Teokrase lɛ He Saji

Albania: Shiɛlɔi 600 ni bu amɛ shiɛmɔ nitsumɔ he akɔntaa yɛ August lɛ ji yifalɛ ni fe fɛɛ ni gbeɔ yi feɔ 28 ni etsara nɔ nɔ.

Angola: Ana shiɛlɔi ayifalɛ ni fe fɛɛ ni ji 26,129 yɛ sɔɔmɔ afi lɛ naagbee mli. Ana daa gbɛgbalɔi ayifalɛ ni fe fɛɛ hu ni ji 1,309. Kɛ aja mli lɛ, shiɛlɔi na ŋmɛlɛtswai 15 kɛ Biblia mli nikasemɔi enyɔ yɛ August mli.

Britain: Wɔyɛ miishɛɛ akɛ wɔɔbɔ amaniɛ akɛ ana shiɛlɔi ayifalɛ ni fe fɛɛ ni ji 132,440 yɛ August. Enɛ ji oha mlijaa 2 ni fa fe nyɛsɛɛ sɔɔmɔ afi lɛ nɔ lɛ.

Chile: Yɛ August nyɔŋ lɛ mli lɛ, ana shiɛlɔi ayifalɛ hee ni fe fɛɛ ni ji 50,283! Enɛ ji klɛŋklɛŋ be ni ateke yibɔ ni ji 50,000. Kɛ aja mli lɛ, shiɛlɔi kɛ ŋmɛlɛtswai 12 tsu nii yɛ shiɛmɔ nitsumɔ mli. Shia Biblia mli nikasemɔi ni afee lɛ fɛɛ yibɔ ji 63,732.