Mɛni Biblia Lɛ Kɛɔ?

Mɛni ji Harmagedon?

Mɛi komɛi heɔ yeɔ . . .

akɛ eji hiɛkpatamɔ ni abaatsɔ nuklea tawuu nibii anɔ akɛba jeŋ fɛɛ loo hiɛkpatamɔ ni adesai anifeemɔi kɛbaaba shikpɔŋ lɛ nɔ. Te bo hu osusuɔ tɛŋŋ?

Nɔ ni Biblia lɛ kɛɔ

Harmagedon ji “Nyɔŋmɔ Ofe lɛ gbi wulu lɛ nɔ ta lɛ,” ni ji ta ni ebaawu eshi mɛi fɔji lɛ.​—Kpojiemɔ 16:14, 16.

Mɛni hu wɔkaseɔ kɛjɛɔ Biblia lɛ mli?

• Nyɔŋmɔ wuŋ Harmagedon ta lɛ koni ekɛkpãtã shikpɔŋ lɛ hiɛ, shi moŋ koni ekɛbaa shikpɔŋ ni adesai fiteɔ lɛ lɛ yi.​—Kpojiemɔ 11:18.

• Harmagedon ta lɛ baafo tai fɛɛ asɛɛ.—Lala 46:9, 10.

Ani mɔ ko baanyɛ aje Harmagedon ta lɛ mli?

Mɛni obaakɛɛ?

• Hɛɛ

• Dabi

• Ekolɛ

Nɔ ni Biblia lɛ kɛɔ

“Asafoku kpele ko” ni jɛ jeŋmaji fɛɛ amli lɛ baaje “amanehulu kpeteŋkpele lɛ” mli, ni Harmagedon ta lɛ ji nɔ ni baamu amanehulu kpeteŋkpele lɛ naa.​—Kpojiemɔ 7:9, 14.

Mɛni hu wɔkaseɔ kɛjɛɔ Biblia lɛ mli?

• Nyɔŋmɔ miisumɔ ni kɛ́ ebaahi lɛ, ehere mɔ fɛɛ mɔ yiwala yɛ Harmagedon. Ja efee he eko aahu ní mɛi fɔji lɛ tsakeee amɛtsui, dani ebaakpãtã amɛhiɛ.​—Ezekiel 18:32.

• Biblia lɛ etsɔɔ bɔ ni wɔbaafee wɔje Harmagedon ta lɛ mli.​—Zefania 2:3.