Yesu Shihilɛ kɛ Esɔɔmɔ Nitsumɔ

Yɛ Nyɔŋmɔ Ninejurɔ Nɔ

MUMƆ krɔŋkrɔŋ Iɛ ni afɔse ashwie shi yɛ Pentekoste Iɛ ji odaseyeli ni tsɔɔ akɛ Yesu eyashɛ ŋwɛi. Ninaa ni etsɛɛɛ ni akɛha kaselɔ Stefano Iɛ hu yeɔ odase akɛ E-yashɛ jɛmɛ. Dani aaatswia Stefano tɛi yɛ odase ni eye yɛ anɔkwayeli mli Iɛ ebo akɛ: “Naa miina ŋwɛi naa ni egbele kɛ gbɔmɔ Bi lɛ ni edamɔ Nyɔŋmɔ ninejurɔ nɔ.

Beni eyɔɔ Nyɔŋmɔ ninejurɔ nɔ Iɛ, no mli lɛ Yesu miimɛ famɔ ni jɛ e-Tsɛ lɛ ŋɔɔ nɛɛ “Ye lumɔ yɛ ohenyɛlɔi Iɛ ateŋ.” Shi dani enɛ aaaba, dani eeete shi ewo ehenyɛlɔi Iɛ, mɛni Yesu feɔ? Eyeɔ ekaselɔi ni afɔ amɛ mu lɛ anɔ lumɔ loo maŋtsɛ, ekudɔɔ amɛ yɛ amɛshiɛmɔ nitsumɔ Iɛ mli ni eesaa amɛ koni amɛtsɔ shitee Iɛ nɔ amɛbafee enanemɛi maŋtsɛmɛi yɛ e-Tsɛ Maŋtsɛyeli Iɛ mli.

Akɛ nɔkwɛmɔ nɔ lɛ, Yesu hala Saul (ni akɛ e-Roma gbɛi lɛ bale Iɛ jogbaŋŋ yɛ sɛɛ mli akɛ Paulo Iɛ) koni enyiɛ kaselɔfeemɔ nitsumɔ lɛ hiɛ yɛ maji krokomɛi anɔ. Saul feɔ ekaa yɛ Nyɔŋmɔ Mla lɛ he, ni kɛlɛ Yudafoi ajamɔ mli hiɛnyiɛlɔi lɛ kudɔ lɛ yɛ gbɛ ni ejaaa nɔ. Nɔ ni jɛ mli ba ji akɛ jeee akɛ Saul kpɛlɛ gbe ni agbe Stefano Iɛ nɔ kɛkɛ, shi ekɛ woji ni jɛ osɔfonukpa Kaiafa ŋɔɔ ni haa lɛ hewalɛ akɛ eya Damasko ni eyamɔmɔ hii kɛ yei ni eeena yɛ jɛmɛ ni ji Yesu sɛɛnyiɛlɔi Iɛ kɛba Yerusalem lɛ tee jɛmɛ. Shi, beni Saul nyiɛ gbɛ kɛyaa lɛ, Ia ni kpɛɔ kaŋkaŋ kpɛ trukaa kɛjɛ ŋwɛi kɛbabɔle lɛ ni egbee shikpɔŋ.

Gbee ni ko jɛ jɛɛhe ni anaaa jɛmɛ lɛ bi akɛ, “Saul, Saul, mɛɛba owaa mi yi?” Kɛkɛ ni Saul bi akɛ, “Bo namɔŋ, Nuŋtsɔ?”

Hetoo ko ba akɛ, “Miji Yesu, mɔ ni owaa lɛ yi lɛ.”

Yesu kɛɛ Saul ni naakpɛɛ Ia Iɛ eshwila he akɛ: “Mɔ nɛɛ ji midɛŋdade ni ahala aha mi, koni ehiɛ migbɛi Iɛ kɛya jeŋmaji kɛ maŋtsɛmɛi kɛ Israelbii lɛ hu ahiɛ.”

