Ye Obua Mɛi Krokomɛi Ni Amɛkase Nyɔŋmɔ Bi, Yesu Kristo He Nii
1 December ji nyɔŋ ni mɛi pii ni tsɛɔ amɛhe Kristofoi lɛ susuɔ Yesu he babaoo fe be fɛɛ yɛ afi lɛ mli lɛ. Enɛ hewɔ lɛ, eji nyɔŋ ni hi jogbaŋŋ ni akɛ Gbɔmɔ ni Fe Mɔ Fɛɛ Mɔ ni Ehi Shi Pɛŋ wolo lɛ aaaha. Akɛni enɛ ji wolo ni he yɔɔ sɛɛnamɔ hewɔ lɛ, esa akɛ wɔfee bɔ fɛɛ bɔni wɔɔnyɛ ni wɔtsɔ wolo nɛɛ nɔ wɔye wɔbua shiatsɛ lɛ. Te wɔɔfee tɛŋŋ wɔnyɛ wɔfee nakai?
2 Bɔɔ mɔdɛŋ ni okɛ ohe awo Biblia mli sanegbaa ni gbalaa jwɛŋmɔ kɛyaa Yesu nɔ lɛ mli.
Beni oŋa shiatsɛ lɛ sɛɛ lɛ, obaanyɛ okɛɛ nɔ ko nɛkɛ akɛ:
◼ “Ŋmɛnɛ lɛ wɔmiibi wɔnanemɛi fɛɛ nɔ ni amɛsusuɔ kɛ amɛkane shihilɛ kɛmiiya naanɔ he sane yɛ amɛ Biblia mli. [ŋmɛɛ gbɛ ni ewie.] Eji nɔ ko ni anyaa he waa ejaakɛ Biblia lɛ wieɔ nii ni baanyɛ aba mli nɛɛ he aaafee shii 40. Mɛni shihilɛ ni tamɔ enɛ lɛ baatsɔɔ kɛha wɔ? Kadimɔ nɔ ni Kpojiemɔ 21:4 kɛɔ Iɛ. [Kanemɔ.] Ani okadi nɔ ni awo shi yɛ he lɛ? [Ŋmɛɛ gbɛ ni ewie.] Te wɔɔfee tɛŋŋ wɔna naanɔ wala?” Kanemɔ Yohane 17:3, ni oma bɔ ni ehe hiaa ni ana Nyɔŋmɔ kɛ e-Bi, Yesu Kristo he nilee lɛ nɔ mi. Yɛ enɛ sɛɛ Iɛ wɔbaaya nɔ wɔkɛ Gbɔmɔ ni Fe Mɔ Fɛɛ Mɔ wolo lɛ atsɔɔ Iɛ ni wɔkɛ yitsei bibii ni yɔɔ hiɛkpamɔ wiemɔ Iɛ mli lɛ afee nakai ni wɔkɛtee emiishɛɛ shi.
3 Kɛ shiatsɛ lɛ ekpɛlɛɛɛ nɔ lɛ, okɛ Buu-Mɔɔ lɛ kɛ Awake! ni eba ehee lɛ eko aloo Ani Je Nɛɛ Baaya nɔ Ahi Shi? dɛhiɛmɔ wolo Iɛ aha lɛ. Gbalamɔ ejwɛŋmɔ kɛya oti titri kome loo enyɔ nɔ yɛ wolo ni okɛhaa lɛ mli. Kɛɛmɔ lɛ akɛ obaaku osɛɛ oba yɛ be ni sa mli koni obatsa sane ni okɛ lɛ gbaa lɛ nɔ.
4 Kɛji etamɔ nɔ ni shiatsɛ lɛ bɛ deka lɛ, eeefee nɔ ni nilee yɔɔ mli akɛ ooofee shiɛmɔ wiemɔ ni yɔɔ yiteŋgbɛ Iɛ kuku. Shiɛlɔi heei hu baanyɛ ana shiɛmɔ wiemɔ ni nyiɛ sɛɛ nɛɛ akɛ ewaaa kɛ nitsumɔ.
Beni wɔjie wɔhe kpo lɛ sɛɛ lɛ, wɔbaanyɛ wɔkɛɛ akɛ:
◼ “Ŋmɛnɛ lɛ wɔmiibi wɔnanemɛi fɛɛ nɔ ni amɛsusuɔ kɛ amɛkane shihilɛ kɛmiiya naanɔ he sane yɛ amɛ Biblia lɛ mli lɛ. Akɛ nɔkwɛmɔ nɔ lɛ, kadimɔ nɔ ni Yesu kɛɛ yɛ Yohane 17:3 lɛ. [Kanemɔ.] Bɔni afee ni wɔye wɔbua mɛi ni amɛkase Yesu Kristo kɛ nɔ ni etsɔɔ lɛ he nii babaoo Iɛ hewɔ ni afee wolo nɛɛ.” Gbelemɔ he ni abaana mfonirii fɛfɛji Iɛ yɛ Gbɔmɔ ni Fe Mɔ Fɛɛ Mɔ wolo lɛ mli. Gbelemɔ he ni hiɛkpamɔ wiemɔ lɛ yɔɔ lɛ, ni okane kuku ni ji enyɔ lɛ yɛ yitso bibioo ni ji “Na Ehe Nikasemɔ he Sɛɛ” lɛ shishi. No sɛɛ Iɛ, okɛ wolo lɛ aha kɛ jwɛŋmɔ kpakpa.
5 Kɛ okɛ wolo lɛ ha Iɛ, too Biblia kasemɔ he gbɛjianɔ kɛtsɔ nine ni ooofɔ lɛ lɛ nɔ ni okɛlɛ asusu klɛŋklɛŋ yitso ni ji “Shɛɛ Saji ni Ŋwɛi” lɛ he yɛ nakai be lɛ mli loo yɛ be mli ni okuɔ osɛɛ oyasaraa Iɛ yɛ gbii fioo komɛi asɛɛ Iɛ. Yɛ nɔ najiaŋ ni oootsi be pɔtɛɛ ni okɛ shiatsɛ lɛ aaaye yɛ osaramɔ ni nyiɛ sɛɛ lɛ mli lɛ tã lɛ, kɛɛmɔ lɛ kɛkɛ akɛ, ebaanyɛ ekase Yesu Kristo he saji ni yɔɔ miishɛɛ babaoo he nii yɛ minitii fioo pɛ mli kɛjɛ Nyɔŋmɔ Wiemɔ, ni ji Biblia lɛ mli.
6 Eba akɛ wɔ fɛɛ wɔkɛ je lɛŋ hejɔɔmɔ gbii nɛɛ aaatsu nii ni wɔkɛgbala mɛi ajwɛŋmɔ kɛba anɔkwale ni kɔɔ Nyɔŋmɔ Bi, Yesu Kristo he Iɛ nɔ, bɔni afee ni wɔye wɔbua mɛi krokomɛi ni amɛbale gbɛ ni kɛ mɔ yaa naanɔ wala mli lɛ nɔ.—Mat. 7:14.