Yesu Shihilɛ kɛ Esɔɔmɔ Nitsumɔ

Yesu Tee nɔ Ejie Ehe Kpo

KASELƆI Iɛ awerɛ eho amɛhe lolo. Amɛnuuu nɔ hewɔ ni gbonyobu lɛ ka shi efolo lɛ shishi, ni amɛheee amaniɛbɔi ni yei lɛ kɛba Iɛ hu amɛyeee. No hewɔ lɛ sɛɛ mli yɛ Hɔgbaa shwane lɛ. Kleopa kɛ kaselɔ kroko ko shi Yerusalem kɛmiiya Emao, ni jɛkɛmɔ aaafee shitoi kpawo.

Beni amɛnyiɛ gbɛ kɛyaa, ni amɛwieɔ nibii ni eba yɛ gbi lɛ mli lɛ he lɛ, gbɔ ko bafata amɛhe. Ni ebi amɛ akɛ: “Mɛɛ saji nyɛgbaa yɛ gbɛ lɛ nɔ ni nyɛfee mɔbɔmɔbɔ nɛɛ?”

Ni kaselɔi Iɛ wa, ni amɛmamɔ amɛhiɛaŋ shi ni Kleopa ha hetoo akɛ: “Ani okome pɛ ji gbɔ yɛ Yerusalem ni leee saji ni eba jɛi yɛ gbii nɛɛ amli lɛ?”

Ni ebi akɛ: “Mɛɛ saji ni?”

Amɛha Iɛ hetoo akɛ: “Yesu Nazarenyo lɛ . . . he saji. Wɔ osɔfonukpa Iɛ kɛ wɔmaŋ onukpai lɛ ŋɔ lɛ ha ni abu lɛ gbele fɔ, ni asɛŋ Iɛ. Shi wɔ lɛ wɔhiɛ ka nɔ akɛ kulɛ lɛ ji mɔ ni baakpɔ Israel lɛ.”

Kleopa kɛ ehafatalɔ lɛ gbala naakpɛɛ nibii ni ba yɛ gbi lɛ mli Iɛ mli amɛtsɔɔ Iɛ​—naakpɛɛ nibii ni ji ŋwɛibɔfoi kɛ gbonyobu folo ni ana lɛ he amaniɛbɔɔ lɛ​—shi kɛlɛ amɛtsɔɔ bɔ ni amɛyiŋ efee amɛ yaa yɛ nibii ni ba nɛɛ ashishinumɔ he. Kɛkɛ ni gbɔ lɛ wie amɛhiɛ akɛ: “Oo kwashiai ni nyɛyɔɔ shɔɔ yɛ nyɛtsui mli akɛ nyɛaahe nii fɛɛ ni gbalɔ Iɛ kɛɛ Iɛ nyɛaaye! Ani jeee sa esa akɛ Kristo ana nɛkɛ amanehului nɛɛ ni ebote enunyam Iɛ mli?” Kɛkɛ ni etsɔɔ amɛ wiemɔi ni jɛ ŋmalɛ krɔŋkrɔŋ lɛ mli ni kɔɔ Kristo Iɛ he lɛ shishi.

Yɛ naagbee lɛ amɛbashɛ Emao masɛi, ni gbɔ Iɛ fee tamɔ nɔ ni eeshi amɛ eya. Shi akɛni kaselɔi Iɛ miitao amɛnu saji babaoo lolo hewɔ lɛ, amɛwo Iɛ hewalɛ akɛ: “Okɛ wɔ ahi shi, ejaakɛ je miina ni eshɛ hiɛbulɛ eta.” No hewɔ lɛ ehi shi ni ekɛ amɛ ye nii. Beni esɔle ni ekumɔ aboloo Iɛ ni ekɛha amɛ lɛ, kɛkɛ ni amɛyoo akɛ Yesu diɛŋtsɛ ni eŋɔ adesa gbɔmɔ ji lɛ. Shi amrɔ nɔŋŋ kɛkɛ ni elaaje.

