“Nyɛyaa Nɔ Nyɛfea Enɛ Ni Nyɛŋɔkai Mi”
1 Yesu fa esɛɛnyiɛlɔi lɛ ni amɛye egbele lɛ kɛ gbijurɔ. (Luka 22:19) Nɛkɛ gbijurɔyeli nɛɛ baafee afɔle kpeteŋkpele ni Yesu sha yɛ adesai ahewɔ lɛ kaimɔ. Afi nɛɛ Yehowa Odasefoi ni yɔɔ jeŋ fɛɛ lɛ baaye Kristo gbele lɛ Kaimɔ lɛ gbijurɔ yɛ Sohaa, April 17, beni hulu enyɔ shi sɛɛ.
2 Mɔ Diɛŋtsɛ Hesaamɔ: Te wɔɔfee tɛŋŋ wɔsaa wɔhe jogbaŋŋ kɛha be ni he hiaa nɛɛ yeli lɛ? Gbɛ kome ji ni wɔkɛ sɔlemɔ asusu Yesu shikpɔŋ nɔ shihilɛ kɛ esɔɔmɔ nitsumɔ lɛ he. Ebaafee adesai a-Kpɔlɔ kɛtsɔ ewala ni akɛsha afɔle akɛ adesa ni yeɔ emuu lɛ nɔ. (Mat. 20:28) Bɔni afee ni eye ebua wɔteŋ mɔ fɛɛ mɔ ni wɔhiɛ asɔ gbɛjianɔtoo ni tamɔ nɛkɛ lɛ, wɔmiijie yi akɛ wɔkane Gbɔmɔ ni Fe Mɔ Fɛɛ Mɔ ni Ehi Shi Pɛŋ wolo lɛ yitsei 112 kɛyashi 116.
3 Taakɛ wɔkadi yɛ 1992 Calender of Jehovah’s Witnesses lɛ nɔ lɛ, wɔ Biblia kanemɔ dani afi nɛɛ Kaimɔ lɛ aje shishi lɛ kukuji ni ahala kɛjɛ Biblia mli wolo ni ji Marko mli. Ato nɛkɛ Biblia kanemɔ krɔdɛɛ nɛɛ he gbɛjianɔ aha gbii ekpaa ni jeɔ shishi kɛjɛɔ Hɔgbaa kɛyashiɔ Sohaa, April 12-17. Wɔ fɛɛ wɔbaasumɔ ni wɔhe be ni fa ni wɔkɛ jwɛŋ saji ni hiɛdɔɔ yɔɔ mli nɛɛ anɔ.
4 Onukpai Ahesaamɔ ni Mɔɔ Shi Jogbaŋŋ: Nyɛkwɛa akɛ nyɛyɛ Kaimɔ lɛ he woji ni akɛfɔɔ mɛi nine lɛ eko. Ani sɛii ni fa yɛ kɛha mɛi ni akpaa gbɛ akɛ amɛbaaba lɛ? Kɛ asafoi fe ekome baaba asa lɛ nɔ lɛ, belɛ gbɛjianɔtoo kpakpa he miihia koni asafo fɛɛ asafo ana be ni fa kɛha Kaimɔ lɛ yeli. Esa akɛ aha mɛi ni baakwɛ shitaramɔ kɛ nibii krokomɛi anɔ lɛ ale amɛnitsumɔi lɛ. Amɛbaasumɔ ni amɛŋɔ hegbɛ lɛ ni amɛkɛhere mɛi heei ni baa lɛ atuu. Esa akɛ ahala wielɔ ni he esa jogbaŋŋ ni baatsɔɔ saji lɛ amli fitsofitso yɛ ŋmalɛ naa. Ahala onukpai loo asafoŋ sɔɔlɔi ni sa ni amɛkɛ Kaimɔ nibii lɛ atsɔɔ. Esa akɛ ana akpiti aboloo kɛ wein tsuru ni akɛ nɔ ko futuko mli. Kɛha kaimɔi krokomɛi ni fata he lɛ, kwɛmɔ February 1, 1985, Buu-Mɔɔ lɛ baafa 27.
5 Kɛ wɔtsɔ hiɛ wɔsaa wɔhe jogbaŋŋ lɛ, wɔbaatsɔɔ akɛ wɔhiɛ sɔɔ nɔ ni be krɛdɛɛ nɛɛ tsɔɔ lɛ jogbaŋŋ ni akɛ wɔmiisumɔ ni wɔye Kristo gbele lɛ Kiamɔ lɛ yɛ Yesu famɔ lɛ toiboo mli.—1 Kor. 11:23-26.
[Box on page 7]
1. Ani aha mɔ fɛɛ mɔ, ni wielɔ lɛ fata he lɛ ele be pɔtɛɛ kɛ he ni abaaye gbijurɔ Iɛ yɛ lɛ? Ani wielɔ lɛ ena tsɔne ni ekɛbaaba?
2. Ani ato gbɛjianɔ diɛŋtsɛ koni nine ashɛ nibii ni akɛbaaye Kaimɔ lɛ anɔ?
3. Ani ato gbɛjianɔ koni mɔ ko kɛ okpɔlɔ nɔhaanɔ fɛfɛo ni he tse kɛ glasei kɛ plɛtei ni sa aba?
4. Mɛɛ gbɛjianɔ ato koni asaa asa lɛ nɔ dani Kaimɔ lɛ ashɛ kɛ no sɛɛ bɛɛmɔ kɛji asafo kroko baaba asa lɛ nɔ nakai gbɛkɛ Iɛ?
5. Ani ahala mɛi ni baakwɛ shitaramɔ nɔ kɛ mɛi ni kɛ Kaimɔ lɛ shishi okadi nibii Iɛ baaha mɛi lɛ? Ani ato be akɛ akɛ amɛ baakpe dani Kaimɔ lɛ ashɛ koni akɛ amɛ asusu amɛnitsumɔi lɛ ahe? Mɛɛ be? Mɛɛ gbɛ nɔ abaatsɔ ni ana akɛ akɛ okadi nibii lɛ etsɔɔ mɔ fɛɛ mɔ?
6. Ani ato gbɛjianɔ aha nyɛmimɛi hii kɛ yei ni amɛdara yɛ afii amli kɛ mɛi ni bɛ gbɔmɔtsoŋ hewalɛ lɛ agbe naa? Ani ato gbɛjianɔ ni akɛ niyenii Iɛ eko baaya ayaha mɛi ni afɔ amɛ mu lɛ ateŋ mɔ ko ni hela hewɔ lɛ enyɛɛɛ shi ete ni eba Maŋtsɛyeli Asa lɛ nɔ lɛ?