Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Aug. 15

“Mɛi pii buɔ gbɛi kpakpa ni aaaná lɛ waa. Mɛi komɛi po susuɔ bɔ ni abaakai amɛ aha kɛji amɛgboi lɛ he. Ani osusu enɛ he pɛŋ? [Ŋmɛɛ gbɛ ni eha hetoo. No sɛɛ lɛ kanemɔ Jajelɔ 7:1.] Buu-Mɔɔ nɛɛ wieɔ bɔ ni wɔɔfee wɔná gbɛi kpakpa yɛ gbɔmɛi kɛ Nyɔŋmɔ hiɛ lɛ he.”

Awake! Aug. 22

“Kɛ́ bo aloo oweku lɛ mlinyo ko kɛ hegbeyeiwoo ekpe pɛŋ lɛ, belɛ ole bɔ ni enɛ baanyɛ ahao mɔ waa aha. [Ŋmɛɛ gbɛ ni ewie.] Awake! nɛɛ kɛ ŋaawoo kpakpa haa mɛi ni awoɔ amɛhe gbeyei lɛ. Ewieɔ be ko ni Nyɔŋmɔ ewo shi yɛ he ní naagbai ni tamɔ enɛɛmɛi ehiŋ shi dɔŋŋ yɛ shihilɛ mli lɛ hu he.” Kanemɔ Mika 4:4.

Buu-Mɔɔ Sept. 1

“Mɛi babaoo nuɔ he akɛ jamɔi srɔtoisrɔtoi ni adesai kɛ amɛhe ewo mli lɛ ji gbɛ̀i srɔtoi kɛkɛ ni atsɔɔ nɔ kɛyaa oti kome too lɛ nɔŋŋ he. Mɛi krokomɛi heɔ amɛyeɔ akɛ anɔkwa jamɔ kome pɛ yɔɔ. Ani osusu enɛ he? [Ŋmɛɛ gbɛ ni eha hetoo.] Wolo tɛtrɛɛ nɛɛ pɛiɔ blema abɛbua ko ni haa anaa sanebimɔ nɛɛ mli faŋŋ lɛ mli.” Maa Mateo 13:24-30 lɛ nɔ mi.

Awake! Sept. 8

“Hesaamɔi ni eba nɔ lɛ náa mɛi pii ashihilɛ nɔ hewalɛ waa ŋmɛnɛ. Mɛi komɛi susuɔ akɛ amaa atadei ni mɛi woɔ kɛ bɔ ni amɛpueɔ amɛhaa lɛ nɔ mi fe nine. Te osusuɔ tɛŋŋ? [Ŋmɛɛ gbɛ ni eha hetoo.] Awake! nɛɛ kɛ hesaamɔ he jwɛŋmɔ ni ŋmɛɔ pɛpɛɛpɛ ni aaaná haa.” Kanemɔ Kolosebii 3:12.