Agbɛnɛ amɛnu nɔ hewɔ ni gbɔ Iɛ le nibii babaoo nɛkɛ Iɛ shishi! Amɛbi akɛ: “Ani wɔtsui he edɔɔɔ Ia yɛ wɔmli beni ekɛ wɔ wieɔ yɛ gbɛ lɛ nɔ ni etsɔɔ wɔ Ŋmalɛi lɛ anaa Iɛ?” No hewɔ lɛ amɛkɛ oyaiyeli te shi ni amɛyiŋ kɛku amɛsɛɛ kɛtee Yerusalem tɔɔ, ni amɛyana bɔfoi lɛ kɛ mɛi ni ebua amɛhe naa kɛfata amɛhe lɛ. Dani Kleopa kɛ ehefatalɔ lɛ baawie nɔ ko po lɛ, mɛi krokomɛi Iɛ kɛ miishɛɛ bɔ amɛ amaniɛ akɛ: “Eyɛ mli akɛ Nuŋtsɔ Iɛ ete shi, ni ejie ehe kpo etsɔɔ Simon!” Kɛkɛ ni mɛi enyɔ lɛ hu gba bɔ ni Yesu jie ehe kpo etsɔɔ amɛ lɛ. Enɛ gbeɔ yi feɔ shii ejwɛ ni ejie ehe kpo etsɔɔ ekaselɔi lɛ ateŋ mɛi sɔrɔtoi yɛ gbi Iɛ mli.

Eyɛ mli akɛ aŋamɔ shinaai Iɛ ejaakɛ kaselɔi lɛ miishe Yudafoi Iɛ gbeyei moŋ, shi trukaa kɛkɛ ni Yesu bapue nɔ ni ji shii enumɔ nɔ. Ebadamɔ amɛteŋ tuŋtu ni ekɛɛ amɛ akɛ: “Hejɔlɛ aha nyɛ!” Shi amɛshe gbeyei waa, ni amɛsusu akɛ amɛmiina mumɔ ko. No hewɔ lɛ, Yesu gbala mli etsɔɔ amɛ akɛ ejeee ninaa, ni ekɛɛ: “Mɛɛba nyɛtsui faa? Ni mɛɛ hewɔ hu ni ŋwanejee teɔ shi yɛ nyɛtsuii amli? Nyɛkwɛa miniji kɛ minaji akɛ mi diɛŋtsɛ ni; nyɛtaa mihe nyɛkwɛa; shi mumɔ ko bɛ heloo kɛ wui, tamɔ bɔ ni nyɛnaa akɛ miyɔɔ nɛɛ.” Shi kɛlɛ, amɛshashao shi akɛ amɛaahe amɛye ejaakɛ wala mli ni eyɔɔ Iɛ ŋɔɔ amɛnaa fe bɔ ni eeefee anɔkwale kɛha amɛ.

Bɔni afee ni eye ebua amɛ ni amɛyoo akɛ lɛ ji Yesu Iɛ diɛŋtsɛ Iɛ ebi amɛ akɛ: “Nyɛyɛ nɔ ko ni ayeɔ yɛ biɛ Io?” Yɛ be mli ni ehe loo ni ashi Iɛ ni eye eta sɛɛ lɛ, ebɔi amɛ nitsɔɔmɔ, ni ekɛɛ: “Enɛɛmɛi ji miwiemɔi ni mikɛ nyɛ wie beni mikɛ nyɛ yɔɔ lolo [dani migbo] Iɛ, akɛ ja nibii fɛɛ ni aŋma yɛ Mose mla Iɛ kɛ Gbalɔi Iɛ kɛ Lalai Iɛ amli yɛ mihewɔ Iɛ na ba mli.”

