Na Sɔɔmɔ kpeei Iɛ Ahe Sɛɛ Kɛmɔ Shi

¹ Esa akɛ Nyɔŋmɔ tsulɔ fɛɛ tsulɔ ajɛ etsui mli ni ekɛɛ akɛ: “Yehowa, tsɔɔmɔ mi ogbɛ lɛ, manyiɛ onɔkwale lɛ mli; feemɔ mitsui ekome, ni mashe ogbɛi lɛ gbeyei.” (Lala 86:11) Sɔɔmɔ kpee lɛ kɛ gbɛtsɔɔmɔi pɔtɛɛ ni baaye abua wɔ ni wɔtsu Yehowa nitsumɔ ni ji e-Maŋtsɛyeli lɛ he sanekpakpa lɛ jajemɔ jogbaŋŋ lɛ haa wɔ. Ani onaa Sɔɔmɔ kpee lɛ he sɛɛ lɛlɛŋ kɛtsɔɔ ŋaawoo ni akɛhaa lɛ nɔkpɛlɛmɔ nɔ?

SƐƐNAMƆI Nl JƐƆ HESAAMƆ KPAKPA MLI

² Hesaamɔ ni tsɔɔ hiɛ he miihia bɔni afee ni wɔna gbɛtsɔɔmɔi ni akɛhaa yɛ Sɔɔmɔ kpee lɛ shishi lɛ he sɛɛ kwraa kɛmɔ shi. Mɛni hewɔ? Kɛji asaa he jogbaŋŋ lɛ ehaa jwɛŋmɔ kɛ tsui lɛ feɔ klalo akɛ amɛbaakpɛlɛ gbɛtsɔɔmɔ ni akɛhaa lɛ nɔ. Kɛ okase nii kɛtsɔ hiɛ, ni ojwɛŋ nɔ ni okaseɔ lɛ nɔ, ni osusu ŋmalɛi ni atsɛ lɛ ahe jogbaŋŋ lɛ, ebaaha ofee mɔ ni efee klalo akɛ obaahe ni obaakai mumɔŋ niyenii ni akɛhaa lɛ. Bo diɛŋtsɛ ohe ni okɛaawo saji ahetoohamɔ mli, nɔkwɛmɔ nii amli, aloo yɛ wiemɔ hamɔ mli lɛ baafee nɔ ni shishinumɔ yɔɔ he. Otsui baayi obɔ kɛ nyamɔ akɛni okɛ ohe wo mli ni otsu bɔ ni ooonyɛ lɛ hewɔ.​—2 Mose 23:19a; Abɛi 16:⁠23.

³ Kɛ aasaa he lɛ, ebaaye ebua jogbaŋŋ akɛ weku lɛ mlibii lɛ fɛɛ baana wolo ni akaseɔ lɛ eko. Hesaamɔ he miihia jogbaŋŋ yɛ mɛi ni yɔɔ nifeemɔ yɛ Sɔɔmɔ kpee lɛ mli lɛ agbɛfaŋ titri. Esa akɛ ato nifeemɔi lɛ ahe gbɛjianɔ mra kɛtsɔ hiɛ bɔni afee ni mɛi ni baana mli gbɛfaŋnɔ lɛ ana be ni sa ni amɛkɛsaa amɛhe.

SƐƐNAMƆI Nl JƐƆ HE Nl AKƐWOƆ MLI KƐ Nll Nl AKƐTSUƆ LƐ MLI BAA

⁴ Ani oyoo akɛ he ni akɛwoɔ kpeei lɛ amli lɛ yeɔ buaa ni anaa kpeei lɛ ahe miishɛɛ waa? Taakɛ The Watchtower ni je kpo July 1, 1972, lɛ tsɔɔ mli yɛ baafa 411 lɛ: “Miishɛɛ diɛŋtsɛ baa kɛji mɔ ko tsɔɔ lɛ diɛŋtsɛ ehemɔkɛyeli yɛ Yehowa mli yɛ enyɛmimɛi Kristofoi ateŋ lɛ. Ejeee nɔ ni ooonu he akɛ aabi ni oha niiahetoo ko kɛkɛ koni oshi nikasemɔ ni eshwɛ lɛ oha mɛi krokomɛi. . . . Suɔmɔ ni wɔyɔɔ kɛha Yehowa lɛ ji nɔ ni yimɔɔ wɔmli kɛtekeɔ nɔ ni no tsirɛɔ wɔ koni wɔjɔɔ Yehowa ni wɔjaje suɔmɔ ni wɔyɔɔ kɛha Iɛ lɛ hu.”

⁵ Wɔyɛ nitsumɔ ni jɛ Yehowa dɛŋ akɛ wɔshiɛ sanekpakpa lɛ. Ejɛɔ suɔmɔ mli ekɛ gbɛtsɔɔmɔi babaoo haa wɔ kɛtsɔɔ Sɔɔmɔ kpee lɛ nɔ koni wɔteŋ mɔ fɛɛ mɔ anyɛ aye Maŋtsɛyeli Iɛ he odase yɛ gbɛ fɛɛ gbɛ ni eeenyɛ nɔ. Akɛ Tsɔɔlɔ Kpeteŋkpele lɛ, Yehowa kpaa yibiiwoo gbɛ kɛjɛɔ nibii ni etsɔɔ ewebii lɛ mli. (Kwɛmɔ 5 Mose 17:​10.) Kɛji okɛ nibii ni okaseɔ lɛ tsu nii ni okɛto bo diɛŋtsɛ ohe lɛ, obaana he sɛɛ, ni obaanyɛ okɛɛ yɛ faŋŋ mli akɛ, “Mifee taakɛ bɔ ni ofa mi lɛ.”​—Ezek. 9:⁠11.

⁶ Obaana miishɛɛ hu akɛ ooohere bo diɛŋtsɛ kɛ mɛi ni boɔo toi lɛ fɛɛ yiwala. (1 Tim. 4:16) Ŋwanejee ko bɛ he akɛ, mumɔŋ sɛɛnamɔi ni jɛɔ Sɔɔmɔ Kpee lɛ mli baa lɛ fa babaoo. Eba akɛ bo kɛ oweku lɛ baatswa nyɛfai shi akɛ nyɛaaŋɔ hegbɛ ni ekɛhaa lɛ ni nyɛtsu he nii jogbaŋŋ!