Nɔ ni Esa akɛ Owie yɛ Woji Tɛtrɛbii lɛ Ahe

The Watchtower Aug. 15

“Mɛni osusuɔ akɛ no ji anɔkwayeli ni nɔ kwɔ fe fɛɛ? [Ŋmɛɛ gbɛ ni eha hetoo.] Sane nɛɛ maa anɔkwayeli kɛha anɔkwa Nyɔŋmɔ lɛ nɔ mi. [Gbelemɔ baafa 5, ni okane 2 Samuel 22:26.] Ani ole akɛ anɔkwa ni ayeɔ Nyɔŋmɔ lɛ baanyɛ aye abua ni etsĩ gbɔmɛi anaa koni amɛkafee nii ni suɔmɔ bɛ mli amɛshi mɛi krokomɛi? Mile akɛ obaaná ekanemɔ he miishɛɛ.”

Awake! Aug. 22

“Ani óhao yɛ adesai ni woɔ je lɛŋ muji ni anyɛɛɛ afee nɔ ko yɛ he dɔŋŋ lɛ he pɛŋ? [Ŋmɛɛ gbɛ ni eha hetoo.] Nɔ titri ni kɛ naagba lɛ baa ji nifitemɔ. Yesu tsɔɔ esɛɛnyiɛlɔi lɛ akɛ amɛkafee mɛi ni fiteɔ nii. [Kanemɔ Yohane 6:12.] Wolo tɛtrɛɛ nɛɛ tsɔɔ wɔ bɔ ni Biblia shishitoo mlai asɛɛnyiɛmɔ baanyɛ aye abua wekui koni amɛkwa nibii ni ashɛrɛɔ ashwieɔ kɛkɛ lɛ he jwɛŋmɔ lɛ.”

The Watchtower Sept. 1

“Ani oyɔse akɛ akutsei babaoo yɛ ni mɛi ni yɔɔ mli lɛ leee amɛhe dɔŋŋ tamɔ bɔ ni eyɔɔ tsutsu ko lɛ? [Ŋmɛɛ gbɛ ni eha hetoo.] Yesu jaje shishitoo mla ko ni he hiaa titri kɛha akutsoŋnyo kpakpa feemɔ. [Kanemɔ Mateo 7:12.] Nɛkɛ saji nɛɛ tsɔɔ bɔ ni wɔɔfee wɔtsɔmɔ akutseiaŋbii kpakpai ni wɔwo mɛi krokomɛi hewalɛ ni amɛfee nakai nɔŋŋ.”

Awake! Sept. 8

“Yeyeeyefeemɔ eyi mɛi pii ashihilɛ mli obɔ ŋmɛnɛ. [Kanemɔ Jajelɔ 9:11.] Nɛgbɛ abaaná gbɛtsɔɔmɔ ni anyɛɔ akɛ he fɔɔ nɔ yɛ? [Ŋmɛɛ gbɛ ni eha hetoo.] Mɛi komɛi tsɔɔ amɛhe kɛyaa ashwaifeemɔ he. Ani enɛ ji gbɛ ni abaatsɔ nɔ ajie owɔsɛɛ kpo atsɔɔ bo? Nɛgbɛ obaaná saji ni anyɛɔ akɛ he fɔɔ nɔ ni kɔɔ wɔsɛɛ be he lɛ kɛjɛ? Awake! kɛ hetooi lɛ haa.”