Yɛ be mli ni eyaa nɔ yɛ nɔ ni tamɔ Biblia mli nikasemɔ nɛɛ mli lɛ. Yesu tsɔɔ amɛ akɛ: “Nɛkɛ aŋma, ni nɛkɛ esa akɛ Kristo ana amanehulu ni ete shi kɛjɛ gbohii ateŋ yɛ gbi ni ji gbi etɛ Iɛ nɔ; ni ashiɛ tsuitsakemɔ kɛ eshaifaa yɛ egbɛi lɛ anɔ atsɔɔ maji fɛɛ, ni abɔi kɛjɛ Yerusalem. Ni nyɛji nɛkɛ nii nɛɛ ahe odasefoi.”

Yɛ yiŋtoo ko hewɔ lɛ, Toma bɛ nɛkɛ Hɔgbaa gbɛkɛnaashi kpee ni he hiaa nɛɛ shishi. No hewɔ Iɛ, gbii ni nyiɛ sɛɛ Iɛ amli Iɛ, mɛi krokomɛi Iɛ kɛ miishɛɛ kɛɛ lɛ akɛ: “Wɔna Nuŋtsɔ Iɛ.”

Shi ewie eshi amɛ akɛ: “Ja mina edɛŋ plɛkobii lɛ anajiaŋ, ni mikɛ miwao eta plɛkobii Iɛ anajiaŋ, ni mikɛ minine ehɔ eŋmawuiaŋ Iɛ, dani mahe maye.”

Ojogbaŋŋ, gbii kpaanyɔ sɛɛ lɛ, kaselɔi Iɛ bua amɛhe naa yɛ tsu mli ekoŋŋ. Yɛ be nɛɛ mli Iɛ Toma fata amɛhe. Eyɛ mli akɛ aŋamɔ shinaai lɛ moŋ, shi Yesu badamɔ amɛteŋ ekoŋŋ ni ekɛɛ amɛ akɛ: “Hejɔlɛ aha nyɛ!” Kɛkɛ ni etsɔ ehiɛ eha Toma ni ekɛɛ Iɛ akɛ: “Okɛ owao aba biɛ ni obakwɛ midɛ lɛ, ni okɛ onine abahɔ miŋmawuiaŋ Iɛ, ni okaje ŋwane, shi moŋ ohe oye.”

Kɛkɛ ni Toma bo akɛɛ “Mi-Nuŋtsɔ kɛ mi-Nyɔŋmɔ!”

Yesu bi lɛ akɛ: “Ni ona mi hewɔ Iɛ, ohe oye: ajɔɔ mɛi ni enaaa ni kɛlɛ amɛhe amɛye lɛ.” Luka 24:​11, 13-48; Yohane 20:​19-29.

◆ Mɛɛ saji gbɔ ko babibii kaselɔi enyɔ Iɛ beni amɛnyiɛ gbɛ nɔ kɛyaa Emao lɛ?

◆ Mɛni gbɔ lɛ wie ni eha kaselɔi Iɛ atsuii ahe dɔ Ia waa yɛ amɛmli lɛ?

◆ Te fee tɛŋŋ ni kaselɔi Iɛ yoo akɛ gbɔ lɛ ji Yesu lɛ?

◆ Beni Kleopa kɛ ehefatalɔ lɛ ku amɛsɛɛ kɛtee Yerusalem lɛ, mɛɛ amaniɛbɔɔ ko ni yɔɔ miishɛɛ amɛyanu?

◆ Mɛɛ gbɛ nɔ Yesu jie ehe kpo etsɔɔ ekaselɔi Iɛ nɔ ni ji shii enumɔ nɔ, ni mɛni ba yɛ nakai be Iɛ mli?

◆ Mɛni ba yɛ be mli ni Yesu ejie ehe kpo nɔ ni ji shii enumɔ nɔ Iɛ sɛɛ gbi ni ji kpaanyɔ lɛ nɔ, ni mɛɛ gbɛ nɔ Toma tsɔ ehe eye yɛ naagbee kwraa akɛ Yesu yɛ wala mli?