Buu-Mɔɔ lɛ Kɛhamɔ yɛ June mli
1 Atsɔɔ Buu-Mɔɔ lɛ yiŋtoo mli faŋŋ yɛ eko lɛɛ eko mli yɛ baafa 2 yiteŋgbɛ. Mɛni wɔbaanyɛ wɔfee yɛ nakai yiŋtoo ni ajaje lɛ kɛ gbeekpamɔ naa, bɔni afee ni wɔkɛye wɔbua mɛi babaoo bɔ ni wɔɔnyɛ? Wɔkɛ mɔdɛŋbɔɔ krɛdɛɛ ko baatsu nii yɛ June mli, koni wɔkɛwo mɛi fɛɛ ni jieɔ miishɛɛ kpo yɛ Maŋtsɛyeli lɛ he sane lɛ he lɛ hewalɛ ni amɛkane Buu-Mɔɔ daa.
2 Wɔbaanyɛ wɔkɛɛ mɔ ko ni kɛɔ akɛ eji Kristofoi lɛ akɛ:
◼ “Wɔmiibi wɔ akutso nɛɛ mlibii sanebimɔ ko, ni wɔbaana hetoo ni obaaha lɛ he miishɛɛwaa. Akɛni Yesu tsɔɔ wɔ ni wɔsɔle ni Nyɔŋmɔ Maŋtsɛyeli lɛ aba koni ni wɔsɔle ni Nyɔŋmɔ Maŋtsɛyeli lɛ aba koni afee E-suɔmɔnna nii yɛ shikpɔŋ nɔ taakɛ afeɔ yɛ ŋwɛi lɛ hewɔ lɛ, ani osusuɔ akɛ abaafee Nyɔŋmɔ suɔmɔnaa nii yɛ shikpɔŋ nɛɛ nɔ yɛ biɛ lɛlɛŋ?” Ŋmɛɛ lɛ gbɛ ni eha hetoo, koni no sɛɛ lɛ ogbele kɛya Yesaia 55:10, 11, koni oha shiatsɛ lɛ akadi bɔ ni Nyɔŋmɔ shiwoi fɛɛ baaba mli lɛlɛŋ lɛ.—rs, bf. 12, hiɛkpamɔ wiemɔ ni ji enyɔ yɛ “Kingdom” shishi.
3 Kɛji shiatsɛ lɛ jie miishɛɛ kpo lɛ, obaanyɛ otsa nɔ akɛ:
◼ “Yiŋtoi ni Buu-Mɔɔ lɛ hiɛ lɛ ateŋ ekome ji ni egbala jwɛŋmɔ kɛba Biblia mli gbalɛ mlibaa nɔ. Kadimɔ nɛkɛ sane ni eŋma yɛ mli nɛɛ.” No sɛɛ lɛ, gbalamɔ ejwɛŋmɔ kɛya klɛŋklɛŋ sane ni yɔɔ May 1 Buu-Mɔɔ lɛ mli, ni ji “1914—Afi ni Ha Je Lɛ He Jɔ̃ Ehe Lɛ” nɔ, ni okɛɛ lɛ akɛ: “Ekolɛ osusu he da, akɛ, ‘Mɛni hewɔ esa akɛ osusu 1914 he?’ Kadimɔ nɔ ni kuku 2 lɛ kɛɔ yɛ 1914 he yɛ Buu-Mɔɔ nɛɛ mli.” No sɛɛ lɛ, kanemɔ nakai kuku lɛ. Kɛji nyɛbɛ May 1 nɔ lɛ eko lɛ, no lɛ abaanyɛ akɛ April 1 nɔ lɛ mli sane ni ji “Anɔkwa Heyeli—Nɛgbɛ Ebaajɛ Eba?” lɛ atsu nii.
