Nɔ Hewɔ Ni Esa Akɛ Oya Eko Lɛ
ONINE baashɛ mumɔŋ tsɔsemɔ ni he yɔɔ sɛɛnamɔ ni akɛbaaha yɛ gbii ejwɛ sɔŋŋ mli lɛ nɔ, yɛ “Ŋwɛi Nitsɔɔmɔ” Kpokpaa Wuji Anɔ Kpeei, ni abaaje shishi yɛ afi nɛɛ hulutsoo be mli yɛ je lɛŋ maŋtiasei fɛɛ amli lɛ ashishi. Yɛ United States pɛ lɛ, abaafee nɛkɛ henaabuamɔi nɛɛ fe 150 yɛ June, July, kɛ August mli. Yɛ hei pii lɛ, gbɛjianɔtoo lɛ baaje shishi Soo shwane 1:20 ni abaagbe naa Hɔgbaa shwane 4:15. Oti ko ni baaje kpo waa yɛ kpeei lɛ ekomɛi ashishi ji maŋsɛɛ sanekpakpa shiɛlɔi, ni aye abua amɛ ni amɛnyɛ amɛku amɛsɛɛ kɛtee amɛmaji amli kɛha nɛkɛ miishɛɛ be nɛɛ amaniɛbɔi.
Kɛ oda jio, gbekɛ ji bo jio—wu, ŋa, tsɛ, nyɛ, obaIaŋta, aloo gbekɛ ji bo jio—onine baashɛ nitsɔɔmɔ ni akɛhaa yɛ gbɛ ni mli tse, ni yɔɔ miishɛɛ, ni he baaba sɛɛnamɔ aha bo nɔ. Akɛ nɔkwɛmɔ nɔ lɛ, mɛi pii biɔ ŋmɛnɛ akɛ, Mɛni ji yiŋtoo ni yɔɔ wala he? Sohaa leebi lɛ, obaana he miishɛɛ waa akɛ obaanu ni aasusu nɛkɛ sanebimɔ nɛɛ he, ni omii baashɛ ohe yɛ nɔ ni onine shɛɔ nɔ, koni okɛye obua mɛi krokomɛi ni amɛnu nakai sane lɛ shishi lɛ he.
Sohaa shwane lɛ, abaaha wiemɔi ni nyiɛ sɛɛ nɛɛ, ni nomɛi ji “Ni Wɔɔha Gbalashihilɛ Afee Ekomefeemɔ ni Sɛɛ Tsɛɔ,” “Tsu Nii Waa Kɛha Owe lɛ Yiwalaheremɔ,” kɛ “Fɔlɔi—Be Krɛdɛɛ ni Nyɛaana Nyɛha Nyɛbii lɛ He Miihia Amɛ.” Yɛ wiemɔi nɛɛ asɛɛ nɔŋŋ Iɛ, abaagbala jwɛŋmɔ kɛya naagbai ni obalaŋtai kɛkpeɔ, kɛ bɔ ni amɛaafee amɛtsu he nii lɛ nɔ yɛ gbɛ krɛdɛɛ nɔ. Ŋmɛnɛŋmɛnɛ beaŋ drama ni abaafee, ni yitso ji Obalaŋtai ni Kaiɔ Amɛ Bɔlɔ lɛ Bianɛ lɛ baawo amɛ hewalɛ waa.
Hɔɔ lɛ, gbɛjianɔtoo lɛ baawie Yesu gbalɛ ni kɔɔ naagbee gbii nɛɛ ahe, kɛ titri lɛ wiemɔi ni ewie okɛ: “No gbii lɛ anɔ amanehului lɛ asɛɛ lɛ, etsɛŋ ni hulu aaawo duŋ” lɛ he babaoo. (Mateo 24:29) Obaasumɔ ni onu sanegbaa ni kɔɔ be mli ni nakai “amanehulu” lɛ aaaba lɛ he lɛ he. Hɔɔ wiemɔi ahe gbɛjianɔtoo lɛ hu baati Yehowa Odasefoi ahe saji yɛ ŋmɛnɛŋmɛnɛ beaŋ lɛ mli, ni ebaatsɔɔ nɔ ni amɛnyɛ amɛtsu.
Hɔgbaa lɛ, drama kroko, ni yitso ji Kaaha Alaka Bo ni Kaali Nyɔŋmɔ Hu lɛ baasusu kaa ni mɔ aŋkro lɛ Kristofoi a-emuuyeli mlihiɛmɔ lɛ kɛkpeɔ yɛ video kɛ lalai ni ehe gbɛi ŋmɛnɛ lɛ agbɛfaŋ lɛ he. Maŋshiɛmɔ ni abaaha shwane mli lɛ baawie saneyitso ni ji “Nitsɔɔmɔ ni Yeɔ Ebuaa yɛ Wɔ Jaramɔ Bei Nɛɛ Amli” lɛ he. Gbɛjianɔtoo lɛ baaba naagbee kɛ ŋaawoo wiemɔ ni yitso ji “Yaa nɔ Ohiɛ Ŋwɛi Nitsɔɔmɔ Mli ni Awa.”
Eka shi faŋŋ akɛ, obaana sɛɛ waa kɛtsɔ jɛmɛ ni ooohi gbii ejwɛ lɛ fɛɛ lɛ nɔ! Wɔkɛ miishɛɛ miifɔ bo nine ni oba. Kɛji ootao he ni bɛŋkɛ oshia fe fɛɛ lɛ, yaabi yɛ Yehowa Odasefoi a-Maŋtsɛyeli Asa ni yɔɔ he ni nyɛyɔɔ lɛ mli, aloo ŋmaa wolo kɛbaha mɛi ni ŋma wolo tɛtrɛɛ nɛɛ, aloo kwɛmɔ June 8 Awake! ni baatsɔɔ hei ni abaafee kpeei lɛ yɛ, yɛ United States, Canada, Britain kɛ lreland lɛ adrɛs sɔrɔtoi lɛ fɛɛ lɛ.