Yaa no Okɛɛ Mɛi ni Baaho Toi Iɛ Akɛ, “Ba!”
1 Yesu ma bɔ ni ehe hiaa akɛ gbɔmɛi abo anɔkwale lɛ he sane lɛ toi jogbaŋŋ lɛ nɔ mi. (Mateo 11:15: 13:9, 43) Ele akɛ ehe miihia ni amɛnu enitsɔɔmɔ lɛ shishi ejaakɛ ekɛ nilee ni baaha toibolɔi ni hiɛ sɔɔ nii lɛ ana naanɔ wala lɛ miiha.—Yohane 17:3.
2 Nɛkɛ nilee ni haa wala nɛɛ ji “wala nu” lɛ fa ni he hiaa ni amrɔ nɛɛ akɛmiiha mɛi ni kumai yeɔ amɛ lɛ. (Kpoj. 22:17) Taakɛ Yohane wiemɔi lɛ tsɔɔ lɛ, ejeee nɔ ko ni ebafee mɛi fioo ko ni aduro amɛ lɛ pɛ nɔ, ni asaŋ ahɔɔɔ ahaaa mɛi ni yɔɔ shika ni no hewɔ lɛ mɛi ni bɛ eko lɛ naaa. Ehe miihia ni awo mɛi fɛɛ ni jalɛ he kumai yeɔ amɛ lɛ hewalɛ ni amɛŋɔ hegbɛ ni Yehowa kɛhaa yaka nɛɛ. (Yes. 55:1) Ani akane bo afata gbɔmɛi akpekpei abɔ ni ŋmɛnɛ amɛkɛɔ mɛi ni baabo toi lɛ akɛ, “Ba!” lɛ ahe?
BƆ Nl OOOFEE OKƐƐ AKƐ, “BA!”
3 June ji wɔ Buu-Mɔɔ shɛɛ he tafaa lɛ nyɔŋ ni ji enyɔ. Mɛɛ dɛŋdade yɔɔ ni hi fe enɛ ni aaatsɔ nɔ agbala gbɔmɛi ajwɛŋmɔ kɛaaba Yehowa gbɛjianɔtoo kɛha wala ni yɔɔ naakpɛɛ lɛ nɔ? Akɛni Buu-Mɔɔ lɛ ema Babilon Kpeteŋkpele lɛ ŋaatsɔɔ fɔŋ ni akpaa he mama lɛ nɔ mi hewɔ lɛ, eeenyɛ eye ebua mɛi pii ni amɛye amɛhe kɛjɛ jamɔ mli apasa hemɔkɛyelii kɛ apasai krokomɛi lɛ amli. Mɛɛ hegbɛi onaa koni okɛ Buu-Mɔɔ lɛ shɛɛ aha?
4 Gbɛ ni hi jogbaŋŋ ni oootsɔ nɔ okɛ eshɛɛ lɛ aha ji yɛ shia kɛ shia. Shi gbɛi krokomɛi babaoo hu yɛ, tamɔ be mli ni ofeɔ sɛɛsaramɔi loo okɛ ehee ni eba lɛ haa mɛi ni heɔ woji tɛtrɛbii lɛ daa lɛ. Shiɛlɔi komɛi yeɔ omanye yɛ mɛi ni yɔɔ wiemɔ lɛ he miishɛɛ ni amɛkɛ amɛ kpeɔ yɛ gbɛjegbɛi anɔ ni amɛhaa amɛsheɔ lɛ mli. Wɔbaanyɛ wɔwo mɛi ni amɛshɛ eko momo lɛ hewalɛ ni amɛshɛ eko akɛ nikeenii amɛkɛmaje amɛnanemɛi loo wekumɛi. Bo hu obaasumɔ ni oshɛ eko omaje mɛi komɛi. Abaanyɛ aha nanemɛi nitsumɔtsɛmɛi loo nanemɛi nitsulɔi loo klasbii ashɛ eko. Obaanyɛ osusu hegbɛi krokomɛi hu he.
YAA NƆ OKƐƐ AKƐ, “BA!”
5 Yaa nɔ ojie miishɛɛ kpo yɛ mɛi ni shɛɔ yɛ May mli lɛ ayelikɛbuamɔ he. Bɔɔ mɔdɛŋ ni oku osɛɛ oyasara amɛ amrɔ nɔŋŋ. Na nɔmimaa akɛ amɛnine miishɛ woji tɛtrɛbii lɛ anɔ. Kɛ otee oyasara amɛ nɛkɛ lɛ, obaanyɛ otsɔɔ amɛ sane pɔtɛɛ ko ni yɔɔ mli ni baawo amɛ hewalɛ ni amɛkane. Ekolɛ obaanyɛ okɛ amɛ aje Biblia mli nikasemɔ shishi ni owo amɛ ŋaa akɛ amɛbaanyɛ ni amɛkɛ bo aya asafoŋ kpeei lɛ. Kɛ ojie miishɛɛ diɛŋtsɛ kpo yɛ amɛhe lɛ, amɛbaahere nɔ ni enɛ baatsirɛ amɛ ni amɛya amɛhiɛ yɛ mumɔŋ.
Yaa nɔ okɛɛ Akɛ, “Ba!”
6 Mɛi ni ba Kaimɔ lɛ he akɔntaabuu kɛha Ghana lɛ tsɔɔ akɛ gbɔmɛi ni miihe ashɛ 100,000 ni jeee shiɛlɔi baa nɛkɛ kpee ni he hiaa nɛɛ shishi. Ani ole mɛi ni nɛkɛ gbɔmɛi nɛɛ ji yɛ osafo lɛ mli? Ani amɛshɛɔ Buu-Mɔɔ Iɛ eko? Mɛni afeɔ koni akɛye abua amɛ ni amɛya amɛhiɛ yɛ mumɔŋ?
7 Ninefɔɔ, “Ba!” lɛ ji nɔ ko ni akpaa mli ahaa gbɔmɛi ni jɛ jeŋmaji fɛɛ mli. Yehowa etsɔ e-Bi Yesu nɔ ekɛ mlihilɛ eto gbɛjianɔ koni ekɛ wala nikeenii aha mɔ fɛɛ mɔ ni baahere ninefɔɔ akɛ, “Ba!” ni “amɛbahe wala nu lɛ yaka” lɛ nɔ lɛ. Ani obaana nine ni afɔɔ mɛi krokomɛi yɛ June mli nɛɛ mli gbɛfaŋnɔ babaoo?