Sanebimɔ He

◼ Mɛɛ be esa akɛ afee Asafo Woloŋ Nikasemɔ?

 Bei pii lɛ eji nɔ ni hi kɛ nitsumɔ kɛ nɔ ni sa jogbaŋŋ hu akɛ aaaha woloŋ nikasemɔ kui sɔrɔtoi lɛ akpe yɛ hei ni egbɛ eshwa asafo lɛ shikpɔŋkuku lɛ mli fɛɛ fe nɔ ni aaaha mɔ fɛɛ mɔ akpe yɛ Maŋtsɛyeli Asa lɛ nɔ. Esa akɛ afee nikasemɔi nɛɛ yɛ be ni sa jogbaŋŋ mli kɛha mɛi ni ato aha akɛ amɛya asafo woloŋ nikasemɔ he pɔtɛɛ ko lɛ ateŋ mɛi babaoo. Bei pii lɛ, afeɔ enɛ yɛ gbɛkɛ yɛ otsi lɛ mli be mli ni afeee kpeei krokomɛi lɛ loo ni atoko sɔɔmɔ nitsumɔi lɛ ahe gbɛjianɔ ko nakai gbi lɛ. Shi kɛlɛ, ebaafee nɔ ni sɛɛnamɔ yɔɔ he akɛ aaato gbɛjianɔ ni afee woloŋ nikasemɔ lɛ yɛ gbi lɛ mli shwane mli bɔni afee ni aha mɛi ni edara ni shashaoɔ shi akɛ amɛaaje kpo amɛya he ko beni duŋ ewo sɛɛ lɛ kɛ mɛi hu ni tsuɔ nii gbɛkɛ lɛ anyɛ aya eko. Yɛ shihilɛi fioo komɛi amli lɛ, ebaafee nɔ ni hiɔ kɛ nitsumɔ akɛ aaakase nii yɛ gbi lɛ mli yɛ otsi lɛ naagbee.

Onukpai lɛ baanyɛ afee nii amlitaomɔi ni ja koni amɛkɛle kpee abei ni baafee “nɔ ni sa jogbaŋŋ kɛha shiɛlɔi lɛ ateŋ mɛi babaoo” kɛ mɛi ni yɔɔ wiemɔ lɛ he miishɛɛ hu. (om bf. 62) Esa akɛ be ni ahalaa lɛ afee gbi kɛ ŋmɛlɛtswaa ni haŋ afite gbɛjianɔtoo kɛha shiɛmɔyaa lɛ.