Yɛ anɔkwale mli lɛ, yɛ Yesu sɛɛfimɔ hewɔ lɛ, Saul (ni ale Iɛ amrɔ nɛɛ akɛ Paulo) kɛ sanekpakpa shiɛlɔi krokomɛi ye omanye babaoo yɛ amɛ shiɛmɔ kɛ nitsɔɔmɔ nitsumɔ Iɛ mli. Yɛ anɔkwale mli lɛ, beni Yesu ejie ehe kpo etsɔɔ lɛ yɛ Damasko gbɛ lɛ nɔ Iɛ sɛɛ afii 25 lɛ, Paulo ŋma akɛ “ashiɛ” “sanekpakpa lɛ” yɛ ‘bɔɔnii ni yɔɔ ŋwɛi shishi nɛɛ fɛɛ mli.’

Beni afii pii ho lɛ sɛɛ lɛ, Yesu kɛ ninaai ni tsara nɔ ha ebɔfo ni esumɔɔ esane lɛ, Yohane. Yohane tsɔ ninaai ni etsɔɔ mli yɛ Biblia mli wolo ni ji Kpojiemɔ Iɛ mli lɛ nɔ ena Yesu ni eku esɛɛ eba Maŋtsɛyeli hewalɛ mli lɛ. Yohane kɛɛ akɛ atsɔ “mumɔ mli” akɛ lɛ tee hiɛ yɛ beebuu mli yɛ “Nuŋtsɔ lɛ gbi lɛ nɔ.” Mɛni ji nɛkɛ “gbi” nɛɛ?

Biblia mli gbalɛi akasemɔ jogbaŋŋ, ni Yesu gbalɛ ni kɔɔ naagbee gbi nɛɛ ahe lɛ fata he Iɛ jieɔ Iɛ kpo akɛ “Nuŋtsɔ lɛ gbi lɛ” je shishi yɛ afi 1914 ni fee yinɔsane lɛ mli, hɛɛ, yɛ nɛkɛ yinɔ nɛɛ mli! No hewɔ lɛ 1914 mli ni Yesu ku esɛɛ ni anaaa lɛ, ni gbɔmɛi kɛ hoofeemɔ yooo enɛ, ni etsuji anɔkwafoi Iɛ pɛ yɔse nɛkɛ esɛɛkuu nɛɛ. Nakai afi lɛ mli ni Yehowa kɛ famɔ ha Yesu akɛ eya nɔ eye lumɔ yɛ ehenyɛlɔi lɛ ateŋ!

Yɛ e-Tsɛ lɛ famɔ lɛ toiboo mli lɛ, Yesu shwie Satan kɛ edaimonioi lɛ kɛjɛ ŋwɛi ni ekɛtsuu ŋwɛi he, ni eshɛrɛ amɛ eshwie shikpɔŋ nɔ. Beni ena bɔ ni enɛ ba yɛ ninaa mli lɛ sɛɛ lɛ, Yohane nu ŋwɛi gbee ko ni miijaje akɛ: “Agbɛnɛ yiwalaheremɔ lɛ kɛ hewalɛ kɛ maŋtsɛyeli lɛ etsɔ wɔnyɔŋmɔ lɛ nɔ, ni akɛ hegbɛ lɛ eha e-Kristo lɛ!” Hɛɛ, 1914 mli ni Kristo je nɔyeli shishi akɛ Maŋtsɛ!

