Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Nov. 1

“Be ko eba pɛŋ ni afite hekɛnɔfɔɔ ni wɔyɔɔ yɛ mɛi amli lɛ. Ani obi ohe pɛŋ akɛ, ‘Ani mɔ ko yɛ ni manyɛ mikɛ mihe afɔ enɔ?’ [Ŋmɛɛ gbɛ ni eha hetoo. No sɛɛ lɛ, kanemɔ Abɛi 3:5.] Nɛkɛ wolo tɛtrɛɛ nɛɛ tsɔɔ nɔ hewɔ ni wɔbaanyɛ wɔkɛ wɔhe afɔ Nyɔŋmɔ nɔ kwraa kɛmɔ shi. Etsɔɔ bɔ ni wɔɔfee ni wɔle mɛi ni esa akɛ wɔkɛ wɔhe afɔ amɛnɔ lɛ hu.”

Awake! Nov. 8

“Etamɔ nɔ ni nibii ni akɛ mu ni anáa kɛjɛɔ shikpɔŋ lɛ feɔ lɛ saa wɔshihilɛ mli nɔ fɛɛ nɔ he. Ani osusu bɔ ni shihilɛ baafee aha lɛ he pɛŋ, kɛji enɛɛmɛi bɛ wɔhe kulɛ? [Ŋmɛɛ gbɛ ni eha hetoo.] Nɛkɛ wolo tɛtrɛɛ nɛɛ gbaa bɔ ni fee ni mu batsu gbɛfaŋnɔ ko ni he hiaa waa yɛ ŋmɛnɛŋmɛnɛ adesai ashihilɛ mli lɛ. Etsɔɔ nɔ hewɔ ni esaaa akɛ wɔsusuɔ hu akɛ mu lɛ baatã wɔsɛɛ ko.”

Buu-Mɔɔ Nov. 15

“Yɛ be ko ni eho lɛ mli lɛ, mɛi babaoo susuɔ akɛ shikpɔŋ lɛ baatsɔ paradeiso gbi ko. Ŋmɛnɛ lɛ, mɛi komɛi susuɔ kɛji akɛ ebaahi shi gbi ko po. Te osusuɔ shikpɔŋ lɛ wɔsɛɛ be he ohaa tɛŋŋ? [Ŋmɛɛ gbɛ ni eha hetoo.] Kadimɔ nɔ ni Biblia lɛ kɛɔ yɛ enɛ he lɛ. [Kanemɔ Lala 37:11.] Nɛkɛ wolo tɛtrɛɛ nɛɛ yaa nɔ etsɔɔ nɔ ni Biblia lɛ tsɔɔ hiɛ egbaa kɛhaa shikpɔŋ lɛ lolo.”

Awake! Nov. 22

“Mɛi komɛi haoɔ akɛ bɔ ni afiteɔ shihilɛhei lɛ ahaa lɛ eshɛ he ko ni anyɛŋ asaa. Ani osusuɔ akɛ nɔ ko bɛ ni abaanyɛ afee yɛ shihilɛ lɛ he? [Ŋmɛɛ gbɛ ni eha hetoo.] Bɔlɔ lɛ etooo eyiŋ akɛ shikpɔŋ lɛ atsɔ tumo ni anyɛŋ ahi nɔ. [Kanemɔ Yesaia 45:18.] Nɛkɛ wolo tɛtrɛɛ nɛɛ tsɔɔ bɔ ni abaafee abáa shikpɔŋ lɛ yi.”