Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Dec. 15

“Gbɔmɛi pii susuɔ Yesu Kristo he yɛ nɛkɛ be nɛɛ mli yɛ afi lɛ mli, ekɔɔɔ he eko akɛ amɛheɔ lɛ amɛyeɔ aloo amɛheee lɛ amɛyeee. Mɛi komɛi kɛɔ akɛ ejeee gbɔmɔ pɔtɛɛ ni hi shi. Te osusuɔ tɛŋŋ? [Beni eha hetoo sɛɛ lɛ, kanemɔ Mateo 16:15, 16.] Miheɔ miyeɔ akɛ obaanya sane ni kɔɔ ‘Mɔ Tuuntu ni Yesu Ji’ lɛ he lɛ kanemɔ he, koni ona bɔ ni esaa ohe ŋmɛnɛ kɛ bɔ ni ebaasa ohe yɛ wɔsɛɛ be mli lɛ.”

Awake! Dec. 22

“Ani okpɛlɛŋ nɔ akɛ, bɔni afee ni shihilɛ afee nɔ ni yɔɔ shweshweeshwe lɛ, niyenii falɛ ni hi ni anyɛɔ akɛ he fɔ̃ɔ nɔ he baahia wɔ? [Ŋmɛɛ gbɛ ni eha hetoo.] Kadimɔ nɔ ni Nyɔŋmɔ kɛwo ewebii lɛ ashi yɛ Biblia bei amli lɛ. [Kanemɔ 3 Mose 26:4, 5.] Awake! lɛ wieɔ bɔ ni ahaoɔ ŋmɛnɛ yɛ wɔniyenii ahe lɛ he. Etsɔɔ be mli ni Nyɔŋmɔ baaha wɔfee shweshweeshwe yɛ shikpɔŋ muu lɛ fɛɛ nɔ lɛ hu.”

Buu-Mɔɔ Jan. 1

“Ani osusuɔ nɔ hewɔ ni etamɔ nɔ ni gbɔmɛi komɛi hiɔ shi yɛ ogbɔjɔ shihilɛ mli yɛ be mli ni etɔɔ mɛi krokomɛi dani amɛnáa amɛ daaŋ ŋmãa lɛ he? Biblia lɛ yɛ nɔ ko kɛɛmɔ yɛ enɛ he. [Kanemɔ Hiob 34:19.] Atsɔɔ bɔ ni Nyɔŋmɔ baaha gbɔmɛi amligbalamɔ afee nɔ ko ni bɛ dɔŋŋ lɛ mli yɛ wolo tɛtrɛɛ nɛɛ mli.”

Awake! Jan. 8

“Wɔ fɛɛ wɔle oshara ni hoso je lɛ. Kɛjɛ nakai be lɛ mli kɛbaa nɛɛ, miishɛjemɔ kɛ yelikɛbuamɔ babaoo he ebahia mɛi pii. Nɛkɛ sane nɛɛ kɛ ekrokomɛi tsɔɔ nɔ ni Yehowa Odasefoi yaa nɔ amɛfeɔ koni amɛkɛye amɛbua mɛi ni je mli shweshweeshwe lɛ kɛ mɛi ni agbo ashi amɛ lɛ mli.”