Maŋtsɛyeli Jajelɔi Bɔ Amaniɛ

◻ “YIWAA kpele” ni akɛba mra be mli Kristofoi asafo Iɛ nɔ lɛ ha Kristo kaselɔi lɛ babaoo gbɛ amɛshwa. (Bɔfoi Iɛ Asaji 8:⁠1) Shi kɛlɛ, nɛkɛ yiwaa nɛɛ yeee omanye ejaakɛ mɛi ni agbɛ amɛ ashwa nɛɛ”yakpa shi, ni amɛjaje sanekpakpa Iɛ.” (Bɔfoi Iɛ Asaji 8:⁠4) Filipo tee nɔ eshiɛ, ni “mɛi babaoo kɛ jwɛŋmɔ kome bo wiemɔ . . . Iɛ toi.” (Bɔfoi Iɛ Asaji 8:⁠6) Bɔ ni yiwaa Iɛ yeee omanye yɛ klɛŋklɛŋ afii oha lɛ mli lɛ, nakai nɔŋŋ eba mli yɛ akrowa ko mli yɛ Thailand kooyigbɛ.

Gbɛgbalɔ krɛdɛɛ ni ji Yehowa Odasefonyo ko je shishi akɛ eeshiɛ yɛ akrowa nɛɛ mli, shi shishijee mli lɛ akrowa Iɛ mlibii Iɛ sumɔɔɔ ni amɛboɔ Iɛ toi. Shi kɛlɛ, beni ekɛ osɔfo ni yɔɔ jɛmɛ lɛ wieɔ lɛ, gbɔmɛi lɛ babua amɛhe naa yɛ emasɛi koni amɛbo lɛ toi. Mɛi komɛi bayoo akɛ Odasefonyo Iɛ le Biblia lɛ jogbaŋŋ fe amɛ osɔfo lɛ, no hewɔ Iɛ amɛje shishi amɛkɛ gbɛgbalɔ Iɛ kase Biblia lɛ, eyɛ mli akɛ mɛi krokomɛi lɛ wo amɛhe gbeyei. Agbegbee amɛ dɔkɔdɔkɔi Iɛ ekomɛi, ni awo gbɛgbalɔ lɛ wala he gbeyei, ni ashã nuu ko ni yɔɔ wiemɔ lɛ he miishɛɛ lɛ shia po. Nuu Iɛ kɛɛ: “Amɛbaanyɛ amɛshã mishia lɛ, shi amɛnyɛŋ amɛshã mitsui.” Mɛi ni kɛ Odasefonyo lɛ kaseɔ nii lɛ taa baisikle nɔ shitoi babaoo ni amɛyaa kpeei yɛ Maŋtsɛyeli Asa lɛ nɔ. Abaptisi amɛteŋ mɛi ejwɛ, ni mɛi ekpaa krokomɛi hu fataa amɛhe kɛyaa kpeei.

Anɔkwayeli he Nyɔmɔwoo

◻ Nyɛmimɛi ni yɔɔ Zambia lɛ ena gbɛi kpakpa yɛ amɛ anɔkwayeli hewɔ, ni jɔɔmɔi ejɛ enɛ mli kɛha amɛ, ni eye ebua mɛi krokomɛi ni amɛbana anɔkwale Iɛ. Onukpa ko, ni ji daa gbɛgbalɔ miifa gbɛ yɛ bɔs mli ni enu ni Odasefonyo ko kɛ mɛi krokomɛi miiwie gbohiiashitee Iɛ he yɛ bɔs Iɛ mli. Gbɛfalɔi Iɛ ateŋ mɔ kome bi lɛ akɛ: “Mɛni hewɔ ni nyɛ Odasefoi lɛ nyɛkɛɔ akɛ nyɛ jamɔ Iɛ ji anɔkwa jamɔ kome pɛ lɛ?” Nyɛminuu lɛ hu yafata amɛhe yɛ sanegbaa lɛ mli ekɛɛ gbɛfalɔ Iɛ akɛ Yehowa baawo e-Dasefoi lɛ nyɔmɔ ejaakɛ amɛtsɔɔ anɔkwale ni yɔɔ Biblia lɛ mli lɛ.

Beni shɛ nyɔɔŋteŋ yɛ nɛkɛ gbɛfaa kakadaŋŋ nɛɛ mli lɛ, bɔs Iɛ yashɛ he ko ni atsi gbɛ lɛ. No mli Iɛ nugbɔ miinɛ waa. Kɛkɛ ni asraafonyo ko kwɔ bɔs lɛ ni ebi kɛji Yehowa Odasefonyo ko yɛ bɔs Iɛ mli. Mɛi etɛ yɛ mli. Kɛkɛ ni ekɛɛ: “Ojogbaŋŋ, Odasefoi Iɛ nyɛtaraa mli, nyɛ mɛi ni eshwɛ lɛ, nyɛkɛ nyɛbaagii Iɛ fɛɛ ayimɔa shi.” Mɛi ni eshwɛ Iɛ fɛɛ yimɔ nugbɔ lɛ nɔ, ni beni akwɛkwɛɛ amɛnibii amli ata lɛ, amɛku amɛsɛɛ ni amɛjatsui kɛ amɛtadei Iɛ fɛɛ efɔ.

Beni amɛku amɛsɛɛ amɛkwɔ bɔs lɛ, asraafonyo Iɛ kɛɛ: “Yiŋtoo hewɔ ni miha Odasefoi lɛ hi shi Iɛ ji akɛ amɛji gbɔmɛi ni yeɔ anɔkwa. Wɔna niiashikpamɔi babaoo ni wɔna wɔle akɛ amɛ pɛ ji mɛi ni yeɔ anɔkwa; kɛ wɔbi amɛ nɔ ni yɔɔ amɛbaagii lɛ amli lɛ, amɛkɛɔ wɔ anɔkwale lɛ.” Beni bɔs lɛ fã ni eyaa lɛ, nyɛminuu lɛ bi akɛ: “Te nɔ ni ji anɔkwa jamɔ Iɛ?” Mɔ ko ha hetoo akɛ: “Nɔ ni nugbɔ lɛ eyiii Iɛ Iɛ.”

Hɛɛ, anɔkwayeli yeɔ ebuaa ni ehaa anaa anɔkwa jamɔ lɛ, ni eka shi faŋŋ akɛ eyɛ nyɔmɔwoo hu!