Kaimɔ lɛ He Kaimɔi

Nɔ ni nyiɛ sɛɛ nɛɛ ji saji ni ehe hiaa ni asusu he dani aye Kaimɔ lɛ yɛ Jufɔ, April 2:

◼ Esa akɛ aha mɔ fɛɛ mɔ, ni wielɔ lɛ fata he lɛ, ale be pɔtɛɛ kɛ he ni abaaye yɛ.

◼ Esa akɛ ana aboloo pɔtɛɛ kɛ wein pɔtɛɛ lɛ ni aha efee klalo.—Kwɛmɔ February 15, 1985 Blɔfo Buu-Mɔɔ lɛ baafa 19.

◼ Esa akɛ akɛ okpɔlɔ kpakpa, okpɔlɔ nɔ haanɔ, plɛtei, kɛ glasei aba asa lɛ nɔ kɛtsɔ hiɛ ni ato he gbɛjianɔ jogbaŋŋ.

◼ Esa akɛ aha Maŋtsɛyeli Asa lɛ loo he kroko ni abaakpe yɛ lɛ atse jogbaŋŋ kɛtsɔ hiɛ.

◼ Esa akɛ ahala mɛi ni baakwɛ shitaramɔ nɔ kɛ mɛi ni kɛ nibii lɛ baaha lɛ ni atsɔɔ amɛ gbɛ ni hi jogbaŋŋ ni abaatsɔ nɔ afee nii lɛ kɛ amɛnitsumɔ kɛtsɔ hiɛ.

◼ Esa akɛ ato gbɛjianɔ koni akɛ nibii lɛ ayaha mɔ fɛɛ mɔ ni afɔ lɛ mu lɛ ni bɛ gbɔmɔtsoŋ hewalɛ ni nyɛɛɛ aba lɛ.

◼ Kɛ ato gbɛjianɔ koni nɔ ni fe kui sɔrɔtoi enyɔ afee yɛ Maŋtsɛyeli Asa kome lɛ nɔŋŋ mli lɛ, no lɛ esa akɛ ekomefeemɔ kpakpa akã kui lɛ ateŋ bɔni afee ni akafa tsɔ yɛ he ni atsɔɔ kɛhoɔ, he ni atsɔɔ kɛbaa jɛmɛ, nyiɛmɔ hei, kɛ he ni akɛ tsɔnei mamɔɔ lɛ.