Ani Okaiɔ?
Ani ohiɛ esɔ Buu-Mɔɔ ni je kpo nyɛsɛɛ nɛɛ akanemɔ? Ojogbaŋŋ, kwɛmɔ akɛ obaanyɛ oha sanebimɔi ni nyiɛ sɛɛ nɛɛ ahetoo lo:
◻ Mɛni nɔ mumɔŋ tookwɛlɔi damɔɔ ni amɛŋɔɔ hegbɛ lɛ koni amɛya mɛi ni ashwie amɛ lɛ ateŋ mɛi komɛi aŋɔɔ koni amɛyakwɛ akɛ ani abaanyɛ atsirɛ amɛteŋ mɛi komɛi kɛya tsuitsakemɔ he lo Iɛ?
Beni Israelbii Iɛ yɔɔ nomŋɔɔ mli, ni amɛtsakeko amɛtsui lolo po lɛ, Yehowa, ni tamɔ tookwɛlɔ Iɛ ŋɔ hegbɛ lɛ koni etao amɛ, etsuɔ egbalɔi Iɛ kɛyaa amɛŋɔɔ. Kristofoi tookwɛlɔi Iɛ yɛ he miishɛɛ akɛ amɛaaye amɛbua mɔ fɛɛ mɔ ni etsake etsui ni ekolɛ etamɔ too ni elaaje lɛ. (Okɛto Luka 15:4-7 he.)—4/15, baafa 21-3)
◻ Yɛ mɛɛ gbɛ nɔ Yesu abɛbua ni kɔɔ bi nyenyeŋtswi lɛ he Iɛ tsɔɔ bɔ ni esa akɛ wɔhenumɔi kɛ nifeemɔi aji kɛ aku sɛɛ ahe mɔ ko kɛba Kristofoi asafo lɛ mli ekoŋŋ Iɛ? (Luka 15:22-32)
Esa akɛ oti ni ma wɔhiɛ lɛ afee akɛ wɔmiikase tsɛ lɛ, ni na miishɛɛ akɛ ebinuu nyenyeŋtswibɔlɔ lɛ eku esɛɛ lɛ. No hewɔ lɛ esa akɛ wɔkɛ nyɛmi ni ahe Iɛ ekoŋŋ lɛ awie yɛ heyeli mli ni wɔwo lɛ hewalɛ agbɛnɛ ni eya ehiɛ yɛ anɔkwale Iɛ mli.—4/15, baafa 25.
◻ Mɛni nibii ni anyɛɔ atsuɔ he nii esa akɛ wɔkwɛ nomɛi jogbaŋŋ koni akaye wɔ awui?
Kɛ aaahi lɛ, kaahi he ni awuiyelɔi yɔɔ jɛmɛ gbɛkɛ. Okɛ ojwinei lɛ ato, ni okɛ nibii tamɔ kamera ni okɛshaa mfoniri lɛ ato baagi ni oheɔ nii owoɔ mli lɛ mli. Kwɛmɔ jogbaŋŋ kɛ onyiɛ gbɛjegbɛi atoi, titri lɛ kɛ ohiɛ baagi ko ni owoji loo hiamɔ nibii yɔɔ mli lɛ. (Kwɛmɔ Abɛi 3:21-23.)—5/1, baafai 5-6.
◻ Mɛni hewɔ gbalɛ ni yɔɔ Zefania 2:3 Iɛ kɛɔ akɛ: ‘Ekolɛ aaaŋɔ nyɛ atee yɛ Yehowa mlifu gbi Iɛ nɔ” Iɛ?
Yiwalaheremɔ kɛmiiya wala mli lɛ damɔ anɔkwayeli kɛ tsuishiŋmɛɛ nɔ. (Mateo 24:13) No hewɔ lɛ, mɛi ni hiɔ shi yɛ Nyɔŋmɔ jalɛ taomɔ nii anaa ni amɛyaa nɔ amɛwieɔ wiemɔ krɔŋŋ lɛ pɛ aaaŋɔ amɛ atee yɛ Yehowa mlifu gbi Iɛ nɔ. (Zefania 2:1, 2)—5/1, baafa 14.
◻ Ni akɛ Nyɔŋmɔ aaaye klɛŋklɛŋ gbɛhe yɛ weku shihilɛ mli Iɛ tsɔɔ mɛni?
Esa akɛ fɔlɔi kɛ gbekɛbii aja Yehowa ni amɛshɛ etaomɔ nii ni ekɛmamɔ shi yɛ Biblia lɛ mli Iɛ ahe.—5/15, baafa 5.
◻ Mɛni hewɔ Yehowa kpataaa eshafeelɔi ahiɛ amrɔ nɔŋŋ Iɛ?
Yiŋtoo Iɛ ekome ji akɛ esa akɛ aha ale Nyɔŋmɔ gbɛi lɛ yɛ shikpɔŋ muu Iɛ fɛɛ nɔ. (Okɛto Romabii 9:17 he.) Nɔ kroko hu ji ni eŋmɛ gbɛ koni ana sane ni kɔɔ jeŋ muu fɛɛ Maŋtsɛ ni Nyɔŋmɔ ji Iɛ kɛ gbɔmɔ emuuyeli ni jɛ atuatsemɔ ni ba yɛ Eden he lɛ naa. Agbɛnɛ hu Nyɔŋmɔ tsuishiŋmɛɛ Iɛ haa eshafeelɔi naa hegbɛ koni amɛtsake amɛtsui ni amɛjaje amɛgbɛi. (2 Petro 3:9)—5/15, baafai 11-12.
