Too Otsui Shi ni Otsu Sɔɔmɔ Nitsumɔ Iɛ Kɛmɔ Shi
1 Bɔfɔ Paulo tee nɔ ehiɛ gbɛnaa nii ahenumɔ kpakpa mli yɛ Yehowa hiɛ akɛ ebaato etsui shi ni etsu nii kɛmɔ shi beni eshiɛɔ sanekpakpa lɛ etsɔɔ mɛi fɛɛ ni baabo toi lɛ. Ekɛ nɔmimaa kɛɛ nɔkwɛlɔi ni jɛ Efeso ni babua amɛhe naa lɛ akɛ: “Miwala hu mibuuu akɛ ejara wa yɛ mihiɛ, bɔni afee ni mikɛ miishɛɛ agbe migbɛnyiɛmɔ lɛ kɛ sɔɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ duromɔ sanekpakpa lɛ he odase faŋŋ lɛ naa.” (Bɔfoi 20:24) Ani wɔnuɔ gbɛnaa nii ni ka wɔnɔ akɛ wɔ hu wɔfee nakai lɛ he?—1 Kor. 9:16.
Ni Aaato Naa Atsu Nii
2 Hegbɛ yɛ ni abaanyɛ ato shikpɔŋkuku lɛ mli nitsumɔ naa yɛ maŋ nɛɛ mli hei komɛi lɛ. Shi kɛlɛ, yɛ hei pii hu lɛ, enɛ feemɔ bɛ mlɛo, ni yɛ bei babaoo mli lɛ, nyɛmimɛi lɛ shiɔ shiai lɛ ekomɛi yɛ shiɛmɔ nitsumɔ lɛ mli yɛ naatsii be nɛɛ mli. Yɛ enɛ po mli lɛ, abaanyɛ ato naa atsu shikpɔŋkuku lɛ mli nii kɛtsɔ nakai shikpɔŋkuku lɛ nɔŋŋ mli ni aaaku sɛɛ aya ekoŋŋ, shi yɛ nɛkɛ be nɛɛ mli lɛ, ni aaatsu nii yɛ shiai ni ashi klɛŋklɛŋ lɛ amli lɛ nɔ.
3 Aawo mɛi fɛɛ hewalɛ ni amɛkɛ House-to-House Record woji bibii lɛ atsu nii jogbaŋŋ koni anyɛ adi mɛi ni yɔɔ wiemɔ lɛ he miishɛɛ lɛ asɛɛ yɛ shikpɔŋkuku lɛ mli. Too otsui shi, koni oye Obua mɛi ni yɔɔ he miishɛɛ yɛ anɔkwale mli lɛ fiofio koni amɛjie hiɛsɔɔ kpo yɛ Nyɔŋmɔ Maŋtsɛyeli lɛ he hiɛnɔkamɔ ni damɔ Biblia lɛ nɔ lɛ he.
4 Eshɛɔ bei komɛi ni kɛji wɔtee mɛi lɛ aŋɔɔ lɛ, eyɛ mli akɛ amɛjieɔ miishɛɛ kpo yɛ wiemɔ lɛ he moŋ, shi amɛheee wɔwoji lɛ eko. Te esa akɛ wɔfee wɔnii wɔha tɛŋŋ? Mɔdɛŋ ni wɔbɔɔ akɛ wɔɔtsu nii ni emɔ shi lɛ baatsirɛ wɔ ni wɔmia wɔhiɛ ni Wɔha miishɛɛ Iɛ aya hiɛ. Ni wɔɔbaa nɔ ni adu awo amɛtsuii amli lɛ ayi lɛ baatsirɛ amɛ ni naagbee lɛ amɛkpɛlɛ Biblia mli nikasemɔ nɔ. Nyɛminuu ko tee shiatsɛ ko ni yɔɔ wiemɔ lɛ he miishɛɛ lɛ ŋɔɔ otsii enumɔ sɔŋŋ kɛtsara nɔ ni eheee wolo kome folo po. Beni etee jɛmɛ nɔ ni ji shii ekpaa nɔ lɛ, shiatsɛ lɛ he wolo, ni yɛ naagbee lɛ amɛje Biblia mli nikasemɔ shishi.
