Namɔ Sa akɛ Eshiɛɔ?
1 Kɛ aawie shiɛmɔ nitsumɔ he lɛ, ani enu he pɛŋ taakɛ Mose nu he lɛ? Ekɛɛ: “Ofainɛ. mi-Nuntsɔ Minaa tseee kɛje jeeŋmɔ beebe kɛ beyinɔ hu ni okɛ otsulɔ wie nɛɛ fɛɛ; shi mileee wielɔ ko, ni mililɛi hu tsii.“ (2 Mose 4:10) Kɛ onuɔ he nakai lɛ, ekolɛ obaasumɔ ni egbala ohe shi. Ni kɛlɛ, Yesu wo wɔ kita akɛ wɔshiɛ wɔtsɔɔ maŋ lɛ ni wɔye odase.’ (Bɔi. 10:42) Nɔ hewɔ lɛ, te wɔfeɔ tɛŋŋ wɔbatsɔmɔɔ sanekpakpa shiɛlɔi ni he esa hu?
2 Jeee bɔ ni wɔ woloŋlee etee hiɛ eha lɛ haa wɔfeɔ mɛi ni sa kɛhaa shiɛmɔ nitsumɔ lɛ. Paulo kɛɛ akɛ “nyɛtsɛmɔ lɛ, jeee heloo gbɛfaŋ nilelɔi pii” ni akɛ. ‘‘je nɛŋ nilee lɛ ji kwashiasane yɛ Nyɔŋmɔ hiɛ.“ (1 Kor. 1:26: 3:19) Yesu hala ebɔfoi lɛ kɛje apaafoi eteŋ —kɛ hoo lɛ, nitsumɔ ni amɛteŋ mɛi ejwɛ tsuɔ ji wuoyaa. Jamɔŋ hiɛnyiɛlɔi lɛ kɛ heguɔgbee buɔ amɛ akɛ amɛjeee woloŋlelɔi kɛ nilelɔi kome.’ Ye tɛi ni je lɛ efolɔ eshwie shi lɛ anaa lɛ, bɔfoi lɛ jeee mɛi ni sa ake amɛshiɛɔ. Ni kɛlɛ, maŋshiɛmɔ ni Petro kɛ hesaa hã yɛ Pentekoste gbi lɛ nɔ lɛ tsirɛ mɛi 3,000 koni abaptisi amɛ—Bɔf. 2:14. 37-41; 4:13.
3 Yehowa Feɔ Wɔ Mɛi ni Sa akɛ Amɛshiɛɔ: Paulo jaje akɛ: wɔsalɛ lɛ Nyɔŋmɔ mli ejɛ.’’ (2 Kor. 3:5) Yehowa, ŋaalee jɛɛhe lɛ etsɔse mɛi akpekpei abɔ koni amɛshiɛ Maŋtsɛyeli lɛ he anɔkwale lɛ amɛtsɔɔ mɛi krokomɛi (Yes. 54:13) Abaanyɛ ana bɔ ni nitsumɔ nɛɛ mɔɔ shi ehaa kɛ yibii ni ewo lɛ yɛ mɛi 338,491 ni abaptisi amɛ nyɛsɛɛ afi lɛ akɛ “yijiemɔ wɔji!” ni hiɛ kamɔ lɛ mli. (2 Kor. 3:1u3) Wɔyɛ yiŋtoo fɛɛ ni wɔɔdamɔ nɔ wɔkɛ ekãa kɛ yiŋtsɔmɔ ashiɛ nibii ni wɔkase kɛjɛ Yehowa ŋɔɔ lɛ.
4 Nyɔŋmɔ gbɛjianɔtoo lɛ eto jeŋmaji ateŋ tsɔsemɔ hu gbɛjianɔ eha sɔɔlɔi. Kɛtsɔ ŋmalɛi lɛ kɛ Biblia kasemɔ he woji babaoo diɛŋtsɛ anɔ lɛ, atsɔɔ wɔ nii ni atsɔseɔ wɔ koni wɔtsɔmɔ mɛi ni ‘eye emuu, ni asaa wɔ pɛpɛɛpɛ’ koni wɔshiɛ (2 Tim. 3:16. 17) Mɛi babaoo enya nilee ni anaa yɛ Asafo lɛ woji amli lɛ he waa. Akɛ nɔkwɛmɔ nɔ lɛ, Swedenbii awolo ni aŋmalaa be kɛ bei lɛ kɛɛ: “Nɔ ni nɔ hemɔkɛyeli ni Yehowa odasefoi shiɛɔ lɛ sɛɛ ji Biblia mli nilee ni nɔ kwɔ ni yɔɔ naakpɛɛ ni wieɔ saji ni kɔɔ jeŋmaji ahe.’‘
5 Yɛ gbɛtsɔɔmɔ ni akɛhaa yɛ wɔ daa otsi kpeei enumɔ lɛ mli, gbɛjianɔtoo kɛha Biblia kanemɔ kɛ ekasemɔ, ŋaa ni awoɔ yɛ Teokrase Sɔɔmɔ Skul lɛ mli, mɛi krokomɛi ni ji sɔɔlɔi ni he esa ni yeɔ buaa mɔ kɛ nɔ ni fe fɛɛ lɛ. Yehowa mumɔ krɔŋkrɔŋ lɛ sɛɛfimɔ hewɔ lɛ, wɔbaanyɛ wɔna nɔmimaa akɛ Yehowa buɔ wɔ akɛ wɔsa kɛmɔ shi akɛ wɔɔshiɛ. ”Wɔwieɔ lɛ ŋmiiŋmi bɔ ni ji Nyɔŋmɔ mli lɛ yɛ Nyɔŋmɔ hiɛ. yɛ Kristo mli!.” —2 Kor. 2:17.
6 Kɛ wɔkɛ teokrase tsɔsemɔ ni Nyɔŋmɔ kɛhaa kɛtsɔɔ egbɛjianɔtoo lɛ nɔ lɛ tsu nu kɛmɔ shi lɛ, wɔbɛ nɔ ni wɔɔdɔmɔ nɔ wɔgbala wɔhe shi loo ni wɔshɛ gbeyei. Wɔbaanyɛ wɔkɛ mliflimɔ ashiɛ wɔtsɔɔ mɛi krokomɛi. kɛ nɔmimaa akɛ Yehowa baajɔɔ wɔ mɔdɛŋbɔi lɛ anɔ. —1 Kor. 3:6.