Nyɛkɛtsua Nii, Nyɛkɛkatoa

Asafoi babaoo ebua woji memeji pii anaa amɛto. Mɛni hewɔ oyaŋɔɔɔ ekomɛi ni okɛyafata oteokrase woji lɛ ahe lɛ? Yɛ anɔkwale mli lɛ, ekolɛ oyɛ Watchtower Library lɛ eko ni woji memeji nɛɛ ekomɛi yɛ nɔ. Kɛlɛ, sɛɛnamɔ yɛ he akɛ oooná wolo lɛ diɛŋtsɛ hu eko. Ani okɛ Biblia mli nikaselɔ ko ni miiya ehiɛ miikase nii? No lɛ, wo lɛ hewalɛ koni eyakɔlɔ woji memeji nɛɛ eko ni ekɛto kɛha lɛ diɛŋtsɛ ehe. Esa akɛ Teokrase Sɔɔmɔ Skul nɔkwɛlɔ lɛ akwɛ akɛ ayɛ woji memeji ni nyɛsafo lɛ kɛto nɛɛ ateŋ eko fɛɛ eko yɛ Maŋtsɛyeli Asa lɛ wojiatoohe lɛ. Woji nɛɛ ahe yɛ sɛɛnamɔ lolo. Kɛ́ wɔkɛ woji memeji nɛɛ tsu nii lɛ, wɔbaaná he sɛɛ jogbaŋŋ moŋ fe nɔ ni asafo lɛ aaabua naa kɛto!