Sanebimɔi ni jɛ Kanelɔi adɛŋ

◼ Ani nikasemɔ ni kɔɔ Nyɔŋmɔ ni kpɛlɛɔ mɔ ko nɔ Iɛ he Iɛ tsɔɔ akɛ Kristofoi baanyɛ ni amɛkɛ mɔ ni be ko Iɛ abuɔ lɛ akɛ “hefatalɔ ni akpɛlɛ enɔ” shi yɛ sɛɛ mli Iɛ, yɛ nɔ fɔŋ feemɔ hewɔ Iɛ, esa akɛ akwa Iɛ Iɛ awie?

Hɛɛ, nakai ni. November 15, 1988 Watchtower lɛ tsɔɔ nɔ hewɔ ni eja yɛ Ŋmalɛ naa akɛ eeetsake jwɛŋmɔ ni wɔhiɛ yɛ mɔ ni abaptisiko lɛ ni kɛ ehe woɔ sɔɔmɔ nitsumɔ Iɛ mli tamɔ Yehowa Odasefoi lɛ he lɛ. Tsutsu lɛ, atsɛɔ nɛkɛ mɔ nɛɛ akɛ “hefatalɔ ni akpɛlɛ enɔ.” Kɛji akɛ yɛ no sɛɛ Iɛ eku Nyɔŋmɔ mlai amli ni etsakeee etsui lɛ, ahaa asafo lɛ leɔ, ni asafo lɛ mlibii lɛ kɛ gbɔmɔ ni tamɔ lɛ Iɛ ebɔŋ ni amɛkɛ lɛ ewieŋ.

Taakɛ nyɛsɛɛ nikasemɔ lɛ tsɔɔ lɛ, Biblia lɛ biɔ ni akɛ tsɔsemɔ ni tamɔ nɛkɛ aha mɛi ni abaptisi amɛ ni feɔ efɔŋ ni tsakeee amɛtsui lɛ. (1 Korintobii 5:​11-13; 2 Yohane 9-11) Ni kɛlɛ, sɔ ni ka mɔ ni abaptisiko lɛ ni diɔ efɔŋfeemɔ sɛɛ lɛ tamɔɔɔ mɔ ni abaptisi lɛ lɛ nɔ. (Luka 12:48) Abaptisiko lɛ, ni yɛ enɛ hewɔ lɛ ejeee mɔ ni Nyɔŋmɔ ekpɛlɛ enɔ, no hewɔ Iɛ shwiemɔ ni aaashwie lɛ lɛ esaaa yɛ nɛkɛ sane nɛɛ mli. Kɛ aaawie lɛ, etsɔ jeŋnyo ni abaanyɛ akɛ lɛ aye nakai.

Belɛ mɔ ni tsutsu Iɛ abuɔ lɛ akɛ “hefatalɔ ni akpɛlɛ enɔ” ni esaaa dɔŋŋ kɛhaaa maŋshiɛmɔ yɛ egbɛ fɔŋ Iɛ hewɔ lɛ hu? Akɛni eshwieee lɛ hewɔ lɛ, esa akɛ abu lɛ akɛ jeŋnyo taakɛ eji Iɛ.a Shi, November 15 Watchtower lɛ wo ŋaa yɛ baafa 19 akɛ esa akɛ anɔkwa Kristofoi Iɛ akwɛ jogbaŋŋ yɛ enɛ he. Mɛnɛɛmɛi yɔseɔ akɛ mɔ ni abaptisiko Iɛ nɛɛ kɛ ehe ewo nɔ fɔŋ feemɔ mli yɛ be mli ni eyɔɔ Nyɔŋmɔ taomɔ nii ahe nilee Iɛ fɛɛ sɛɛ. Esa akɛ Kristofoi ni amɛdara yɛ mumɔŋ Iɛ akwɛ jogbaŋŋ yɛ bɔ ni amɛkɛ mɔ ni tamɔ nɛkɛ aaabɔ lɛ he. Kɛ abi sane yɛ bɔ ni abaanyɛ akɛ Iɛ abɔ Iɛ he lɛ, abaanyɛ ana sanebimɔi nɛɛ babaoo naa kɛtsɔ ŋaawoo ni Nyɔŋmɔ gbeyeishemɔ yɔɔ mli lɛ sɛɛnyiɛmɔ mli. Wɔbaanyɛ wɔsusu ŋaawoo ni anaa yɛ 1 Korintobii 15:33 kɛ Abɛi 13:20 Iɛ he ni wɔbi wɔ diɛŋtsɛ wɔhe akɛ: ‘Mɛɛ bɔɔ manyɛ mikɛ mɔ ni yɔɔ je Iɛ mli ni enyiɛɛɛ Kristofoi ataomɔ nii asɛɛ Iɛ abo?’ Kɛji akɛ onukpai Iɛ na akɛ jeŋnyo ko ni tamɔ nɛkɛ etsɔ oshara kɛha asafo lɛ, amɛbaanyɛ ni amɛkɛ kɔkɔbɔɔ ŋaawoo aha mɛi ni yɔɔ asafo Iɛ mli ni tamɔ nɔ ni oshara miiba amɛhe lɛ.

