Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Apr. 1

“Woji amli wiemɔi fioo komɛi eha mɛi esusu amɛyiŋ babaoo yɛ Biblia mli teemɔŋ sane ni kɔɔ kooloo lɛ okadi lɛ he. Ani onu sane nɛɛ pɛŋ? [Ŋmɛɛ gbɛ ni eha hetoo. No sɛɛ lɛ, kanemɔ Kpojiemɔ 13:16-18.] Biblia lɛ diɛŋtsɛ kɛ yelikɛbuamɔi ni haa anuɔ nɛkɛ teemɔŋ sane nɛɛ shishi lɛ haa. Wolo tɛtrɛɛ nɛɛ tsɔɔ nɔ ni amɛji lɛ mli.”

Awake! Apr. 8

“Mɛi babaoo le Mose wala shihilɛ he saji. Shi ani ole akɛ Mose wie nɔ ko ni saa wɔwala shihilɛ he ŋmɛnɛ? [Ŋmɛɛ gbɛ ni eha hetoo. No sɛɛ lɛ, kanemɔ 5 Mose 18:15.] Awake! nɛɛ susuɔ mɔ ni nakai gbalɔ ni agba yɛ ehe lɛ ji kɛ nɔ ni ebaafee kɛye ebua adesai lɛ he.”

Buu-Mɔɔ Apr. 15

“Mɛi komɛi nuɔ he akɛ nɔ fɛɛ nɔ ni baa yɛ shihilɛ mli, ni osharai fata he lɛ, ji Nyɔŋmɔ suɔmɔnaa nii. Ani osusu he nakai pɛŋ? [Ŋmɛɛ gbɛ ni eha hetoo.] Mɛi babaoo le nɛkɛ sɔlemɔ nɛɛ. [Kanemɔ Mateo 6:10b.] Mɛni ji Nyɔŋmɔ suɔmɔnaa nii kɛha shikpɔŋ lɛ, ni mɛɛ be ebaaná emlibaa kwraa kɛmɔ shi? Wolo tɛtrɛɛ nɛɛ kɛ hetoo ni jɛ Biblia lɛ mli haa.”

Awake! Apr. 22

“Yɛ wɔŋmɛnɛŋmɛnɛ je nɛɛ mli lɛ, mɛi komɛi nuɔ he akɛ amɛbɛ hiɛnɔkamɔ. Ani onuɔ he nakai bei komɛi? [Ŋmɛɛ gbɛ ni eha hetoo. No sɛɛ lɛ, kanemɔ Romabii 15:4.] Mɛi babaoo nuɔ he akɛ ehe miihia ni aná hiɛnɔkamɔ. Obaaná Ŋmalɛ naa yiŋtoi kpawo ni aaadamɔ nɔ aná hiɛnɔkamɔ, ni Awake! nɛɛ kɛhaa lɛ ahe susumɔ he miishɛɛ.”