Maŋtsɛyeli Jajelɔi Bɔ Amaniɛ

Aha Amɛhe Amɛye yɛ Kathmandu

NITƐŊLƆ ko bɔi anɔkwale lɛ taomɔ yɛ Brittany, yɛ France, yɛ 1980 mli. Yoo nɛɛ kɛ Pentekostal sɔlemɔ Iɛ mlibii egba sane ni ekase Bokagbɛ jamɔi ahe nii hu​—shi etsui enyɔɔɔ emli. Kɛkɛ ni ekɛ Yehowa Odasefoi lɛ ateŋ mɔ kome na sanegbaa, shi etsɛɛɛ kɛkɛ ni ekpa. Ekɛ nitɛŋlɔ kroko kpe ni ekɛ lɛ bɔi nitsumɔ ni ekɛ lɛ hi shi hu.

Enɛ sɛɛ be fioo mli lɛ, nɛkɛ hefatalɔi ni bote gbalashihilɛ mli nɛɛ kpɛ amɛyiŋ akɛ amɛbaashɛra shi yɛ Nepal. Amɛhiɛ sɔ bɔ ni nakai maŋ lɛ mli yɔɔ fɛo ha kɛ toiŋjɔlɛ ni yɔɔ jɛmɛ lɛ waa, shi jalɛsaneyeli ni bɛ yɛ hewolo nɔ sui ni abuɔ akɛ amɛbaa shi lɛ agbɛfaŋ, yɛ bɔ ni amɛnaa lɛ amɛhaa akɛ Anaigbɛbii lɛ ha amɛnijiaŋ je wui kwraa.

Beni amɛku amɛsɛɛ kɛba France lɛ, yoo lɛ wo ehefatalɔ lɛ ŋaa akɛ eha amɛfee ekome kɛkase Biblia lɛ, ni efee lɛ naakpɛɛ akɛ nuu lɛ kpɛlɛ nɔ. Eyatao Odasefonyo ni ekɛ lɛ gba sane afii enyɔ ni eho nɛ lɛ sɛɛ gbɛ. Kɛjɛ shishijee mli lɛ, Biblia lɛ pɛ amɛkɛtsu nii, shi yɛ naagbee lɛ amɛkpɛlɛ ni amɛkɛ Anɔkwale ni kɛ Mɔ Yaa Naanɔ Wala Mli Lɛ kɛ sɛɛ mli lɛ Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ woji lɛ hu tsu nii. Beni shɛɔ afi lɛ, amɛkpa tsofai fɔji kɛ nitsumɔ.

Beni amɛtee Nepal ekoŋŋ ni amɛyaye nyɔji enyɔ yɛ jɛmɛ lɛ, hefatalɔi nɛɛ ku amɛsɛɛ kɛba France ni amɛbatsa amɛnikasemɔ Iɛ nɔ ekoŋŋ. Amɛkpa tawa shɛremɔ kɛ daanumɔ kɛ gbɛkɛ joo-shwɛmɔ hei yaa, ni amɛbɔi Yehowa Odasefoi akpeei yaa. Shi, ni amɛgbe Obaanyɛ Ohi Shi Kɛya Naanɔ wolo Iɛ kasemɔ naa lɛ, amɛkpɛ amɛyiŋ akɛ amɛbaakpa nikasemɔ lɛ.

Amɛtee Nepal ekoŋŋ ni amɛyahi shia bibioo ko mli yɛ Himalaya Gɔji lɛ ashishi gbɛ. Gbi ko lɛ, nuumo ko, ni esaa ehe jogbaŋŋ ni ewo koot ni efi tai batswa amɛshinaa lɛ. Yoo lɛ kome pɛ yɔɔ shia nakai be mli, ni esusu akɛ ekolɛ nuu nɛɛ hɔɔ nibii ni atɛŋ, no hewɔ lɛ eeba ebakwɛ nibii ni amɛtɛŋ lɛ. Efee lɛ naakpɛɛ waa akɛ nuu nɛɛ ji Odasefonyo ni eeba amɛŋɔɔ ni ekɛ amɛ amɛbatsa nikasemɔ lɛ nɔ eha mɔ ni kɛ amɛ je shishi yɛ France lɛ. Etsɛɛɛ kɛkɛ ni ehefatalɔ lɛ ku esɛɛ eba shia, ni amɛgba sane ŋmɛlɛtswai enyɔŋ sɔŋŋ.

No sɛɛ gbii fioo ko lɛ, hefatalɔi nɛɛ tee Yehowa Odasefoi akpee ko yɛ Kathmandu ni amɛhiɛ sɔ bɔ ni mɛi ni ba kpee lɛ esaa amɛhe fɛfɛo Iɛ waa diɛŋtsɛ. Amɛna nakai nyɛmimɛi asuɔmɔ kɛ miishɛɛ ni amɛnaa yɛ kpeei ashishi yɛ France lɛ yɛ kpee nɛɛ hu shishi. Agbɛnɛ hu amɛna bɔ ni Nepalbii ni eba kpee lɛ efee ekome amɛha lɛ hu, eyɛ mli akɛ amɛjɛ hewolo nɔ sui sɔrɔtoi amli moŋ. Agbɛnɛ amɛhe amɛye akɛ enɛ ji Yehowa gbɛjianɔtoo Iɛ lɛlɛŋ.

Nyɔŋ kome sɛɛ lɛ, amɛku amɛsɛɛ amɛtee France ni amɛje amɛ-Biblia mli nikasemɔi kɛ kpeeiyaa lɛ shishi ekoŋŋ. Amɛbote gbalashihilɛ mli, ni amɛkɛ amɛhe bɔi Odaseyeli nitsumɔ lɛ mli woo, ni yɛ naagbee lɛ abaptisi amɛ. Amrɔ nɛɛ wu lɛ miisɔmɔ akɛ asafoŋ sɔɔlɔ, ni eŋa Iɛ kɛ ehe woɔ gbɛgbalɔi awalɔi sɔɔmɔ lɛ mli nɔtonɔto. Lɛlɛŋ, Yehowa mumɔ lɛ baaye abua mɛi ni hiɛ jalɛ tsuii lɛ koni amɛya amɛhiɛ ni amɛbatsɔmɔ ejalɔi​—Kpojiemɔ 7:​15-17.

[Box/Map on page 9]

N E P A L

Maŋbii ayifalɛ - 17,712,221

1990 Shiɛlɔi ni fa - 63

Mlijaa, Shiɛlɔi 1 kɛha - 281,146

Shiɛlɔi ni Ji Gbɛgbalɔi Mlijaa - 10

Asafoi Ayifalɛ - 1

Biblia Kasemɔ Mlijaa -107

Yibɔ ni ba Kaimɔ - 220

[Shikpɔŋ he mfoniri]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

NEPAL

INDIA

[Mfoniri ni yɔɔ baafa 9]

Jara nɔ yɛ Kathmandu Ŋepal