Woji Bibii Lɛ Kɛhamɔ
5 Wɔ Saneyitso Kɛha Sanegbaa yɛ August kɛ September mli ji “Jeŋ Hee Ko—Kɛtsɔ Namɔ Nɔ?” Abaanyɛ atsɔ gbɛi sɔrɔtoi anɔ akɛ nɛkɛ saneyitso nɛɛ atsu nii yɛ be mli ni wɔkɛ woji bibii nɛɛ eko fɛɛ eko haa lɛ: Na Wala Mli Ŋɔɔmɔ yɛ Shikpɔŋ nɔ Kɛya Naanɔ!, “Naa! Mifee Nii Fɛɛ Ehee,” The Divine Name That Will Endure Forever, kɛ Nɔyeli ni kɛ Paradeiso Baaba. Wɔmiiwo hewalɛ ni wɔkɛ wɔwoji bibii lɛ atsu nii waa yɛ nɛkɛ tafaa be nɛɛ mli. Amɛjara yɛ mlɛo bɔ ni mɛi babaoo baanyɛ amɛhe eko ni emli sane lɛ yɛ kuku ni eyɛ fɛɛ hu. Kɛji wɔhe be ni wɔkɛle woji bibii nɛɛ amli saji jogbaŋŋ lɛ, wɔbaana saneyitsei babaoo ni wɔbaanyɛ wɔkɛtsu nii kɛfata Saneyitso Kɛha Sanegbaa lɛ he.
6 Akɛ nɔkwɛmɔ nɔ lɛ, wɔbaanyɛ wɔtsɔɔ mɛi ni wɔji bɔ ni sa kɛkɛ, ni wɔkɛɛ akɛ: “Mɛni osusuɔ yɛ shi ni adesai ewo akɛ amɛkɛ jeŋ fɛɛ toiŋjɔlɛ baabalɛ he? [Ŋmɛɛ gbɛ ni eha hetoo.] Kwɛmɔ nɔ ni Biblia lɛ wieɔ yɛ adesai anyɛmɔ he yɛ enɛ he. [Kanemɔ Yeremia 10:23.] Adesa ema nɔ mi faŋŋ yɛ afii ohai abɔ ni eho lɛ fɛɛ mli akɛ enyɛŋ eye lɛ diɛŋtsɛ ehe nɔ lɛlɛŋ. Shi, kadimɔ Nyɔŋmɔ shiwoo ni anyɛɔ akɛ he fɔɔ nɔ nɛɛ. (Kanemɔ 2 Petro 3:13.] No hewɔ lɛ Nyɔŋmɔ shiwoo ni yɔɔ Shiŋŋ ni kɔɔ shikpɔŋ hee he lɛ baaba mli anɔkwale.” Kɛkɛ lɛ no sɛɛ lɛ wɔbaanyɛ wɔwo shiatsɛ lɛ hewalɛ ni ekane woji bibii lɛ eko. Kɛji “Naa!, miifee Nii Fɛɛ Ehee” wolo bibioo lɛ wɔkɛtsuɔ nii lɛ, no lɛ wɔbaanyɛ wɔgbala shiatsɛ lɛ jwɛŋmɔ kɛya nɔ ni ajaje yɛ baafa 30, kuku 58 lɛ nɔ. Kɛji wɔkɛ Nɔyeli wolo bibioo lɛ miiha lɛ. wɔbaanyɛ wɔma nɔ ni awie yɛ klɛŋklɛŋ kuku ni yɔɔ baafa 3 lɛ nɔ mi. Mfoniri ni yɔɔ Wala yɛ Shikpɔŋ Nɔ wolo bibioo lɛ hiɛ lɛ gbalaa mɔ jwɛŋmɔ waa ni ekɛ Saneyitso Kɛha Sanegbaa lɛ tsaa jogbaŋŋ. Agbɛnɛ hu, abaanyɛ akɛ kuku ni ji etɛ yɛ Divine Name wolo bibioo lɛ baafa 31 lɛ atsu nii.
7 Ni wɔkɛ tsuishitoo aaato naa Wɔshiɛ sanekpakpa lɛ yɛ wɔshikpɔŋkuku lɛ mli jogbaŋŋ lɛ baafee yiwalaheremɔ aha mɛi ni boɔ wɔ toi lɛ. (1 Tim. 4:16) Be lɛ miiho! No hewɔ lɛ, esa akɛ wɔto wɔtsui shi ni wɔye odase ni emɔ shi yɛ be mli ni wɔnaa yiwalaheremɔ shɛɛ sane lɛ shiɛmɔ mli gbɛfaŋnɔ kɛmɔɔ shi lɛ.