Sanekpakpa Kɛha Heshibalɔi Lɛ
1 Wɔyɛ be ni kojomɔ bɛŋkɛɔ lɛ mli. (Ezek. 9:5, 6) Ehe miihia ni atsɔɔ heshibalɔi ni yɔɔ he fɛɛ he lɛ anii, koni amɛnyɛ amɛsaa amɛhe kɛha nɔ ni baa lɛ. Yehowa ejɛ emɔbɔnalɛ mli ekɛ famɔ eha ewebii lɛ “koni amɛjaje sanekpakpa lɛ amɛtsɔɔ heshibalɔi lɛ.” (Yes. 61:1, 2, New World Translation) Wɔ woji tɛtrɛbii lɛ yeɔ ebuaa wɔ ni wɔjajeɔ sanekpakpa nɛɛ wɔtsɔɔ yɛ he fɛɛ he.
2 Buu-Mɔɔ kɛ Awake! lɛ kɛ mumɔŋ niyenii ni wa ni wajeɔ wɔ ni kanyaa wɔ lɛ haa. Buu-Mɔɔ lɛ kɛ sanekpakpa lɛ shɛjeɔ heshibalɔi amii akɛ etsɛŋ ni Nyɔŋmɔ Maŋtsɛyeli lɛ baatsake shikpɔŋ nɛɛ efee lɛ paradeiso. Awake! lɛ tswaa shiwoo ni Bɔlɔ lɛ kɛha yɛ toiŋjɔlɛ jeŋ hee ni yɔɔ shweshweeshwe he lɛ mli hekɛnɔfɔɔ emaa shi. Woji nɛɛ ajaa yɛ he fɛɛ he lɛ ji gbɛi ni yɔɔ oya ni atsɔɔ nɔ akɛ sanekpakpa lɛ yahaa heshibalɔi lɛ ateŋ ekome. Mɛɛ saji otii wɔbaanyɛ wɔma nɔ mi yɛ ehee ni baa lɛ mli?
3 Obaanyɛ okɛ May 1 “Buu-Mɔɔ” lɛ aha kɛtsɔ sane ni ji “Daa Biblia Kanemɔ He Sɛɛ ni Aaana” lɛ ni okɛaatsɔɔ lɛ lɛ nɔ koni obi sane akɛ:
◼ “Mɛɛ sɛɛnamɔ osusuɔ akɛ wɔbaanyɛ wɔna kɛjɛ Biblia lɛ kanemɔ mli? [Ŋmɛɛ gbɛ ni ewie.] Biblia lɛ diɛŋtsɛ yeɔ ebuaa wɔ yɛ Romabii 15:4, koni wɔsusu nakai sanebimɔ lɛ he. [Kanemɔ Romabii 15:4.] Wɔ akutso lɛŋ bii pii yɛ Biblia, shi mɛi fioo pɛ taoɔ be amɛkɛkaneɔ daa. Wɔheɔ wɔyeɔ akɛ abaana hiɛnɔkamɔ kome pɛ ni ma shi shiŋŋ lɛ kɛbaajɛ Biblia lɛ mli, ni wɔbaana he sɛɛ akɛ wɔɔkane.” Wiemɔ saji kpakpai krokomɛi ahe ofata he, koni okɛ woji tɛtrɛbii lɛ aha.
4 May 15 “Buu-Mɔɔ” lɛ wieɔ nɔ ko ni atɛŋ lɛ fɛfɛo ni feɔ Paradeiso shihilɛi yɛ jeŋ hee lɛ mli lɛ he mfoniri. Obaanyɛ oje shishi kɛtsɔ enɛ kɛɛmɔ nɔ:
◼ “Miikwɛ shihilɛ, yɛ jeŋ ni tamɔ nɛkɛ mli, yɛ wɔsɛɛ be ni ebɛŋkɛ lɛ mli lɛ gbɛ. Mɛni osusuɔ akɛ obaana mli ŋɔɔmɔ fe fɛɛ yɛ shihilɛi ni tamɔ nɛkɛ shishi? [Ŋmɛɛ gbɛ ni ewie.] Hiɛnɔkamɔ nɛɛ jeee lamɔ ko kɛkɛ; eji shiwoo ni ma shi shiŋŋ ni aŋma yɛ Nyɔŋmɔ Wiemɔ lɛ mli.” Kanemɔ Yesaia 32:17, 18, ni otsɔɔ bɔ ni Buu-Mɔɔ lɛ kɛ Yehowa Maŋtsɛyeli lɛ he tsɔsemɔ ni yaa hiɛ kɛ nɔ ni esa akɛ wɔfee ni wɔna emli jɔɔmɔi lɛ haa lɛ mli.
5 Obaanyɛ okɛ May 8 “Awake!” lɛ aha kɛtsɔ sanebimɔ nɔ akɛ:
◼ “Mɛni osusuɔ akɛ ehe baahia koni eha shihilɛ aŋɔɔ diɛŋtsɛ?” Ŋmɛɛ gbɛ ni ewie. Kwɛmɔ sane ni ji “What Is the Meaning of Life?” ni yɔɔ baafa 26 lɛ, ni okane Salomo wiemɔi ni yɔɔ Jajelɔ 2:11. No sɛɛ lɛ, tsɔɔmɔ lɛ eŋaawoo ni yɔɔ yitso 12 lɛ, kuku 13. Kɛɛmɔ shiatsɛ lɛ ni ehe wolo tɛtrɛɛ lɛ.
6 Kɛ okɛ woji tɛtrɛbii lɛ miitsu nii dani May 14 ashɛ lɛ, no lɛ kwɛmɔ ni okɛ Maŋtsɛyeli Sane No. 34 lɛ ekomɛi aya ni okɛyaha mɔ fɛɛ mɔ ni nako eko lolo lɛ. Be mli ni wɔjaa woji tɛtrɛbii lɛ, esa akɛ wɔkai ni wɔgbala jwɛŋmɔ kɛba wolo-shɛɛ he gbɛjianɔ ni ato lɛ nɔ yɛ hegbɛ fɛɛ hegbɛ ni wɔɔna lɛ mli. Esa akɛ wɔfee klalo daa akɛ wɔkɛ wɔ woji lɛ aaaha, ni wɔyoo akɛ mɛi krokomɛi ni yɔɔ weku lɛ mli lɛ kɛ nanemɛi ni aaabasara wɔ lɛ baanyɛ akane. (1 Tim. 6:18) Sanekpakpa lɛ ni wɔkɛyahaa heshibalɔi lɛ aaanyɛ ahere amɛyiwala.—1 Tim. 4:16.