The Bible—Its Power in Your Life

Biblia lɛ eye ebua mɛi akpekpei abɔ ni amɛtsake ni eha amɛshihilɛi ehi jogbaŋŋ. Mɛɛ Biblia mli shishitoo mlai komɛi kɛ́ wɔkɛtsu nii lɛ ebaaye ebua wɔ ni wɔdamɔ naagbai ni wɔkɛkpeɔ ŋmɛnɛ lɛ anaa? Ŋwanejee ko bɛ he akɛ, kɛ́ okwɛ vidio ni ji The Bible—Its Power in Your Life, vidio ni ji enyɔ nɔ yɛ The Bible—A Book of Fact and Prophecy DVD lɛ nɔ lɛ, obaaná sanebimɔ nɛɛ hetoo. Kɛ́ okwɛ vidio nɛɛ ogbe naa lɛ, ani obaanyɛ oha sanebimɔi nɛɛ ahetoo?

(1) Mɛni hewɔ abaanyɛ akɛɛ akɛ Biblia lɛ jeee wolo folo ko ni aŋma lɛ jogbaŋŋ kɛkɛ lɛ? (Heb. 4:12) (2) Kɛ́ Biblia lɛ baanyɛ aye abua mɛi ni amɛshihilɛ ahi lɛ, mɛni hewɔ adesai kɛ naagbai babaoo kpeɔ lɛ? (3) Mɛni ji Biblia muu lɛ fɛɛ saneyitso? (4) Mɛɛ Ŋmalɛi atsĩ tã yɛ vidio lɛ mli ni baanyɛ aye abua gbalashihilɛ mli hefatalɔi (a) ni amɛnyɛ amɛkɛ amɛhe agba sane jogbaŋŋ fe tsutsu lɛ, kɛ (b) ni amɛnyɛ amɛye mlifu nɔ? (5) Mɛɛ gbɛ nɔ bɔ ni Kristofoi buɔ gbalashihilɛ amɛhaa lɛ haa miishɛɛ hiɔ amɛweku lɛ mli? (Efe. 5:28, 29) (6) Mɛɛ gbɛ nɔ Yehowa fee nɔkwɛmɔnɔ ni hi kɛwula shi eha fɔlɔi? (Mar. 1:9-11) (7) Mɛɛ gbɛ nɔ fɔlɔi baanyɛ aha amɛweku nikasemɔ afee nɔ ni miishɛɛ yɔɔ mli? (8) Yɛ Biblia lɛ ni fɔlɔi kɛ amɛbii aaakase lɛ sɛɛ lɛ, mɛni hu Nyɔŋmɔ Wiemɔ lɛ woɔ amɛ hewalɛ ni amɛkɛ amɛbii lɛ afee? (9) Mɛɛ gbɛ nɔ ŋaawoo ni Biblia lɛ kɛhaa lɛ baanyɛ aye abua wekui ni amɛdamɔ shika he naagbai anaa? (10) Mɛɛ Biblia mli shishitoo mlai ni kɔɔ falefalefeemɔ, tsofai ni akɛtsuɔ nii yɛ gbɛ ni ejaaa nɔ, dãatɔɔ, kɛ yeyeeyefeemɔi ahe kɛ́ wɔkɛtsu nii lɛ ehaŋ helai afɔ wɔ mɔmɔ? (11) Mɛɛ Biblia mli shiwoi baanyɛ aye abua wɔ? (Hiob 33:25; Lala 145:16) (12) Mɛɛ gbɛ nɔ Nyɔŋmɔ Wiemɔ lɛ eye ebua bo yɛ oshihilɛ mli? (13) Mɛɛ gbɛ nɔ obaanyɛ okɛ vidio nɛɛ atsu nii kɛye obua mɛi krokomɛi?