Sanebimɔ He

◼ Mɛɛ taomɔ nii ni kɔɔ atade kɛ hesaamɔ he esa akɛ wɔkɛtsu nii beni wɔyasaraa Betel shiai lɛ kɛ nitsumɔhe nine lɛ?

Kɛji akɛ wɔyasara Betel, kɛha jɛmɛ kwɛmɔ loo kɛha Betel weku lɛ mlinyo ko saramɔ lɛ, “esa akɛ wɔ atadewoo kɛ hesaamɔ kɛ jeŋba atamɔ bɔ ni akpaa wɔ gbɛ beni wɔyaa kpeei kɛha jamɔ yɛ Maŋtsɛyeli Asa lɛ nɔ lɛ pɛpɛɛpɛ.” (om 131) Shi ana akɛ, kɛji akɛ nyɛmimɛi hii kɛ yei komɛi miiba abasara nitsumɔhe nine lɛ, amɛhesaamɔ bɛ hiŋmɛi nɔ kwraa. Enɛ esaaa beni wɔyaa ni wɔyasara nitsumɔhe nine lɛ. Esa akɛ wɔsaa wɔhe fɛfɛo bɔ ni hi jogbaŋŋ yɛ hiɛshikamɔ mli, nɔ ni jieɔ bulɛ kɛ woo ni sa Yehowa Nyɔŋmɔ tsuji lɛ kpo.—1 Tim. 2:9, 10.

Enɛ he hiaa waa yɛ be mli ni wɔyasaraa Betel shiai lɛ kɛ nitsumɔhei lɛ, ejaakɛ ehaa mɛi ni jeee Odasefoi lɛ naa bɔ ni wɔji. Mɛi ni kwɛɔ nɔ ni yaa nɔ lɛ baaná jwɛŋmɔ ko yɛ Nyɔŋmɔ webii lɛ kɛ egbɛjianɔtoo lɛ he, ni enɛ damɔ nɔ ni amɛnaa lɛ nɔ. Ebaafee nɔ ni hi ákɛ akɛ Biblia kaselɔi kɛ mɛi krokomɛi ni baaya ayasara jɛmɛ lɛ awie ni akai amɛ yɛ bɔ ni ehe hiaa ni amɛkwɛ amɛ atadewoo kɛ hesaamɔ jogbaŋŋ lɛ he. Betel weku lɛ hiɛ baasɔ enɛ ni nyɛaafee lɛ jogbaŋŋ.

Ákɛ sɔɔlɔi Kristofoi lɛ, esa akɛ wɔkwɛ jogbaŋŋ koni wɔ hesaamɔ akatɔ̃tɔ̃ mɔ ko nane. (2 Kor. 6:3, 4) Nɔ ni tamɔɔɔ nakai lɛ, eba akɛ kɛtsɔ wɔ hesaamɔ kpakpa nɔ lɛ, ‘wɔɔwula Nyɔŋmɔ ni ji wɔyiwalaherelɔ lɛ tsɔɔmɔ lɛ yɛ nibii fɛɛ mli’ be fɛɛ be.—Tito 2:10.