◻ Mɛɛ anɔkwa saji yeɔ odase akɛ Biblia Iɛ jɛ mɔ ni nɔ kwɔ fe adesa dɛŋ?
Niŋmalalɔi sɔrɔtoi 40, ni jɛ shihilɛi sɔrɔtoi fɛɛ mli, ni amɛshihilɛ he fe afii 1,600 ŋma Biblia lɛ; ni kɛlɛ niŋmalalɔi nɛɛ fɛɛ nyiɛ shishijee saneyitso kome sɛɛ. Eji aŋmɛɛ he aha heniianaa loo adesa gbɛtsɔɔmɔ kɛkɛ kulɛ, bɔ ni Biblia Iɛ kɛ ehe kpaa gbee yɛ mligbɛ lɛ nyɛŋ aba lɛ nakai.—6/1, baafa 5.
◻ Mɛɛ hejɔmɔ nitsumɔ ni yɔɔ naakpɛɛ, ni agba afɔ shi yɛ Yesaia 28:21, Yehowa baatsu yɛ wɔgbii nɛɛ amli?
Kɔkɔbɔɔ ni yɔɔ Kpojiemɔ 17:16 Iɛ tsɔɔ akɛ, gbi ko baaba ni Babilon Kpeteŋkpele lɛ maŋkwramɔŋ hemɛi lɛ baate shi awo lɛ. Nɔ ni baajɛ mli aba ji Kristendom kɛ apasa jamɔi krokomɛi fɛɛ ni aaakpata amɛhiɛ kwraa. Enɛ baafee Yehowa naakpɛɛ nitsumɔ kɛ ehejɔmɔ nitsumɔ kɛha wɔgbii nɛɛ.—6/1, baafa 22-3.
◻ Mɛni esa akɛ yei ni ji Kristofoi aha ahi amɛjwɛŋmɔ mli yɛ jwinei kɛ nibii ni amɛkɛsaa amɛhe Iɛ gbɛfaŋ?
Biblia Iɛ eguuu nibii ni tamɔ nɛkɛ ni akɛsaa he fɛfɛo lɛ. (2 Mose 32:2, 3; Ester 2:7, 12, 15) Shi esa akɛ akɛ hiɛshikamɔ atsu nii. Yoo baanyɛ akase je lɛŋ sui Iɛ yɛ gbɛ ni waaa nɔ, ebaanyɛ ni ekɛ lipolipo adiki enaabu ni etsu hɛŋŋ, ni ebaadiki edabii kɛ ehiŋmɛiiasɛɛ kɛteke nɔ, tamɔ Isebel fee lɛ. (2 Maŋtsɛmɛi 9:30) No hewɔ Iɛ ehe miihia ni akwɛ jogbaŋŋ koni akɛ hesaamɔ nibii nɛɛ akatsu nii kɛmiiteke nɔ, koni jwinei Iɛ hu akafee kpɛŋshɛŋŋ.—6/1, baafai 30-1.
◻ Te fee tɛŋŋ ni lsraelbii lɛ jo “Mizraim helai fɔji” lɛ fɛɛ ni yɔɔ nakai mra bei lɛ amli Iɛ naa foi hu? (5 Mose 7:15)
Eka shi faŋŋ akɛ amɛjo nɛkɛ helai nɛɛ anaa foi yɛ falefale-feemɔ loo hetsemɔ ni yaa hiɛ ni afa akɛ atsu he nii yɛ Mla kpaŋmɔ Iɛ mli Iɛ titri hewɔ.—6/15, baafa 4.
◻ Mɛni hewɔ Nyɔŋmɔ efa akɛ adesai akaye Ia lɛ? (1 Mose 9:3, 4; 3 Mose 17:10, 11: Bɔfoi Iɛ Asaji 15:22-29)
Wala ji nikeenii ni jɛ Nyɔŋmɔ ŋɔɔ ni adesa wala damɔ nu ni tamɔ fai ni haa wala ni atsɛɔ lɛ la Iɛ nɔ. (Lala 36:10) Kɛ wɔkɛ bulɛ ha la akɛ nɔ ko krɛdɛɛ lɛ, adesai tsɔɔ akɛ Nyɔŋmɔ nɔ amɛkɛ amɛhe fɔɔ kɛhaa wala. No hewɔ lɛ, yiŋtoo titri ni yɔɔ akpɔ ni Nyɔŋmɔ wo yɛ la he lɛ sɛɛ ji, jeee akɛ la ni mɔ ko aaahe awo emli lɛ baanyɛ afee nɔ ni kɛ gbɔmɔtsoŋ hewalɛnamɔ kpakpa baŋ kɛkɛ, shi moŋ Ia tsɔɔ nɔ ko krɛdɛɛ kɛha Nyɔŋmɔ.—6/5, baafai 8-9.
