Gbɛjianɔtoo Hee Kɛha Maŋtsɛyeli Asa Nɔ Wojiatoohei
Afii babaoo nɛ, ni asafoi ni yɔɔ jeŋ fɛɛ lɛ ená amɛ Maŋtsɛyeli Asa nɔ wojiatoohe, ni tsu- tsu lɛ atsɛɔ lɛ Teokrase Sɔɔmɔ Skul wojiatoohe lɛ kɛ nitsumɔ lɛ he sɛɛ. Yɛ be ko ni eho lɛ, asusu akɛ ehe miihia ni asafo fɛɛ asafo aná lɛ diɛŋtsɛ ewojiatoohe. Shi, akɛni amrɔ nɛɛ, asafoi ni fe ekome yaa Maŋtsɛ- yeli Asai babaoo mli, ni maŋsɛɛ wiemɔi asafoi fata he hewɔ lɛ, etamɔ nɔ ni ehi jogbaŋŋ akɛ aaaná Maŋtsɛyeli Asa wojiatoohe kome pɛ ni awo mli woji jogbaŋŋ, ni woji ni yɔɔ mli lɛ yɛ ebe naa kɛha wiemɔ fɛɛ wiemɔ yɛ Maŋtsɛyeli Asa fɛɛ Maŋtsɛ- yeli Asa nɔ. Yɛ tsũi ni Maŋtsɛ- yeli Asai ni fe ekome yɔɔ mli lɛ amli lɛ, esa akɛ asa fɛɛ asa aná wojiatoohe kɛha wiemɔ fɛɛ wie- mɔ ni kpeɔ yɛ jɛmɛ.
Aakpa gbɛ akɛ nɛkɛ gbɛjianɔtoo nɛɛ baaye abua ni aná gbɛ ni akafite shika. Kɛfata he lɛ, wojiatoohei kɛha asafoi enyɔ loo nɔ ni fa fe nakai ni aaafee lɛ ekome lɛ hu baaha aná wojiatoohei kpakpai. Yɛ be mli ni afeɔ enɛɛmɛi fɛɛ ekome lɛ, abaanyɛ akɛ woji ahenɔi ni eshwɛ lɛ ato koni Maŋtsɛyeli Asai ni kpaako abaamamɔ lɛ kɛtsu nii wɔsɛɛ. Kɛji akɛ ayɛ Watchtower Library ni yɔɔ CD-ROM nɔ lɛ yɛ Maŋtsɛyeli Asa lɛ nɔ lɛ, ekolɛ mɛi komɛi baaná nɛkɛ dɛŋdade nɛɛ he sɛɛ.
Yɛ Maŋtsɛyeli Asa fɛɛ Asa nɔ lɛ, nyɛmi nuu kome baasɔmɔ akɛ wojiatoohe nɔkwɛlɔ, kɛ ebaahi lɛ esa akɛ efee Teokrase Sɔɔmɔ Skul nɔkwɛlɔi lɛ ateŋ mɔ kome. Esa akɛ ekɛ woji ni sa afata nɔ ni abua naa lɛ ahe fiofio, ni ekadi wolo lɛ eko fɛɛ eko hehaanɔ lɛ mligbɛ jogbaŋŋ koni etsɔɔ akɛ eji Maŋtsɛyeli Asa Wojiatoohe lɛ nɔ̃. Kɛ hooo kwraa lɛ, daa afi lɛ esa akɛ ekwɛ wojiatoohe lɛ akɛ nɔ fɛɛ nɔ eshɛ jogbaŋŋ, koni ena nɔ- mimaa akɛ woji lɛ fɛɛ yɛ pɛpɛɛpɛ. Esaaa akɛ akɔɔ woji ni yɔɔ wojiatoohe lɛ mli lɛ eko kɛshiɔ Maŋtsɛyeli Asa lɛ nɔ. Ɛnsɛ sɛ wɔfa nhoma horow fi Ahenni Asa so nhomakorabea horow yi mu.
Mɛi fɛɛ ni kɛ asafo lɛ bɔɔ lɛ ahiɛ sɔɔ wojiatoohe ni yɔɔ Maŋ- tsɛyeli Asa lɛ nɔ lɛ waa be fɛɛ be. Eba akɛ wɔɔtsɔɔ akɛ wɔbuɔ gbɛjianɔtoo nɛɛ akɛ ejara wa waa kɛtsɔ kwɛ ni wɔɔkwɛ nɔ kɛ nii ni wɔkɛbaatsu koni wɔkɛ- tao “Nyɔŋmɔ he nilee” lɛ nɔ.—Abɛi 2:5.