Yɛ be ni sa mli lɛ, mɔ ni abaptisiko lɛ ni eji “hefatalɔ ni akpɛlɛ enɔ” Iɛ ni jieɔ tsuitsakemɔ kpo Iɛ-baasumɔ ni ena Biblia mli nikasemɔ ekoŋŋ. (Bɔfoi lɛ Asaji 26:20) Ebaanyɛ ni ekɛ onukpai ni yɔɔ asafo ni eyɔɔ mli bianɛ Iɛ awie, ni kɛ amɛna akɛ esa lɛ, amɛbaato gbɛjianɔ ni akɛ Iɛ akase Biblia Iɛ. Enɛ hu baakɔ mɔ ni esaaa dɔŋŋ akɛ shiɛlɔ ni abaptisiko Iɛ ni yɛ sɛɛ mli lɛ etsɔɔ tsuitsakemɔ yɛ wɔsɛɛ be mli Iɛ hu he. Nɔ ni esa akɛ efee ji akɛ ekɛ onukpai enyɔ ni tsu enɔfɔŋfeemɔ lɛ he nii lɛ awie aloo onukpai enyɔ ni onukpai akuu lɛ baahala amɛ ni amɛkwɛ esane Iɛ mli kɛ ebi nakai Iɛ.

Hewɔ lɛ, Watchtower lɛ tsɔɔ mli akɛ esoro enɛ yɛ fɔlɔi ni kwɛɔ amɛbii bibii anɔ yɛ shia Iɛ he​—bii ni amɛhe sɔ ka amɛnɔ akɛ amɛye amɛbua amɛ yɛ heloo gbɛfaŋ nibii amli lɛ. (Efesobii 6:​1-4) Ŋmalɛi lɛ kɛ gbɛnaa nii fɔɔ fɔlɔi anɔ akɛ amɛkɛ tsɔsemɔ kɛ gbɛtsɔɔmɔ aha amɛbii. No hewɔ lɛ fɔlɔi lɛ (aloo fɔlɔ ni heɔ yeɔ lɛ) baasumɔ ni ekɛ ebi bibioo ni tɔɔ Iɛ akase Biblia lɛ aloo eha efata weku Biblia mli nikasemɔ he gbɛjianɔtoo lɛ he.

Yɛ be mli ni nyɛsɛɛ Watchtower nɛɛ biɔ ni wɔfee tsakemɔi yɛ wɔsusumɔi amli kɛ gbɛ ni wɔtsɔɔ nɔ wɔkɛ amɛ yeɔ haa lɛ mli lɛ. aafee nakai koni ekɛ Ŋmalɛi lɛ ni he yɔɔ sɛɛnamɔ kɛha “mɔ saamɔ kɛ tsɔsemɔ ni yɔɔ jalɛ mli Iɛ” akpa gbee.​—2 Timoteo 3:​16. 17.

◼ Yɛ no ni Tito 1:6 tsɔɔ Iɛ hewɔ Iɛ, ani esa akɛ abaptisi mo ko bii fɛɛ dani ehe asa akɛ onukpa yɛ asafo Iɛ mli?

Bɔfo Paulo tsɔɔ hesaa kɛha onukpai ni sɔmɔɔ akɛ asafoŋ onukpai yɛ Tito klɛŋklɛŋ yitso Iɛ mli. Ekome ji akɛ esa akɛ nyɛminuu Iɛ afee mɔ ni “kpa ko bɛ ehe. . . .ni yɔɔ bii ni heɔ yeɔ.”

Enɛ etsɔɔɔ akɛ esa akɛ abaptisi onukpa lɛ bii fɛɛ, ejaakɛ mɛi komɛi baanyɛ afee gbekɛbii bibii kwraa. No hewɔ lɛ Tito 1:6 miitsɔɔ akɛ esa ekɛ abaptisi mo ko bii ni darako Iɛ aloo amɛfee mɛi ni miikase Biblia mli anɔkwalei lɛ, amɛmiikpɛlɛ no ni amɛkɛmiitsu nii ni amɛmiibɛŋkɛ baptisimɔ, yɛ weku Iɛ naa. (1 Korintobii 7:14) Esa akɛ onukpa lɛ abo mɔdɛŋ akɛ eeefee ebii Iɛ kaselɔi, amɛfee mɛi ni jeee “nyenyeŋtswibɔlɔi loo toigbolɔi.”b

Wɔbaanyɛ wɔnu enɛ shishi jogbaŋŋ kɛ wɔkwɛ bɔ ni Biblia Iɛ kɛ wiemɔ “heyelilɔ” lɛ tsuɔ nii ehaa lɛ. Eyɛ mli ekɛ mɔ ko baanyɛ ana hemɔkɛyeli loo ehe nibii pii eye moŋ. (Bɔfoi lɛ Asaji 26:​27, 28; 2 Tesalonikabii 2:​3, 11; Yakobo 2:19) Shi wɔnaa akɛ ‘ahe aye’ lɛ kɔɔ Kristojamɔ nɔ kpɛlɛmɔ kɛ baptisimɔ he titri. (Bɔfoi Iɛ Asaji 8:​13; 18:8; Okɛto 19:​1-5 he.) Titri Iɛ baptisimɔ jieɔ Iɛ kpo faŋŋ akɛ mɔ Iɛ ji heyelilɔ.​—Bɔfoi lɛ Asaji 2:​41, 44; 4:​4, 32.

Onukpa ko bii bibii efeŋ mɛi ni esaa amɛhe kɛha baptisimɔ yɛ gbɔmɔtsoŋ, henumɔŋ loo yɛ mumɔŋ. Ni kɛlɛ, Tito 1:6 tsɔɔ akɛ amɛji “bii ni heɔ yeɔ” kɛji akɛ amɛmiishwere kɛmiibɛŋkɛ baptisimɔ he, yɛ afii ni amɛye kɛ shihilɛ mli ni amɛyɔɔ Iɛ naa.

[Shishigbɛ niŋmai]