Nɔ ni Esa akɛ Owie yɛ Woji Tɛtrɛbii lɛ Ahe

The Watchtower Apr. 15

“Mɛi babaoo eyɔse akɛ mumɔŋ sui kpakpai eba shi yɛ nyɛsɛɛ afii nɛɛ amli. Ani oyɔse enɛ? [Ŋmɛɛ gbɛ ni eha hetoo. No sɛɛ lɛ kanemɔ Lala 119:105.] Mumɔŋ sui kpakpai baanyɛ aye abua mɛi koni amɛtsi amɛhe kɛjɛ shihilɛ mli naagbai babaoo ahe. Nɛkɛ wolo tɛtrɛɛ nɛɛ tsɔɔ he ni abaanyɛ aná anɔkwa mumɔŋ sui kpakpai yɛ.”

Awake! Apr. 22

“Yɛ ŋmɛnɛŋmɛnɛ jeŋ ni nibii yaa hiɛ oyayaayai nɛɛ mli lɛ, mɛi babaoo ahiɛ feɔ amɛ yaa akɛ gbekɛbii miidara oyayaayai tsɔ. Ani enɛ gbaa onaa? [Ŋmɛɛ gbɛ ni eha hetoo. No sɛɛ lɛ, kanemɔ Jajelɔ 3:1, 4.] Esaaa akɛ gbekɛbiiashi bafeɔ be ni akɛtsuɔ onukpai asɔ̃i ahe nii. Nɛkɛ Awake! nɛɛ tsɔɔ bɔ ni fɔlɔi baanyɛ abu amɛbii ahe beni gbekɛbii lɛ darako kwraa lɛ.”

The Watchtower May 1

“Sanebimɔi komɛi yɛ ni adesai nyɛŋ aha hetoo. Kadimɔ nɔkwɛmɔnɔ nɛɛ. [Kanemɔ Hiob 21:7.] Ani oyɛ sanebimɔ ko ni kulɛ obaasumɔ ni obi Nyɔŋmɔ? [Ŋmɛɛ gbɛ ni eha hetoo.] Nɛkɛ wolo tɛtrɛɛ nɛɛ tsɔɔ bɔ ni gbɔmɛi ni yɔɔ shikpɔŋ nɔ he fɛɛ he lɛ ená hetooi ni haa mɔ tsui nyɔɔ emli kɛha shihilɛ mli sanebimɔi etɛ ni he hiaa fe fɛɛ lɛ.”

Awake! May 8

“Wɔteaŋ mɛi babaoo yɛ ni le mɔ ko ni miiye sikli hela. Ani ole hela nɛɛ he saji babaoo? [Okɛ wolo tɛtrɛɛ lɛ sɛɛ atsɔɔ lɛ, ni oŋmɛ gbɛ ni eha hetoo.] Nɛkɛ wolo tɛtrɛɛ nɛɛ pɛiɔ nibii ni kɛ sikli hela baa kɛ enaa tsabaa lɛ mli. Ewieɔ Biblia mli shiwoo ni kɔɔ naanɔ tsabaa kɛha helai fɛɛ he lɛ hu he.” Kanemɔ Yesaia 33:24 ni okɛmu osane lɛ naa.