Maŋtsɛyeli Jajelɔi Bɔ Amaniɛ
Yehowa Wajeɔ Etsuji Anɔkwafoi Lɛ
YESU kɛɛ: “Nyɔŋ efeee enuŋtsɔ. Kɛ amɛwa mi yi lɛ, amɛaawa nyɛ hu yi.” (Yohane 15:20) Shi Yehowa tsuji anɔkwafoi Iɛ yɛ nɔmimaa akɛ ebaawaje amɛ. (Lala 18:2; Nahum 1:7) Yɛ Afrika maŋ ko ni atsi Yehowa Odasefoi atoiŋjɔlɛ nitsumɔ lɛ naa waa yɛ lɛ, Yehowa wajeɔ etsuji lɛ yɛ yii kɛ amɛmɔɔmɔ lɛ fɛɛ sɛɛ, taakɛ amaniɛbɔɔ ni nyiɛ sɛɛ nɛɛ tsɔɔ Iɛ:
“Amɔmɔ kpokpaa nɔkwɛlɔ ko kɛ nyɛmimɛi ejwɛ ni akɛ amɛ wo tsu bibioo ko ni amɔmɔɔ gbeei ni foɔ shi kɛkɛ lɛ awoɔ mli Iɛ mli.” Amaniɛbɔɔ lɛ tee nɔ akɛ: “Aha amɛhi jɛi gbii 123 ni amɛ shishigbɛ atadei loo pioto pɛ amɛwo. ni aŋmɛɛɛ amɛ gbɛ po ni amɛya niiaŋ.” Mlawoo gwabɔɔ lɛ mli nyo ko nu shihilɛ ni ehiii mli ni amɛyɔɔ lɛ, kɛkɛ ni eje shishi ewie eshi, ni yɛ naagbee lɛ, beni amɛhi jɛmɛ gbii 123 lɛ, ajie nyɛmimɛi lɛ. Yehowa tsɔ emumɔ lɛ nɔ ewaje nɛkɛ nyɛmimɛi anɔkwafoi nɛɛ.
Niiashikpamɔ kroko ni jɛ nɛkɛ maŋ nɛɛ nɔŋŋ mli tsɔɔ bɔ ni sɛɛnamɔ yɔɔ wɔshiɛmɔ nitsumɔ lɛ he Iɛ. Amaniɛbɔɔ lɛ tsɔɔ akɛ: “Akrowa ko shishi bii ehe gbɛi akɛ basabasafeelɔi kɛ atuatselɔi. Shi, beni Yehowa Odasefoi shiɛ yɛ jɛmɛ sɛɛ lɛ, amɛteŋ mɛi pii jie bulɛ kpo amɛtsɔɔ nɔyelɔi Iɛ ni amɛje shishi akɛ amɛkɛ amɛhe aaawo daa otsi kuu nitsumɔ ni atsuɔ yɛ gbɛjegbɛi anɔ lɛ mli.” Amɛ maŋtsɛmɛi lɛ ekome miitao ni ele nɔ hewɔ ni gbɔmɛi lɛ asubaŋ tsake nɛkɛ lɛ, ni akɛɛ Iɛ akɛ: “Enɛ jɛ shiɛmɔ ni Yehowa Odasefoi ‘osɔfo’ lɛ shiɛ lɛ hewɔ. Odasefonyo lɛ kɛɛ: “Gbi ko Iɛ maŋtsɛ nɛɛ fɔ mi nine kɛtee shia ni ewo mi hewalɛ koni miya nɔ yɛ nitsumɔ kpakpa nɛɛ mli. Eke mi wuɔ agbo ko koni migbe ni mikɛ miweku lɛ aye.” Yɛ be kroko mli lɛ, maŋ onukpa aloo maŋkralo ni yɔɔ jɛmɛ lɛ ba ebasara nyɛmi lɛ ni nyɛminuu Iɛ kɛ lɛ ta shi ni eye Iɛ odase. Maŋ onukpa loo maŋkralo lɛ “bi ni aha lɛ woji tɛtrɛbii lɛ ekomɛi ni ekɛɛ akɛ. ‘Wɔheee wɔyeee akɛ nyɛfeɔ efɔŋ. Kɛ amɔ nyɛ lɛ nyɛbia ni aŋmɛɛ nyɛhe. Wɔbɛ famɔ ko akɛ amɔmɔ nyɛ. Miheɔ miyeɔ akɛ etsɛŋ ni Maŋ lɛ baatsu nyɛsane Iɛ he nii.’”
Gbɛgbalɔ krɛdɛɛ ko ŋma akɛ: “Beni maŋkwramɔ kuu lɛ woloŋmalɔ Iɛ efolɔ wɔ naa lɛ, maŋ lɛ mli maŋtsɛ Iɛ fa ni amɔ mi ni awo mi tsuŋ yɛ tsuŋwoo he ko ni mli ewo muji ni kooloi eshamɔ ni amɛwa amɛwo mli lɛ mli. Aha mihi nɛkɛ duŋ nɛɛ mli gbii enumɔ. Beni akɛ mi yaa jɛmɛ lɛ, misɔle miha Yehowa ni mikai Lala 50:15. Gbokɛlɛfoi anɔkwɛlɔi lɛ na mi mɔbɔ ni amɛŋaaa shinaa lɛ jogbaŋŋ bɔni afee ni manyɛ mamu kɔɔyɔɔ kpakpa ko fioo. Beni mihi gbokɛlɛfoi atsu nɛɛ mli gbii enumɔ lɛ, amɛka mi, amɛha mi too ni mikɛyaha maŋ lɛ mli onukpa lɛ, ni mɔ ko ebuuu mihe. Akɛni mijooo foi hewɔ Iɛ, ahaa miyeɔ mihe daa gbi kɛjɛɔ shwane 3:00 kɛyashiɔ gbɛkɛ 7:00. Minyɛɔ mikɛ nyɛmimɛi lɛ kpeɔ, ni wɔshiɛɔ. Eyɛ mli akɛ mihe baye yɛ nɛkɛ bei ni wa nɛɛ mli ni mihenyɛlɔi Iɛ hiɛ ka nɔ akɛ magbo moŋ, shi Yehowa shiii mi gbi ko gbi ko. Nɛkɛ niiashikpamɔ nɛɛ eha mitsi mibɛŋkɛ Yehowa he, ni miyɛ nɔmimaa akɛ yiwaa nyɛŋ agbala mi kɛjɛ Yehowa webii ahe.”—Okɛto Romabii 8:35-39 he.
Yehowa Odasefoi le bɔ ni Nyɔŋmɔ wajeɔ amɛ yɛ bei ni mli wawai amli. Amɛhiɛ sɔɔ mɛi ni jieɔ mlihilɛ kpo amɛtsɔɔ amɛ yɛ be mli ni amɛtsuɔ yiwalaheremɔ nitsumɔ ni he hiaa fe fɛɛ ni ji sanekpakpa lɛ shiɛmɔ Iɛ. Yehowa hiɛ kpaŋ nɛkɛ mlihilɛ nɛɛ nɔ gbi ko gbi ko.—Mateo 25:40.