Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Aug. 1

“Akɛni Adesai amli egbala hewɔ lɛ, mɛi babaoo susuɔ akɛ gbɛ pɛ ni abaanyɛ atsɔ nɔ akɛ jeŋ muu fɛɛ toiŋjɔlɛ aba ji kɛtsɔ jeŋ muu fɛɛ nɔyeli kome pɛ nɔ. Ani osusuɔ akɛ abaanyɛ aná nɔ ko tamɔ nakai? [Ŋmɛɛ gbɛ ni eha hetoo. No sɛɛ lɛ kanemɔ Daniel 2:44.] Nɛkɛ wolo tɛtrɛɛ nɛɛ susuɔ nɔ ni Nyɔŋmɔ Maŋtsɛyeli lɛ tsuɔ amrɔ nɛɛ kɛ bɔ ni etsɛŋ kwraa ni ekɛ jeŋ muu fɛɛ toiŋjɔlɛ baaba lɛ he.”

Awake! Aug. 8

“Wɔ fɛɛ wɔyeɔ awerɛhoo kɛ wɔnu ákɛ akɛ gbekɛbii miitsu nii yɛ gbɛ ni esaaa nɔ. Ekolɛ osusu he pɛŋ akɛ, ‘Ani Nyɔŋmɔ susuɔ wɔhe lɛɛlɛŋ?’ [Ŋmɛɛ gbɛ ni eha hetoo. No sɛɛ lɛ kanemɔ Lala 72:12-14.] Nɛkɛ sane nɛɛ susuɔ bɔ ni Nyɔŋmɔ nuɔ he ehaa yɛ gbekɛbii ahe kɛ bɔ ni etsɛŋ ni ekɛ heyeli kwraa baaba ebaha mɛi ni awaa amɛyi lɛ ahe.”

Buu-Mɔɔ Aug. 15

“Ŋmɛnɛ, mɛi babaoo biɔ gbalashihilɛ kɛ bii atsɔsemɔ he ŋaawoo kɛjɛɔ hei srɔtoi. Nɛgbɛ osusuɔ akɛ abaanyɛ aná ŋaawoo ni hi fe fɛɛ lɛ kɛjɛ? [Ŋmɛɛ gbɛ ni eha hetoo.] Buu-Mɔɔ nɛɛ wieɔ ŋaawoi komɛi ni nilee yɔɔ mli ni adesai a-Bɔlɔ lɛ kɛha ni kɔɔ weku shihilɛ he lɛ ahe.” Kanemɔ Lala 32:8.

Awake! Aug. 22

“Te osusuɔ akɛ ehe hiaa ni tsɛmɛi kɛ amɛhe awo amɛbii ashihilɛi amli amɛha tɛŋŋ? [Ŋmɛɛ gbɛ ni eha hetoo.] Nɛkɛ Awake! nɛɛ wieɔ tsɛmɛi ni ehiii shia he naagba ni miiya hiɛ lɛ he. Etsɔɔ bɔ ni tsɛmɛi baanyɛ aná hewalɛ kpakpa yɛ amɛbii anɔ lɛ hu mli.” Kanemɔ Abɛi 13:1.