ; ye obua amɛ ni amɛkase nibii hei hu kɛjɛ sane lɛ mli.

Kaafite bei pii yɛ otii ni amɛle momo lɛ ahe, ni too otsui shi kɛ́ oowie otii hei ahe.
Taomɔ nii amli ni ojwɛŋ nii anɔ. Kɛ́ ebaahi lɛ, okɛ saji ni aleee tsɔ loo saji hei agbála otii lɛ amli. Jwɛŋmɔ osane lɛ nɔ jogbaŋŋ, ní okwɛ kɛji ekɔɔ nɔ ni oto akɛ obaawie he lɛ he.

Be ni osaa ohe lɛ, bi ohe saji tamɔ, ‘mɛni, mɛni hewɔ, mɛɛ be, nɛgbɛ, namɔ, kɛ mɛɛ gbɛ nɔ,’ ni ewa bo ni onyɛ ojwɛŋ nii anɔ. Kɛ́ obi saji nɛɛ ekomɛi yɛ onitsɔɔmɔ lɛ mli fɛɛ, ni ohã hetoo lɛ, ebaahã onitsɔɔmɔ lɛ afee nɔ ni yɔɔ miishɛɛ.
Hã ana sɛɛnamɔ ni yɔɔ osane lɛ he. Tsɔɔmɔ bɔ ni Biblia mli otii baanyɛ aye abua otoibolɔi lɛ yɛ amɛshihilɛ mli. Wiemɔ shihilɛi, sui, kɛ nifeemɔi ni amɛbaaná he sɛɛ lɛ ahe.