4 Obaanyɛ odamɔ miishɛɛ ni aaajie lɛ kpo lɛ nɔ ni okɛ woji tɛtrɛbii lɛ mli ehee ni yɔɔ lɛ aha. Kɛji mɔ lɛ le wɔ woji lɛ jogbaŋŋ ni ejeɔ hiamɔ kpo yɛ he, ni ekolɛ: ekɛɛ akɛ, “Mikaneɔ nyɛwoji woji tɛtrɛbii lɛ daa” lɛ, no obaanyɛ ogbála bɔ ni eeefee ni enine ashɛ Buu-Mɔɔ lɛ nɔ daa kɛtsɔ eshɛɛ nɔ lɛ mli otsɔɔ lɛ.
5 Kɛji oosumɔ ni nyɛsanegbaa lɛ sɛɛ atsɛ lɛ, no lɛ obaanyɛ ogbála nakai shiɛmɔ wiemɔi Iɛ nɔŋŋ mli ni okɛ ŋmalɛ ni yɔɔ Kpojiemɔ 21:3-5 lɛ afata he, taakɛ atsɔɔ mli yɛ Reasoning wolo lɛ mli Iɛ.
Yɛ enɛ mli lɛ, kɛji okane Yesaia 55:10,11 lɛ ogbe naa lɛ, obaanyɛ okɛɛ akɛ:
◼ “Etsɛŋ ni gbalɛ ko ni yɔɔ nyam ni tsɔɔ Nyɔŋmɔ yiŋtoo yɛ shikpɔŋ nɛɛ he lɛ baaba mli. Ebaasa mikɛ bo fɛɛ wala he. Bo nɔ ni aŋma yɛ Kpojiemɔ 21:3-5 nɛɛ toi.” Kɛkɛ lɛ obaanyɛ okane kukuji lɛ koni nyɛsusu jɔɔmɔi ni baaba yɛ Nyɔŋmɔ Maŋtsɛyeli nɔyeli lɛ shishi lɛ ahe. Maa bɔ ni Buu-Mɔɔ lɛ tswaa Nyɔŋmɔ Maŋtsɛyeli nɔyeli lɛ he adafi lɛ nɔ mi oha lɛ.
Obaanyɛ okɛɛ akɛ:
◼ “Nɔ ni je kpo yɛ May 1 lɛ wie sane ni ji ‘Namɔ Aaaje “Fimɔ Be” lɛ Mli?’ lɛ he. Ebaaye ebua bo ni ona bɔ ni ooofee ni ohi jalɛ jeŋ hee lɛ mli yɛ Nyɔŋmɔ Maŋtsɛyeli ni wɔkane he sane yɛ Kpojiemɔ 21 lɛ shishi.” Kɛji nyɛbɛ May 1 nɔ lɛ eko lɛ, abaanyɛ akɛ nɔ ni je kpo yɛ April 1, ni hiɛ saneyitso ni ji “Ani Adesa ‘Jeŋ Gbɛjianɔtoo Hee’ lɛ Ebɛŋkɛ?” lɛ atsu nii.
6 Okɛ Buu-Mɔɔ lɛ Atsu Nii Akɛ Nɔdaamɔ Nɔ Kɛha Biblia Kasemɔ: Oti ni ma wɔhiɛ ji ni wɔye wɔbua mɛi krokomɛi ni amɛkase anɔkwale lɛ koni amɛ hu amɛbatsɔmɔ Yehowa nanemɛi nitsulɔi, ni amɛbafata wɔhe kɛtswa Yehowa Maŋtsɛyeli lɛ he adafi. No hewɔ lɛ, kɛji wɔna mɛi ni yɔɔ wiemɔ lɛ he miishɛɛ lɛ, wɔbaasumɔ ni wɔkai nakai mɛi lɛ ni wɔya amɛŋɔɔ amrɔ nɔŋŋ.
7 Yɛ be mli ni wɔkɛ mɛi krokomɛi gbaa anɔkwale lɛ he sane kɛtsɔɔ Buu-Mɔɔ lɛ yelikɛbuamɔ nɔ lɛ, eba akɛ wɔɔbi Yehowa gbɛtsɔɔmɔ daa yɛ wɔnitsumɔ lɛ nɔ, koni eha wɔna mɛi ni hiɛ gwantɛŋ su lɛ ni wɔlɛ amɛ.—Yoh. 21:15-17.