◻ Fɔlɔi ni ji Kristofoi kɛ obalaŋtai fɛɛ baanyɛ awaje ba ni eeenyɛ eba akɛ akɛ bulɛ aaaha Ia ni gbekɛ kpooɔ Iɛ yɛ mɛɛ gbɛ nɔ?
Eyɛ mli akɛ ejeee onukpa yɛ mla naa moŋ, shi esa akɛ Kristofonyo obalaŋta Iɛ anyɛ atsɔɔ nɔ hewɔ ni ekpooɔ Ia lɛ mli faŋŋ kɛ agbɛnɛ yɛ shiŋŋ-feemɔ mli. Fɔlɔi baanyɛ ni amɛkɛ amɛbii awie he ni amɛka loo amɛfee he nɔkwɛmɔ nɔ amɛkwɛ koni gbekɛbii Iɛ anyɛ ana niiashikpamɔ yɛ nɔ ni amɛ diɛŋtsɛ Iɛ amɛheɔ amɛyeɔ lɛ mlitsɔɔmɔ mli.—6/15, baala 18.
◻ Yei bafee mɛi ni ajɔɔ amɛ babaoo yɛ Yesu shikpɔŋ nɔ sɔɔmɔ be Iɛ mli yɛ mɛɛ gbɛ nɔ?
Yesu je nitsumɔ ko ni kɛ miishɛjemɔ, hiɛnɔkamɔ, kɛ bulɛ hee baha yei ni jɛ jeŋmaji fɛɛ mli Iɛ shishi. Etsɔɔ yei mumɔŋ anɔkwalei ni mli kwɔlɔ. (Yohane 4:7, 24-26) Ekpɛlɛ yei asɔɔmɔ nitsumɔ nɔ yɛ be mli ni efaa gbɛ kɛtsɔɔ shikpɔŋ lɛ fɛɛ nɔ yɛ esɔɔmɔ nitsumɔ be lɛ mli lɛ. (Marko 15:40, 41)—7/1, baafa 14-15.
◻ Mɛɛ Yesu nitsɔɔmɔ he ŋaa fɔlɔi ena akɛ ekɛ nitsumɔ yɛ amɛbii ahe mɔɔ shi jogbaŋŋ?
Fɔlɔi aaafee jogbaŋŋ akɛ amɛkɛ nɔkwɛmɔ nii aaatsu nii ni amɛkɛha Kristofoi anɔkwalei lɛ abote amɛbii bibii Iɛ atsuii amli, ni amɛbaanyɛ ni amɛkɛ sanebimɔi ni asusu he jogbaŋŋ atsu nii ni amɛkɛle nɔ ni amɛbii ni amɛdara lɛ susuɔ diɛŋtsɛ. (Okɛto Mateo 17:24-27 he.)—7/1, baafa 26.
◻ Mɛni hewɔ esa akɛ wɔdi suɔmɔ kɛ mlihilɛ sɛɛ Iɛ?
Su ni ji suɔmɔ kɛ mlihilɛ lɛ haa Nyɔŋmɔ kɛ mɛi krokomɛi sumɔɔ wɔ. Ehaa wɔsumɔɔ gbɔfeemɔ ni ehaa wɔsusuɔ mɛi ahe babaoo. Ewoɔ ekomefeemɔ ni yɔɔ weku lɛ kɛ Kristofoi asafo Iɛ mli lɛ mli hewalɛ. Nɔ ni fe fɛɛ Iɛ, suɔmɔ kɛ mlihilɛ woɔ Yehowa hiɛ nyam.—7/15, baafa 22.
◻ Mɛni hewɔ abaanyɛ alaka Kristofonyo yɛ naanyobɔɔ mli lɛ? (1 Korintobii 15:33)
Mɔ ko baanyɛ ajie ehe kpo akɛ mɔ ni sumɔɔ mɔ ni ekɛbɔɔ ŋɔɔ, shi kɛji akɛ enuuu bɔ ni Kristofoi susuɔ Yehowa sɔɔmɔ he lɛ he nakai aloo eheee Biblia lɛ eyeee Iɛ, eji naanyo gbonyo. Mɛni hewɔ? Ejaakɛ eshihilɛ damɔ shishitoo mlai krokomɛi anɔ, ni ekolɛ nibii ni he hiaa Kristofonyo lɛ jeee nɔ ko yɛ ehiɛ.—7/15, baafa 23.
◻ Mɛni hewɔ Kojomɔ Gbi lɛ ji hiɛnɔkamɔ be lɛ?
Kojomɔ Gbi Iɛ ji be ni heɔ afii akpe. Nyɔŋmɔ diɛŋtsɛ ji mɔ ni baakwɛ nɔ, ni Nyɔŋmɔ baahala e-Bi, Kristo Yesu ni etsu nii akɛ Kojolɔ. Enɛ baafee be ni akɛ adesa wala ni eye emuu ni Adam laaje Iɛ Iɛ baaku sɛɛ aha eshwie lɛ ekoŋŋ. (1 Korintobii 15:21, 22)—8/1, baafai 5-7.