Jwɛŋmɔŋ Susumɔi ni Aná yɛ Vidio ni Ji The Bible—Its Power in Your Life lɛ He
Yɛ sanebimɔi ni nyiɛ sɛɛ nɛɛ ahetoohamɔ mli lɛ, tsɔɔmɔ jwɛŋmɔŋ susumɔi ni tsɔɔ hiɛsɔɔ ni oná yɛ saji ni yɔɔ vidio nɛɛ mli lɛ he. (1a) Mɛni ji nɔ ni ewo mɛi akpekpei abɔ hewalɛ koni amɛtsake ni amɛshihilɛi ahi aha amɛ? (Heb. 4:12) (1b) Mɛni ji nɔ ni he hiaa koni nine anyɛ ashɛ nɛkɛ hewalɛ nɛɛ nɔ koni mɔ kɛtsu nii yɛ eshihilɛ mli? (2) Mɛɛ Biblia mli ŋmalɛi atsɛ koni eye ebua gbalashihilɛ mli hefatalɔi (a) ni baaha amɛsanegbaa aya hiɛ ni (b) baaha amɛye amɛmlifu nɔ? (3) Mɛɛ gbɛ nɔ bɔ ni Kristofonyo kwɛɔ gbalashihilɛ ehaa lɛ tsakeɔ weku shihilɛ ni ehaa eyaa hiɛ? (Efe. 5:28, 29) (4) Mɛɛ gbɛ nɔ Yehowa Nyɔŋmɔ efee nɔkwɛmɔnɔ ni yeɔ emuu efɔ̃ shi yɛ gbekɛbii ni eha amɛ nibii etɛ ni amɛ fɛɛ amɛtaoɔ ni he hiaa amɛ lɛ yɛ, ni mɛɛ gbɛ nɔ fɔlɔi ni yɔɔ ŋmɛnɛ lɛ baanyɛ afee nakai nɔŋŋ yɛ? (Mar. 1:9-11) (5) Mɛni hewɔ esa akɛ fɔlɔi diɛŋtsɛ atsɔɔ amɛbii lɛ Biblia lɛ, ni mɛni tsɔɔ bɔ ni ehe hiaa ni afee nakai daa? (5 Mose 6:6, 7) (6) Mɛɛ gbɛ nɔ fɔlɔi baanyɛ aha weku nikasemɔ afee nɔ ni miishɛɛ yɔɔ mli yɛ? (7) Yɛ Biblia kasemɔ sɛɛ lɛ, mɛni hu ji nɔ ni Nyɔŋmɔ Wiemɔ lɛ kanyaa fɔlɔi koni amɛkɛha amɛbii? (8) Mɛɛ gbɛ nɔ Biblia mli ŋaawoo baanyɛ aye abua wekui koni amɛnyɛ amɛhi shi yɛ shika gbɛfaŋ? (9) Mɛɛ Ŋmalɛ mli shishitoo mlai kɛji akɛtsu nii lɛ eyeɔ buaa koni akɛba helai abɔ ni mɔmɔɔ mɔ lɛ shi? (10) Mɛɛ gbɛ nɔ shishitoo mlai ni yɔɔ Nyɔŋmɔ Wiemɔ lɛ mli lɛ eha tsakemɔ eba bo diɛŋtsɛ oshihilɛ mli yɛ? (11) Mɛni hewɔ ekolɛ vidio nɛɛ ni mɔ ko ni oyaa eŋɔɔ yɛ sɔɔmɔ nitsumɔ lɛ mli lɛ baakwɛ lɛ baawo lɛ hewalɛ koni ekpɛlɛ ni akɛ lɛ afee shia Biblia mli nikasemɔ?