Mɛɛ sanekpakpa enɛ ji kɛha Yehowa jalɔi ni yɔɔ ŋwɛi lɛ nɛkɛ! Awo amɛ ekãa akɛ: “Nyɛ ŋwɛii kɛ nyɛ mɛi ni nyɛyɔɔ jɛmɛ nyɛnaa tsuijurɔ!” Shi te shihilɛ Iɛ yɔɔ tɛŋŋ kɛha mɛi ni yɔɔ shikpɔŋ nɔ Iɛ? Gbee ni jɛ ŋwɛi lɛ tee nɔ akɛ: “Kpoo ha mɛi ni yɔɔ shikpɔŋ Iɛ nɔ kɛ ŋshɔ hiɛ lɛ, ejaakɛ Abonsam Iɛ ekpeleke shi kɛba nyɛŋɔɔ, egri naakpa, ni ele akɛ be fioo kɛkɛ eyɔɔ.”

Wɔyɛ nakai be fioo Iɛ mli bianɛ. Aagbala gbɔmɛi amli koni amɛbote Nyɔŋmɔ jeŋ hee Iɛ mli aloo ni akpata amɛhiɛ. Anɔkwale lɛ ji akɛ, bɔ ni ohereɔ Nyɔŋmɔ Maŋtsɛyeli Iɛ he sanekpakpa lɛ ni ashiɛɔ yɛ shikpɔŋ Iɛ fɛɛ nɔ yɛ Kristo gbɛtsɔɔmɔ shishi lɛ nɔ ohaa Iɛ tsɔɔ nɔ ni baaba onɔ yɛ wɔsɛɛ.

Kɛ agbe gbɔmɛi Iɛ amligbalamɔ lɛ naa lɛ, Yesu Kristo baatsu nii akɛ Nyɔŋmɔ Najiaŋdamɔlɔ, koni ejie Satan nibii agbɛjianɔtoo Iɛ fɛɛ kɛ mɛi fɛɛ ni fiɔ sɛɛ lɛ kɛjɛ shikpɔŋ lɛ nɔ kwraa. Yesu baatsu nɛkɛ efɔŋfeemɔ fɛɛ ni ajieɔ kɛyaa nɛɛ he nii yɛ ta ni atsɛɔ lɛ Har-Magedon loo Armagedon Iɛ mli. Yɛ no sɛɛ lɛ, Yesu, Mɔ ni fe fɛɛ yɛ jeŋ muu fɛɛ ni baa yɛ Yehowa Nyɔŋmɔ diɛŋtsɛ sɛɛ lɛ, baamɔ Satan kɛ edaimonioi lɛ, ni ebaafimɔ amɛ afii akpe yɛ “bu kwɔŋkwɔŋ” ko mli, ni ji akɛ, yɛ shihilɛ ni tamɔ gbele ni anyɛɛɛ nɔ ko afee yɛ mli lɛ mli. Bɔfoi lɛ Asaji 7:​55-60; 8:​1-3; 9:​1-19; 16:​6-10; Lala 110:​1, 2; Hebribii 10:​12, 13; 1 Petro 3:​22; Luka 22:​28-30; Kolosebii 1:​13, 23; Kpojiemɔ 1:​1, 10; 12:​7-12; 16:​14-16; 20:​1-3; Mateo 24:​14; 25:​31-33.

◆ Beni Yesu kwɔ kɛtee ŋwɛi lɛ sɛɛ lɛ, nɛgbɛ eyahi, ni mɛni emɛɔ?

◆ Namɛi anɔ maŋtsɛ Yesu ye yɛ be mli ni ekwɔ kɛtee ŋwɛi lɛ sɛɛ, ni enɔyeli lɛ jeɔ kpo yɛ mɛɛ gbɛ nɔ?

◆ Mɛɛ be “Nuŋtsɔ lɛ gbi lɛ” je shishi, ni mɛni ba yɛ eshishijee mli?

◆ Mɛɛ mligbalamɔ nitsumɔ ni yaa nɔ bianɛ saa wɔteŋ mɔ fɛɛ mɔ he diɛŋtsɛ, ni mɛni nɔ adamɔɔ agbalaa mɛi amli Iɛ?

◆ Kɛ agbe mligbalamɔ nitsumɔ lɛ naa lɛ, mɛni nibii baanyiɛ sɛɛ aba?